دحين "البانيـــــــــــــــــــــــو" دا عرفتو ؟؟

اتنين من ناس "الشديد" ولضيضة
ماشين في شارع بمر بي كنيسة
الهواء عامل "عمايلو"
والروسين دايرات يطرن من "الطرب"
والعينين كهربتن ماشة على الزيرو
وبالحالة دي شافوا قسيس طالع من الكنيسه
القسيس كان بعرج وماشي يا الله ويامين
بالفي روسينم
قاموا قالو للقسيس سلامتك يازول مالك نعل مافي عوجة ؟
الراجل إتكيف لسؤالهم "الشفقان"
قاليهم لا ابدا والله مافي حاجة
بس امس وانا طالع من البانيو كدة ..
اتزلقت علي رجلي واتعوقت لكن بسيطة.
قالوا ليهو كفارة والله وسلامتك
بعد القسيس مشي
واحد قال للتاني
اسمع انت البانيو دا شنو ؟ دحين عرفتو ؟
التاني قال ليهو انا عارف ياخ تسألني انا مسيحي ؟؟

المحبوب تحياتي
طلعت إنت بتاع الشديدة جداً

يا استاذ شديدة شنو الله يسلمك ؟؟

يا حبو
الله يجازي محنك
والله بضحك لحدي ما وقع مني اللاب توب الشادينو
بطريقتك دي يوم بتغرم ليك لاب توب
قلت لي انت قيلني مسيحي
هههههههههههههه

المحبوب أحمد الأمين كتب:: يا استاذ شديدة شنو الله يسلمك ؟؟

يا أستاذ.. زعلان مالك، الشديدة بت عم (اللضيض) أو التي نسبوها للأستاذ جعفر عباس كما روى ذات مرة..

و دمت

يا ورقة قلت لي "..اللاب توب الشادينو" الهالكني ريدو
هلك النفوس والناس تريدو
مالو لو يرحم مريدو

يا استاذ الرشيد ما لاحظت بأن ملاحظة ترترة دي ممكن تدخل الزول في أضافرين "سجنو" ؟؟
على العموم قلنا نكسر الرتابة
بالكتابة
ومرة مرة "إستحملونا"

الأستاذ المحبوب تحياتي
لقد كان ردي على موضوعك المضحك أعلاه هو نوع من أنواع الدعابة البريئة، وإذا رأيت حسب تقديرك الخاص بأني لم أوفق في إختيار الكلمات المناسبة في الرد، فهذا إعتذار مني لك، ودمت في هناء وسعادة.

استاذ عبد المنعم أقيف
أقيف
منو القال ليك إنت لم توفق في إختيار الكلمات أصلاً ؟؟
حاشا وكلا
والله لا جاب البزعل يا أخي
بعدين هو الموضوع شنو عشان تاخدوا بالحساسية دي ؟؟
كدي أقرأ كلامي للرشيد كويس حا تكتشف بأنني ولا على بالي
ووحيات "أمونة" بتي أنا بضحك على ردودكم البتصلح لبوستات "ممتدة"
إنت عارف فكرت في إتنين إتذكرتهن بردودكم

الأولى
قصة الراجل القالوا ليهو شيل "الخمسمائة" دي وجيب لينا واحدة "الله يكفينا شر الشدائد"
المهم الزول مشى ولمن قرب للبيت شاف عربية الدورية والخلعة الياها
رجع للجماعة الكانو منتظرنو بفارغ الصبر
ولمن سألو عن الـ"خمسمائة"
أنقر ما قال ليهم "أكلتها يعني إنتو دايرنهم يقبضوني متلبس ؟؟

التانية ليها علاقة بردي عليك
شُلة قاعدين مدورين "موية" و"نور" في بيت عذابة
للعشاء جاسفوا ليهم "سخيل" واحدة من نسوان الحلة
تاني يوم ست السخيل جات دقت الباب "طرف الكلام وصلا" وأشار ليها لبيت العذابة
واحد من الجماعة قام فتح ليها الباب
قالت تسلم عليهو وتسألوا
بس قولة "الســـــــ" وقبال ما تتمها
قال ليـها "سخيل شنو "؟؟
عشان كدا أنا قلت ليك "شديدة شنو"
أسحب إعتذارك دا "وفورا"ً لأنو لا إنت مطالب بيهو ولا أنا بستحقو أصلاً

المحبوب ..يا خطير ...{لفّيت } راسُم......

عزيزي المحبوب تحياتي
سحبنا الاعتذار وأعتبر أن الأمر لم يكن، صافية لبن وحليب يا إشطه، وبرضو معليش أني فهمت الموضوع بحساسية، رغم اني بفهمها وهي طايرة،والهزل عندي لا حدود له، غايتو لكل جواد كبوة،وعموماً إنت تستاهل كل خير

مسطول أتصور بين حمارين رسل الصورة لي اهلو قال ليهم ألفي النص دا انا

» يا كرتي دحين كلامك دا ما فيـهو مبالغا ؟؟ كان تخلي واحد تاني يقولو لكن إنت لا لا