المؤتمر الثامن للحركة/الحركات الاسلام"ية"
تستضيفه الآن عاصمة "تجميع الحركات" الخرطوم
تصاعدت وتيرة الصراع في غزة هجوم وهجوم مضاد
أمبارح الضرب الصاروخي وصل تخوم تل أبيب بعد إغتيال إسرائيل لقيادي بارز من حماس
والحكومة الاسرائيلية إستدعت حوالي 30 ألف من جنود الاحتياطي
ونشرت دباباتها على نطاق واسع بالقرب من غزة لرد الصاع صاعين "حسب تصريحاتهم"
الاسرائيليون ماناموا الليل كلو في "المخابي" بحثاً عن الحياة
حكومتنا "الهُمامة" برضو ما نامت
مساهرة تلولي تحجي وتفلي في "الغول" العالمي المنفلت
وقالوا دا "بعثاً" "للموت" في سبيل الله "زي ما قال البشير"
كضب ساي !!
قبال كم يوم إلتهاب اللوز ما جرينا بيهو السعودية كنا خائفين من شنو ؟؟
ما شغالين الاسابيع الفاتت دي كلها
حميد ؟؟
ما حميد
حميد ؟؟
ما حميد
هو الموت دا نزهة ؟؟
يعني "غير الحميد" كان بطول العمر ؟؟
عموما المرض والموت ما فيهن شمت الشافي الله
لكن معقول البحصل دا ؟؟
نجمع مبلغ 4 مليارات "جمعتا سناء حمد حسب كلاما" ونبعزقا ساي علي أمة لا إله إلا الله ؟؟
بالله مش كان أولى نعمل بيـها مشفى أو إستبالية زي ما قال محجوب شريف ؟؟
ياخي يعالج لينا على الأقل إلتهابات اللوز بدل المساسقة من جدة للخرطوم عشان بلعوم ؟؟
على كل حال إسرائيل ما راح تسكت دا واحد
‘تنين "الشيوخ" بتاعين "الحركات" ديل بكرة بسافروا يشوفوا أشغالهم ويديروا إمبراطوريات أموالهم
ما نسمع تاني زول يشتكي من مكنة لحام
او ما عندنا رادارات ولا الطيارات طافية النور أو المصنع "المبحوح ومبحبح " كان بتاع "حلاوة قطن"
وربنا يلطف
واقعين في بير الانقاذ المريع
ووقع فينا فيل مشعل البديع
موضوع: في بئير ووقع فينا فيل "مشعل البديع" !! 
الجمعة 16 نوفمبر 2012 - 7:43
