بنحبك يا محمود

جمعتني جلسة جميلة بالإذاعة الطبية حيث التقت بالشاعرة الأديبة والمذيعة الرائعة أسماء عبد الخالق وكسبت منها بوح صادق عن الفقيد الرائع محمود عبد العزيز وباحت لي بأسرار شعرية جمعتها بالحوت بعد وفاته بمرثية عن الحووووووووووووت, فلها منا كل الشكر ولنقرأ:

************************************
كنا مستنين رجوعك ***********كنا راجنك تعود
ولما تقول يا زول ياطيب***صوت الخوف جوانا يموت
ساكن صوتك جوه قلوبنا****لما تغني الريد موعود
لما لهيب الشوق بتذايد***في ستين الفرقه تفوت
خوف الوجع الفيني بيكبر****الا معاك ماعندو وجود
انت جواب البلد البيوصل****تفرح بيهو قلوب وبيوت
اما الشوق الشايلا عيونا***ياخي وحاتك ما محدود
واحلي سنين غنيتا اغاني*****والتحنان الما معدود
فينا هواك للبعد الخامس***احلي غناوي حقيبه وعود
قاسيه علينا السكه بدونك**سكه بلاك طريق مسدود
كيف ايامنا بدونك تبدا*********جد بنحبك يا محمود
ووعد اللقيا السبتو وراك*****وتر الالفه اكيد مشدود
كل صباح نطراها عيونك******ساكن فينا وما بتموت
يفضل طيفك دايما بينا*******انت الاول يا محمود
سبب الريد حيظل جوانا*****سر البوح البيك ممدود
سيبي عنادك يا احزانا****نحن محال ننساه الحوت
عامل كيف الشعب وراك***نحن بنسال ومافي ردود
يوم مازازا الموت اوتارك******بقى بينا بعاد وصدود
بعد غيابك الدنيا حزينه***صوت الضحكه وحيد مكبوت
عاش من شافك كيف بتغني***تفرح بيك بنيه ودود
شايله هموم الفرقه وراك***حيل الغنيه وراك مهدود
ساب البلد الغالي وروح****هو الاهدانا رحيق وورود
ايوا بلومم فيها ظنونم*******انت غيابك ما مقصود

محمد جعفر ملك الخبتات والخيانات.. قرأت هذه القصيدة قبل الطبع.. أعجبني فيها توشحها بالحب والحنان والإلفة.. أسماء عبرت بما يجيش في نفوسنا.. فأعطتنا راحة النفس وراحة التعبير.. شكراً النابغة أسماء.. ومزيداً من البوح.

هذه الكلمات الرائعة لهى نابعة من وجدان نقى وقلب صادق وروح شفافة لقد ترجمت اسماء باحاسيسها كل ما يجيش فى نفوس معجبى ومحبى محمود فلها التحية والتقدير


شكرا الصديق محمد جعفر على هذا الجمال

سيبي عنادك يا احزانا نحن محال ننساه الحوت (لك التحيه والتقدير على الكلمات الرائعه فى حق محمود) أ سماء عبد الخالق

اسماء وبس

اسماء الانسانه الرائعة الاصيلة الجميلة
كلماتك لها اثر كبيييييييييير فى نفسنا فقد اوفيتى وكفيتى فى حق الفقيد
وتسلم يا محمد يا ملك الخيانات والخبتات

شكرا اسماء عبدالخالق الانسانه العظيمة على هذه الكلمات
ونحن فى انتظار المزيد
شكرا ابوحميد

نحنا محال ننساه الحوووووووووووووووووووووووووت تسلمي يا اسماء عالكلام الحلو في حق الحوت