صديقي القديم ،، مرحبا ،، مجددا ،، نثر ،،

كان لي صديق ،،
حميم ،،
ما زال حميم ،،
لغة التناكف بيننا ،،
مثل عصفورين بزقزقوا ،،
كنت أذهب معة لمزرعته ،،
وقبل أن يدلف إليها ،، يصيح ،،
أحلبوا الناقة لأمين ركابي ،،
ما كان ينام ،، قبل أن يطمئن علي عودتي ،،
لأنام علي سريره ،،
في غرفة واسعة ،، عليها مكيّف هواء ،،
مستأجرها لراحة أحبابه وأصدقائه ،،
في السوق ،،
وكانت أمه ،، أمي ،،
وكانت أمي أمه ،،
كانت أمي مريضة بالسرطان القاتل ،،
كان يسهر معي طول الليل ،،
وأنا النوم ببقي لي خزاز ،،
يقول يا ركابي لا تحزن ،،
سترحل أمك إلي الله ،،
هو أولي بها منك ومن الناس أجمعين ،،
صديقي القديم كان يعاونني حتي ،،
في أحتمال الموت ،، لأحب حبيبة ،،
كان يمسح دموعي ،،
عندما تفيض حزناً علي أمي ،،
التي كانت تشكي ظروف الموت إلي الله ،،
دون أن تقول اّه ،، ورب الكعبة ،، حاضرا شقيقي عمر ،،
رحيلها إلي الله ،،
ظروفه رحلت به إلي بلده في الشمالية ،،
ترك لي ورقة ما زالت عندي ،،
قال فيها ،،
لا تحزن يا صديقي علي أمك ،،
وعندما ترحل إلي الله ،، غنّي أغنية الأبدية ،، ثم إبتسم ،،
أنت وهي واّخرون في حضرة ملائكة ،، الاّن ،،
صديقي القديم ،، كان يأتي بالعصافير ،،
لتغرد لي ،، في مغارب مزرعته ،،
كان يقوم بربايتها ،، والحنو عليها ،،
هو كان يعشق العصافير ،، والزقزقة ،،
صديقي القديم ،، أيها الموجود دائما ،،
أرجوا ،، أن ،، تغفر لي ،،
مشاكستي معك ،،
وأن تمنحني فرصة أُخري ،،
للحياة ،، معك ،، علي ،،
شفق المغارب ،،
أيها الرائع في كل أحوال الوجود ،،
يا صديقي ،،
وجدت في دنياي الجديدة ،،
من يخون ،، ومن يظن بالناس الظنون ،،
وجدت المجرمون ،، ويسمونهم ببعض الغباء ،،
الرائعون ،، صدقني ،، هم تافهون ،، جداً ،،
ومترفون ،، بالحرام ،، جداً ،، وموهومون ،،
بأنهم خالدون ،، ومنافقون ،، لحدود الزهللة ،،
يحاولون قتلي ،، وأنا فيني بعض رمق ،،
ويتهمون اّخرون ،،
بسحقي ،، إنهم يا صاحب ،، كاذبون ،،
و ،، إن ،، الفجر ،، قادم ،،

ركابـــــــــي :-
وقـ الحنان ـت :-
للصاحب القديم :-
أمين الركابي


عدد المساهمات: 488
تاريخ التسجيل: 03/02/2009
الموقع: الخـــرطوم : أم درمان الثورة

بما ان مازال حميم فلا تحزن الخوف من الناس اللما تفارقهم بتغيرو وببقو كيف كيف كده لكن عموما الصحبه الزمان دي يااااااااااااااااااااااااااااااااااااااااااااااااااااااااااااااااااااااااااااااااااااااااااااااااااااااااااااااااااااااااااااااااااااااااحلييييييييييييييييييييييييييييييييييييييييييلها

emo كتب:

بما ان مازال حميم فلا تحزن الخوف من الناس اللما تفارقهم بتغيرو وببقو كيف كيف كده لكن عموما الصحبه الزمان دي ياااااااااااااحليييييلها

أنت مكترا الحرف الممدود ،،
أنا نقصتوا ،،
منوا القال يا حليلا ،،
يا إيمو ،،
خليكي محضر خير ،،
أنا ما حزين ،،
لا ،، لا ،،
أنا حزين ،،
ما حزين ،،
خليهوا يغور في ستين داهية ،،
لا ،، لا ،،
ما يغور ،،
أنا عايزوا ،،
الزول ده ،،
لكن ،،، خلاص ،، ما عارف والله ،،
أقول شنوا ،،
خلاص ،، تعال ما تغور ،، يا زول ،،
عايز تجي ولا ما عايز ،،
اّخر مرة ،،
يا ،، الصاحب القديم ،،

منتظرك ،،

ركابـــــــي :-
وقـ الإنتظار ـــت :-

صدقني يا ركابي لو هو زولك بجيك انا بقول ياحليل الصداقه لان نحن بسب مشاغل الدنيا والجري فقدنا القدره علي التواصل مع بعض عارف ياركابي انت اخير صحبك قاعد في الدنيا دي . انت عارف انا بكتب ليك وانا ماشايفه الحروف من البكا انا قبل مافضي عشان اتواصل معاها كانت قد رحلت من الدنيا عشان كده لو صاحبك في فتشو وارجع ليه والله لو كنت اعرف انها سوف ترحل لكنت قد اترك الجامعه واجي اقعد جنبها في الحصاحيصا

امين .. كن امين على العشره .. انا جايك..

