محمد جعفر فضل واخرون

محمد كمال السر زعل شديد.. ما تزعل عشان نحن ما نزعل..

نتحاسب..

حبيبي الكلمة المزعلاك دي لم يطلقها محمد جعفر.. بل أول من أطلقها هو جهبز المريخ الصحفي النحرير مزمل أبو القاسم.. بل سمى نفسه ( الدلقان الكبير).. وكلمة (جلافيط) تشبهنا تماماً قولا لينا وإنت مرتاح.. عارف الجلافيط يعني شنو؟؟.. ما تزعلك كلمة.. والمريخاب الصفوة لم يألوا جهدا من ابتداع كلمات غاية الروعة مثل: ( شماسة, صفراب, سبابين الدين, الرباطة, سيد اللبن, قارورة, الإيميل) وكثير من العبارات التي يعف عنها اللسان.. لكن تأكد أن القصد فقط المداعبة.. ونقبل كل شيء بل ويقبل كل الذين تحترمهم في المنتدى بكل الصفات طالما لا تخدش الحياء ولا تهين الدين ولا تلتقي والأعراض.. ولا تمس الخصوصيات ولك ودي.

عليكم الله شوفو وش هيثم في الصوره (ورا البسمات كتمته دموع)

محمد كمال السر.. لاحظت كلمة في عنوانك العجيب.. وأنت ملك العجائب في إختيار عناوين المواضيع.. فقد قلت ( وآخرون).. عزيزي ماذا تعني بهذه الكلمة ومن تعني؟؟.. المنتدى الرياضي به قليل جداً من الهلالاب.. هل تعنيهم جميعاً.. أم شريحة أقل من القليل.. هم مع محمد جعفر؟؟.. ورجعت لذاكرة موضوعاتك الشيقة.. فتذكرت موضوع يحمل أكثر من معنى.. فقد كان عنوان الموضوع كلمة واحدة هي: ( كاك ).. وكان محتوى الموضوع أيضاً كلمة واحدة هي: ( كاك ).. فالتكويك يحمل ألف معنى لضعف اختيار ألفاظك بعناية.. ومعان قليلة جداً للذوق والاحترام الذي تكلمت عنه.. كاك كاك كاك.. لو سمعتك الدجاجة لزعلت منك.. ولو سمعك الديك لأنتشى من أسلوبك وضمن من عند ذوقك ليلته الجميلة.. ( كاك ) عبارة قلتها لتهش بها قفص الهلالاب.. ولكنهم لم يردوا عليك.. بعبارات مثل: (ولكن احترام وتقدير لهلالاب اخرون داخل المنتدى وخارجه) وهم الحترمون يعلمون نيتك الطيبة.. لكنهم اليوم قد علموا أنها غير طيبة.. لطالما أنك تكتب وفي القلب ألف سهم تتمنى أن يجرح هؤلاء الناس.. لأنك قررت اليوم أنه كل كلمة لا بد أن نكتبها من خلف ستار النية السيئة.. فنحن كما تنبئ عباراتك نتحاسب في الكبيرة والصغيرة.. تغيب كثيراً وتعود كمن سكت دهراً ونطق كفراً.. تكلم بحب للمنتدى وأهله.. أو أتركنا مع أحبابنا نستمتع معهم.. فكلنا هلالاب ومريخاب نظن الظن الحسن.. وظن السوء دائماً ما يحيق بأهله.

لكم التحيه كل الشباب في الصفحه الرياضيه....كلنا نعلم علم اليقين ان هذا المنتدي يعنبر المتنفس الوحيد الذي نعبر فيه عن اراءنا وافكارنا بعيدا عن الشتم والتجريح ....
واخي وصديقي محمد جعفر والاخرون اعلمهم جيدا ....نختلف في الانتماءااات ولكن نتفق في الكثير....وليس بيننا عداوات او شتائم بل هي المداعبه ....
انني متاكد ليس الكلام دوما بالمعني المقصود

لك العتبي محمد كمال حتي ترضي انابه عن صديقي محمد جعفر

دمتم في امان الله...

قلت: (لكن اول ماردمناهم).. وأقول: ردمتنا ردم جد.. بي خرصانة وللا تراب؟؟.. أبدأ من وين ما عارف!! تعرف يا حمودي كلامك كلو على بعضو كدا بحتاج يخش المعمل عشان نفحصو ملاريا وللا تايفويد؟؟.. قلت لي الكلام لمحمد جعفر وما موجه لي من بعيد ولا من قريب.. طيب ريحنا وأكتبو لمحمد جعفر في الرسائل الخاصة.. بالله ما فكرة؟؟.. أظنك كنت ناسي أنو في خاص في الوقت الفيهو قلت كلمة (كاك) تتواصِل بها مع بعض الناس في الخاص.. يعني عااااارف في خاص.. وما طيب؟؟.. الناس الخاصين تتواصل معهم بالرسائل الخاصة.. أما ما يكتب هنا فهو لنا جميعاً.. نقرأه ونعلق عليه ونهاجم فيه وننتقده ويرد علينا الأخرون.. بلا إذن.. ولو كانت مساهماتك في المنتدى 7000 كما تفضلت فلا عجب لأنك تعتبر مساهمة من أمثال (كاك) مساهمة.. كان كدي أنا عندي مليار مساهمة.. منهم نصف مليار (كاك) والنصف الآخر (جاك).. ما جاك شيراك ولا جان جاك روسو.. جاك بي وراك داك.. ليس العبرة يا حبيبي بعدد المساهمات بل العبرة بما تحوي المساهمة من (كاكات).. يعني أسة عليك الله ذكرت عدد مساهماتك لي شنو؟؟.. عاوز توريني إنت كيكت في المنتدى كم مرة؟؟؟؟؟؟.. ما مهم.. نعود لموضوعنا الذي سيطول..
هذه العبارات التي كتبتها ألا تنم عن عدم تروي في كتابتها أقرأها جيداً:

ومامجبور ابرر ليك انا بكتب كاك لشنو
اخطف رجلك وامش دكان عمسيب واسال عن محمد كمال السر
فى اجازتى الاخيرة

دا كلامك منسوخ نسخ..

