الحرامي الغبي هو الذي يخرج صفر اليدين ... (مثل طادجيكي)
معروف جدا في قاموس اللصوصية وناس ( تُلب ) ان هنالك دعم لوجستي يأتيهم من معاونين مهمتهم الرصد والرسم أما التنفيذ يتم بواسطة خفيف الظل من لصوص الواحد يعمل ليك (دبل كيك ) في حيطة الجار ويفك البيرق في حالة الشعور بالخطر..
كل القصة لو عارفة .. زوجة احد العاملين من هوانم قاردن سيتي بالحصاحيصا معنكشة بالدهب .. ذهبت لتسيل (جزء) من الدهب الي كاش لان اسعار الدهب نازلة وحامت ( كوشك كوشك ) من دكان لدكان تحمل كيلو الا ربع من الذهب المشغول (800 جرام ) ومن دكان لدكان والرقابة اللصيقة (القطرة ) حددت الهدف ، إنها من أهل العوض رجعت بيت((الميري)) والدهب صرة في خيط رجع الحفرة مرة أخري في البيت.. الكشيف مع القروبير رسموا الخطة لساعة الصفر بعد الثالثة صباحا لتسور المنزل والهدف عرق الغلابة المكشوشين من الخضرجية والعربجية واصحاب الدرداقات وستات الشاي الذي اصبح ذهباً تعنكشت به حيزبونة من اهل العوض ...وقع الاختيار علي اللص ولكنه طلع لص احول بصحيح لانه نط علي المنزل المجاور وصاحب المنزل تلقي مهاتفة عيال ( في بيتنا حرامي) .. صاحب المنزل نايم في العسل جوة الجك تأكد ان الحرامي دا غلطان او طاشي لانه في وظيفة ما جايبا تمنا وما فيها (كشات) و (جبايات ).. رد علي الهاتف .. يا اولاد ( بسألوني عن حرامي وعن (حكاويهو )البقت في الحقيقة (الباقي باقي) ودنيا الحرامية بقت كضب كضب ).. الحرامي طلع أحول بصحيحت ما فرز ( أم بِلبِل ) من ( أم بُق بُق) ..
موضوع: أضبط في حي قاردن سيتي بالحصاحيصا ..حرامي يسرق حرامية !! 
السبت 1 ديسمبر 2012 - 21:16
