"سمحة ورقاصة" ماقلنا "حاجة" ومبسوطين كمان !! لكن "تغني" غنانا ونديـها "هدية" فدي ما قدرت أفهما "صورة"

اليوم في الراكوبة "خبر" أو في الحقيقة "تصريح" لمغنية أثيوبية إسمـها "هايمونيت"
البنية "مسجلة" حضور "كثيف" في ليالي "الخليج" بشكل تام وبتتغنى بالغناء السوداني
أنا ما حضرت ليـها "فعالية" قبال دا لكن شفتـها في إعلانات الحفلات وفي التلفزيون كذا مرة
وقد حباها الله بنعمة "الملاحة" لكن غناها بالعامية السودانية بيتناسب عكسياً مع شكلها
تصريحا الفي الراكوبة ينم عن "سذاجة" لا تليق بمن يتصدى للفن الغنائي سوداني ولا حبشي
فقالت انها حا تواصل في ترديد الأغنيات السودانية للتفاعل الكبير الذي وجدته من السودانيين
وخصت السودانيين بالإمارات والسودان عند زيارتها للخرطوم والجاليات السودانية في الدول التي زارتها
وذكرت أن الغناء السوداني جعل لها جمهوراً كبيراً وقاعدة عريضة من المعجبين والمعجبات
بل أضافت بأن "الأغاني السودانية" صنعت "لها" أي لـ"هايمونيت" أسهماً ومنحها ثقلاً وأعطاها وزناً
واعترفت هايمونيت بأنها ما "مبسوطة" من تحذيرات بعض الشعراء السودانيين بعدم تريد أغانيهم
وبررت ذلك بأن ترديدها للغناء السوداني يأتي من باب الحب والإعجاب به والتواصل مع أهله
وأكدت على انها لا تهدف إلى التكسب التجاري والمادي من خلال تريد الأغنيات السودانية
وقالت بانها لم تقم بإنتاج ألبومات غنائية تحوي أغنيات سودانية دون منح الشعراء والملحنين حقوقهم. إنتهى
وحد علمي فإنها تتقاضى مبالغ ضخمة نظير ترديدها للأغنيات السودانية في حفلات الصالات المغلقة
وأنا ماعارف ليه "مُصِرة" على الغناء السوداني ولو غنت بالتكرنجا برضو حا تلقى التذاكر كملت من العصر !!
فهل بتفتكري في "زول" قاعد يعاين إنت بتقولي في شنو ؟؟
والدليل تعليق زول مبسوط منك "ومن تصريحك" المشرور في الراكوبة فقد أورد المبسوط :
(( غني ساااااااااااي يابت زول بيسـألك مافي
وانا ليك مني دلووووووووكة هدية
هي وقفت على الغناء يعني)).
والله صحي
غني وأغني فالراح كتير وليس أقلاهو "مساهمك يا هبيبي مما جور أليا"

هي صحي بقت علي الغناء

كلنا مبسوطين ومتكيفين

علي اليمين جابوها مرة في

قناة قوون العمم كلها طارت

وود الجبل شوف عيني شالته

الهاشمية عرض ليها في اغنية استماع

البت مليحة وكمان محبوبة من الجمهور السوداني داخل وخارج حدود البلد الموكوس.
إني بصفتي مواطن سوداني مهضومة حقوقه، أطلب من السيد الريس بعد أن طاب بلعومه كما يدعي النظام الحاكم، أن يمنح هذه البنت الجنسية السودانية، على مبدأ المعاملة بالمثل ، يعني لعيبة الكورة الفاشلين أحسن منها بي شنو
ملحوظة: كلمة محبوبة التي وردت في هذه المداخلة ليس لها اي علاقة من قريب أو بعيد بالأستاذ المحبوب
السؤال : " الشاماه دا شنو يابلاش ؟ "
الإجابة : شمي ساي

كدا والله بلاش
وحيات ديني تغني احسن من الاسمو الحوت

فهل بتفتكري في "زول" قاعد يعاين إنت بتقولي في شنو ؟؟
يامهبوبى انا غايتو بعرف الغنا ء بسمعو .....
مابعاينو لى ..........

مهما غنت هايمنيت بلغة مكسرة فلن تصل الي مستوي احد مطربي الحصاحيصا القداما الذي اصابنا بالصمم وهو يردد أغنية زيدان ابراهيم ( شٌفت الرموش خلف الدموع ).. وهيمونيت سمع وشوف وشم وذوق وما احلاها لحسة كوع!!!

الاخ/ محبوب
هناك مثل سوداني قديم بقول :
الغلبتو مرتو يأدب حماتو !!
وعلي شاكلته : ـــ
الغليتو (الازمة الوطنية ) إأدب الحبشية ؟؟
مع تحباتي للعلاقة (الأزلية) :السوداني/الأثيوبية !!!!!
ودمتن/دمتم

» صورة من عندنا والتعليق من عندكم (اوع كمان تلحقوها صورة فصل الدين عن الدولة )
» مع تقديرنا لأحلام مستغانمي لكن كمان يا غازي سليمان بالغت كيف قدرت "تفرز" بين الجيهة والجبهة !! "صور"
» الي موسي وهارون.. اوع كمان تقولوا دي صورة فاضحة زي فصل الدين عن الدولة
» كدي ورينا يا "سُعاد" القال عليك "ما سمحة وما مهمة" دا منو ؟؟ عشان نوقفوا ليك بين يدي الله
» أصعب أغنية سودانية (مجموعة ما قدرت عليها)