شارع الموت

قبل ساعة وانا فى طريقى من الخرطوم الى الحصاحيصا شاهدت حادث حركة مولم بكل ماتحملة هذة الكلمة من معانى بين حافلة وعربة سياحية بالقرب من قرية ام دقرسى وتقريبا كل ركاب الحافلة انتقلوا الى رحمة اللة ونتمنى لهم المغفرة ومازالت الجثث تحت الانقاض طبعا قضاء وقدر ولكن كارثة تاكد الاهمال من قبل المسولين فى عدم البحث عن مخرج لحل مشاكل هذا الشارع الحيوي شارع ضيق لايسع مركبتين وبة حفر ومطبات خطيرة وغايتو نقول شنو الشكية للة

يا رب

ماذا تنتظر من حكومات تشيد وتبني دون استراتيجيات ؟والمهم عندها تقليل تكاليف الإنشاءات وكسب رخيص للمواطن بزعم الانجازات.

قريبا ان شاء الله تفرج وكثر الحديث فى هذا الموضوع الهام جدا ( كثرة الطرق تفك اللحام ) (النقرة كسرة الحجر ) نناشد الجهة المسئولة ان تعجل فى حل هذه المشكلة الذى طال امدها . والحل موجود اخى المغربى وقريبا سوف تسمع وترى اخبارا طيبة بخصوص هذا الموضوع . والله المستعان

يا جماعة الناس كان ما شالت عكاكيزها وقفلت الشارع دا ما في زول بجيب خبركم ...
ناس الجنوب ادوهم العاوزينه ... دولة كاملة الدسم ,,, ناس دار فور في الطريق
لكن ناس الجزيرة ناس مساكين وغلبانببن قفلوا مشروع الجزيرة زول اتكلم مافي اكلوا حقوق الناس زول أتكلم مافي السرطان هلك ناس الحصاحيصا زول أتكلم مافي المدارس والتعليم انتهي زول اتكلم ما في الصحة مدمرة زول أتكلم مافي

تسمع طريق الأنقاذ الغربي وشريان الحياة ... ودا أسمه طريق الموت اللهم أرحم جميع الموتى وأقبلهم في الشهداء يارب العباد