طرائف السودانيين بالغربه ........

قالوا في واحد سوداني مقيم بجدة خرج لابس (عراقي) يجيب عيش للغداء من الدكان الفي الناصية
في هذه اللحظة جات كشه ومسكوا العسكري وقال إلا يركبوا الدورية وصاحبك يقول ليهو الاقامة في البيت ده
الندخل اجيبها ليك والعسكري رافض وبعد محاولات فاشلة مع العسكري السوداني شال العسكري في كتفو ودخل بيهو البيت واداهو الاقامة ---
العسكري ضحك فقال ليهو والله كان ما عملته كده كان ركبتك الدورية ........ السوداني من اليوم داك عمل للإقامة سلسل ولبسو في رقبتو .......

يلا يا جماعه ادونا من طرائفكم ..........

ياود الشيخ نرجعك للداخل:قالوا ترباس في واحدة من معاركه الكتيرة مع الفنانين قال للفنان الاخر والله انا زي البيبسي كان شربتني بهضم ليك وكان خجيتني بطلع ليك بنخريك!!!!!

العزيز امجد
قالوا ترباس اتشاكل مع حمد الريح
قال ليهو الغني بتاعك دة انا بفرتقوا بي نبلة كلوا طير ورهو وقمرية
انت وين والله مشتاقين

صداح فاروق وراق كتب:

ياود الشيخ نرجعك للداخل:قالوا ترباس في واحدة من معاركه الكتيرة مع الفنانين قال للفنان الاخر والله انا زي البيبسي كان شربتني بهضم ليك وكان خجيتني بطلع ليك بنخريك!!!!!

وقال واحد قال ليهو يا ترباس حفلتك غاليه وقروشه كتيرة
رد ليهو (ترباس لمن استطاع له سبيلا

بت النيل كتب:

وبرضو قالو ليهو حفلتك غاليه قال ايوا مامتكلفه اسي عليكم الله عمتي دي براااااااااااها بي كم؟؟

'طيب مايخلى العمة فى البيت واجى !!!!!!!!
شكلى اتعاديت بالظرافة الحايمة دى !!!!!!

ههههههههههههههههههههاي والله فكره كان لقينا زول كلمو اخلي العمه في البيت وارخص الحفله

تسلم ياابواحمد وربنا يحفظه ليك ويراعاه
رجعتنا لزمن الابتسامة ...وهاك دي لمقيم سوداني (رباطابي)
قال ليك واحد سوداني شغال في مزرعة وفي يوم سائق الونيت وماشي في الشارع وكان معاه كلب المزرعة
موديهو البطري فالاقوه شباب سعوديون حاولوا يسخروا منه فقالوا ليهو (يازول) المعاك ده منو اخوك ولا ايش؟؟؟
فرد عليهم بسرعة بديهة لا ده كفيلي !!! فالشباب حملوا حالهم وانحاشو بسرعة ....
(ابومنصور)

تلاته مساطيل راكبين طياره قالو لواحدامشى جيب لينا سجار فتح باب الطياره نازل المروحه علقت فيه اصحابو قاعدين شافوه اتاخر التاني قال للتالت امش شوفو مالو فتح باب الطياره عاين ليه لقاه لافي بالمروحيه قل لليه ان اقعد لف لي كده لما تلقا الدكاكين غفلو