عودة ترتورة بعد غياب طويل

غياب الاخ ترتورة عن المنتدى مثل الطبيخ من غير ملح لكن هاهو اخونا ودترتورة يعود والعود احمد وطبعا له نكهة

خاصة على المنتدى والكل طبعا فاقده وحسب ماوعدنى سوف يعود اليوم ويثرى المنتدى مرة اخرى بكتاباته الرائعة

مرحبا بالاخ ترتورة بين صفحات المنتدى والله ياترتورة ليك شوق وارجو الاتخلف الميعاد

الغريبه بلغنا انتربول المنتدى قال لليوم بيفتش فيهو .عودا حميدا اخ ابو التر منتظرين هلال العيد

ترتورة جااااااكم.. أمسكوا الخشب.

عودة دجانقو وامسكو الخشب

عودا حميدا ترتورة صاحب اكبر شعبية فى المنتدى

الحكاية ومافيها، كان عندي بعض المشغوليات الدنيوية كالعادة هي التي حجبتني عن التواصل معكم ياحبايبنا عن طريق المنتدى، ومن محاسن الصدف كنت مقرر مساء اليوم أن أتواصل معكم في المنتدي، وكما قلت من محاسن الصدف وصلتني رسالة من الأخ العزيز ود الريح، يسأل عن سبب الغياب‘فأخبرته بأني قد أنجزت المهمة التي بسببها تغيبت عن المنتدى بكل نجاح، وتحياتي لكم ودالريح وتيكو، وناجي ومحمد الأمين ابشنب ومحمد جعفر، وبهذه الطريقة جعلتم مني شخصية مهمة وقد أصاب بالغرور مثل هيثم مصطفى وارجع تاني للمريخ، كل الود والحب لجميع أعضاء المنتدى وخالص أمنياتي لكم بموفور الصحة والعافية

مرحبتين حبابك واليوم السعيد الليلة جابك

طبعاً ياورقة أهم حاجة تدبيل الكاس عشان نلحق الجماعة، وشكراً عبد المنعم ، لكن دي حكومة شنو دي، نصها شيوعيين والنص التاني أعضاء في تنظيم القاعدة، يعني كان تشوف لي وزارة حتى ولو كنت وزير بتاع لعب، وبعدين ما تنسى ان اسمك زي إسمي، ودي كان مفروض تعمل ليها اعتبار، وعموماً مثلث برمودا جاهز بتشكيلة وزارية خطيرة تسحق وزارة الأحلام بتاعتكم

يا ترتورة حمد لله على السلامة وكل سنة وانت بخير ، إتصلنا ولم نفلح فى فتح الخطوط ، نتمنى أن تكون هنا بلا إنقطاع .

مرحب بدينمو المنتدى الملفوف كم مره ... وبعد ده مدور وحارق ذى الجديد!!!!