امين شفت انا قلت ليك لو هو ليك برجغ ليك واهو راجع (وجينا راجعين في المغيرب ( المغارب حقت البتجي داخل بيها الجات) )

emo كتب:

امين شفت انا قلت ليك لو هو ليك برجغ ليك واهو راجع (وجينا راجعين في المغيرب ( المغارب حقت البتجي داخل بيها الجات) )

يبشّرك الله بالخير ،،

مفتوحة الضلوع ،،

للصاحب القديم ،،


تعال يا حبيب ،،
وأسكن في القليب ،،
زي أيام زمان ،،

بحبك وكت المغارب ،،
وكت الحنان ،،
بحبك ،، لأنك البستان ،،

ركابـــــــــــــي :-
وقـ المغارب ـت :-

emo كتب:

صدقني يا ركابي لو هو زولك بجيك انا بقول ياحليل الصداقه لان نحن بسب مشاغل الدنيا والجري فقدنا القدره علي التواصل مع بعض عارف ياركابي انت اخير صحبك قاعد في الدنيا دي . انت عارف انا بكتب ليك وانا ماشايفه الحروف من البكا انا قبل مافضي عشان اتواصل معاها كانت قد رحلت من الدنيا عشان كده لو صاحبك في فتشو وارجع ليه والله لو كنت اعرف انها سوف ترحل لكنت قد اترك الجامعه واجي اقعد جنبها في الحصاحيصا

بتخيل لي ،،
أنا قريت هذا الرد ،،
في مكان تاني ،،
ربما عوالم أخري ،،

أنا مؤمن بالتناسخ ،،
ومبدأ الحلول ،،

من لدن اّدم ،،
وحتي اّدم الأخير ،،

شي مدهش ،،
أحسه الاّن ،،

يا روحي هناك ،،
أخبري ،، والدتي ،،
بأني أحبها ،،
بكيف المشاوير ،،

والأمس الجميل ،،

بكيف ضل الضحي ،،

علي دنيا النخيل ،،

ركابــــــــــــي :-
وقـ المغارب ـت :-

بكرى عثمان حمد كتب:

امين .. كن امين على العشره .. انا جايك..

يا بكري ،،
يا زول ،، يا رائع ،،
تعال ،،

خليني أشوفك ،،
يا أخوي ،،
يا حبيب ،،
عايز أشوف فيك أخوي ،،
خالد محمد عثمان ،،

عليك الله تعال ،،


راااااااجيك ،،

ركابـــــــــــي :-
وقـ المغارب ـت :-

شفت بختك عاد لكن انا صديقتي الغاليه غفر الله لها واسكنها فسيح جناته فقد رحلت الى الابد انا بتمني انها تكون الان مع الصديقين والشهدا لانها بت تمام حتكون معاهم انشا الله تعالى ادع لها بالرحمه والمغفره وانا بعد انتهي من الامتحان حاحكي عنها

صديقي أمين ..
لا نخون ... ولا نظن بالناس الظنون ..
أتسلل دوما هنا لتطالع عيني أحرفك ..
و أستمتع بكل ما أطالع .
أتزكرك في لحظتين ..
الأولي .. رأس الخيمة ..
الثانية .. السوق العربي سابقا الخرطوم ..
مشتاقين يا زول ..
وين أراضيك .. (قول لي هم خلو وراهم أراضي !!!!!)
أظنك بالسودان ..
وأظنك عرفت .. شوقنا و و دنا لك .

محمود علوب كتب:

صديقي أمين ..
لا نخون ... ولا نظن بالناس الظنون ..
أتسلل دوما هنا لتطالع عيني أحرفك ..
و أستمتع بكل ما أطالع .
أتزكرك في لحظتين ..
الأولي .. رأس الخيمة ..
الثانية .. السوق العربي سابقا الخرطوم ..
مشتاقين يا زول ..
وين أراضيك .. (قول لي هم خلو وراهم أراضي !!!!!)
أظنك بالسودان ..
وأظنك عرفت .. شوقنا و و دنا لك .

محمود علوب ،،
يا صديقي ،،
في الدم أنت ،،
ترحل معه للقلب ،، سيدا ،،
وأنا في لحي الأشجار ،،
كتبتُ ،، نحتُ ،،
في صم الحجارا ،،
رحت للشمس البتشرق في مدارا ،،
بسأل عنّك ،،
وين أراضيك إنت ،،
أحمد الله إنوا ،،
صاحبي الحبيب دة ،،
خلاني أقرأ حروفك ،،
يا حوتة ،، قول ليهو لو ما عايز تجي ،،
ما تجي ،، تجيهوا ( الكشة ) ،،
بتاعت ناس ،، جنود سيدنا سليمان ،،
طالع ،، بوست مراهقة نهر ،، نص بذي ،،

ركابـــــــي :-
وقـ المغارب ــت :-

سلام يا شمس الضحي ،،

الواضح علي كتف السما ،،


سلام ،،



ركابي :-
وقـ المغارب ـت :-