أمشي لعواطف شان تقول لي شنو؟؟ شربت الشاي في مكتبها كم مرة؟؟.. أم تقول أنك قيافة ولطيف وظريف؟؟.. كل ما تقوله عواطف لا يغني عن جوع معرفتي شيء.. فقد أغنتني عيناي التي قرأت سطورك.. وأغناني عقلي الذي لا يعلم النوايا كما اتهمتني ولكن يدرس بفراسة البدو ما لم تحظ أنت بمثقال ذرة من خردل منه.. أنا فقط أعرف كتاباتك وهذا يكفي.. وسلم لي على عواطف عمسيب.. أخطف رجلك قال.. وأخيرا ماذا تم في إجازتك الأخيرة؟؟.. قابلت محمد جعفر.. لقاء الجبابرة!!.. عجبي.. المنتدى استفاد شنو؟؟.. يعني تفتكر محمد جعفر القلت صاحبك دا الآن هو سعييييد منك بما تكتب.. ياخ إنت كتبت( محمد جعفر وآخرون) وهاك يا شتايم.. أقصد وهاك يا مداعبة.. إنت المداعبة دي غيروها وللا شنو.. نعود سنة أولى مداعبة وللا شنو.. حبيبي أنا بحب شاشي كابور وهيما مالين وأميتاب باتشان وكارينا كابور.. عشان كدا أهديك هذه القصيدة العصماء باللغة الهندية...

تم كهي سندار كهي مهبت كهي
طاخ دل كاف.. قرباني هيها دل قرباني

سلم لي على سليم خان وشندر خان وود عمهم كروجر خان.. وكل الخانات.. وما تخليك هندي

شرح السابق للمارين الما بعرفو اللغة الهندية:
القصيدة معناها:

لو عايز تبقى هندي أمشي شندي
ولو عايز تبقى صيني ما تقرب عندي
ولو عايز تبقى كااااااااااااااااااااااك إنت زول هندي

وأنت يا محمد جعفر لماذا لا ترد على كل كاكاي يكاكي لماذا؟؟.. الزول حمانا نتكلم قال ما بخصكم.. خلاص تاني ما بنرد على أي موضو ما كتب فيهو صاحبو ( ناجي وآخرون) بالله ما فكرة.. تبنا ما بنكررها.. البوست دا حق محمد جعفر فقط.. هو ومحمد كمال السر.. أنا المرة الجاية حأكتب بوست إسمو ( محمد كمال السر وأخرون) أوع زول يخش أو يقرأ أو يعلق.. فاهمين وللا نجيب السوط.. أستاذ محمد كمال السر البتعرفو عواطف عمسيب الجا إجازتو الأخيرة العندو 7000 مساهمة قال كدا.. أوع حد يعلق إلا محمد جعفر.. أها محمد جعفر ما علق.. لقيت ليك زول يرفع ليك البوست كل مرة.. فاضي وعاطل وهملان.. إنت عارف هملان يعني شنو؟؟.. أكتب البوست الجاي بعنوان ( ناجي جندي وأخرون) عشان مساهماتك تحصل مليار زي مساهماتي.. وتبقى الأول في المنتدى.. ليه التاني؟؟.. كل مرة تكتب فلان وأخرون.. ويرد ليك فلان ولا يرد الأخرون.. حمودي أكتب سااااااي أي شيء ونحن بنقرأ وللا ما نقرأ كمان؟؟.

ياخوانا ختو الكوره واطه روقو المنقه

أعزائنا الاعضاء أهلا بكم .... شعارنا الذي نسعى لتحقيقه معكم وبكم ( المنتدى للكل .... والكل للمنتدى )
المنتدى هو مكان للجميع ويرتقي ... الاختلاف في طرح المواضيع أو حتى بالردود شيء طبيعي لكن من دون التجريح من بعيد أو قريب لأن ذلك لايقبله أحد .
الاخ (محمد كمال ) اهلا بك اذا كان لديك رساله خاصه لى ( محمد جعفر) فى حاجه اسمها رسائل خاصه
اما فى (العام) بديهى جدا الكل يعلق على البوست اما كلمه (دلاقين ) الكل بستخدم هذه الكلمه لكن تأكد أن القصد فقط المداعبة.ليس الا
اطلق هذه الكلمه (دلافين ) مزمل ابوالقاسم الذى اوصف فيهو لاعبى المريخ
اما عن مشاركاتك التى وصلت 7000 فى المنتدى من خلال تفسير لها انت تقصد المنافسه فقط فى عدد المشاركات
انا (عائشه) ليس من الحصاحيصا يربطنى المنتدى فقط
و كان بينى وبين (محمد جعفر ) اتصال اليوم سالت (محمد جعفر) لماذا لاترد على (محمد كمال) ؟ قال لى ؟ حفاظاً على علاقتى بى (محمد كمال) وانا فى راى هذا رد راقى جدا جدا من انسان يفهم المعنى البعيد والقريب لها الكلام
اما كلمه (اخرون) نوع من (الاستفزاز) يأخى انتقى كلماتك ونحن نتقبل الراى والراى الاخر ونقبل النقد بروح رياضية ومداعبة

ما يحلها الا حريمها عشتي دوما لفض المنازعات لك التحية والتجلاء