عيد الاضحي

ولله الحمد حضرت عيد الاضحي بالسودان
ومتعودين انا واخواني واخوالي في كل عيد اضحي
ان نشتري الخرفان من واحد معرفه يربيهم في الحواشات
وصراحه هي خرفان سمينه
المهم في هذا العيد اشترينا منه عدد 7 خراف
واول يوم ضبحنا ثلاثه وتاني وتالت يوم اتنين اتنين
المهم صاحبنا اللي اشترينا منو الخرفان
جانا اول يوم وبارك لينا العيد
والجماعه ماقصروا معاه ادوه لحمه والراس
وتاني يوم برضو جانا وما قصروا معاه
اها انا قمت سالت انتو الزول دا امس مش جاكم وبارك العيد
قالوا نعم واليوم الجابو شنو ؟
قالوا لي دا الاشترينا منو الخرفان
يعني من المتوقع باكر برضو يبارك العيد
قالو نعم
وكان تالت يوم خروفي وخروف اخوي
زولك من الصباح جانا العيد مبارك عليكم
قلت ليهو يا حاج العيد انتهي ودي خرفان سمايه
قال سمح الولد مبروك
قلت ليهو هي بنت
قال ماشاء الله البنت مبروكه
لما زهجت منو قلت ليهو انت زول مبسوط وبعت لينا الخرفان
مالك ما ضحيت
قال لكن انا مابعتو كلوا
المهم الجماعه قالو لي يا اخي اديهو اي حاجه وخليه يمشي
قلت ليهو لو مكتوب ليك ما بديك
يلا توكل علي الله
لو مشتهي اللحم اضبح عتود
وعليه بصراحه في بعض الناس عودت نفسها علي الشحده وهي غنيه
وكل عيد وانتم بخير

دا يا ابو سماح بقت عليهو حكاية تمر الفكى الشايلو ومشتهى

كان لابد له من رادع لانو ما محتاج ... ياربى عيد الضحيه التانى بتجى