واحد روحو تمرق في "الطشم"
وكمان ما يحب "يطشم" إلا يقعد "أم فكو" إلا من "لباس"
وحركتو دي مزهجة جماعتو البقعدو معاهو
وقدر ما "نقو" فيهو أبى يخليـها
بس من ما يقعدو طوالي "يتمولص"
وكاس ورا كاس المر "شرِبتو"
يشهق طول اللــيـل و"مُشـهِد" صمتو
يضوق في الويل والهم ياها "معرِفتو"
وفي ذات "قعدة مدنكلة"
وصاحبكم "الله يكرمكم" متمولص قام "ينكرش" بيديهو الاتنين ويحك في ضهرو
نظام "والكاروشة في بلدنا بي فيشا"
جماعتو "المضوقن المرة" سألوهو :
"يا زول مالك بتنكرش ؟؟
قال ليـهم :
"والله التقول عضتني نملة ابريش ولا حشرة ما عارف قرصتا زي العقرب "
نط ليهو واحد من الزهجانيين منو
"كيف ما تعضيك كان كل ما نخت لينا تربيزة عرقي تعمل لينا فيها غاندي"
والبقية تاتي
على فكرة القصص والحكايات دي لقيتا عند "عباس الدسيس"
وهو قاص .. ناشرا في سودانيزاونلاين وبزودكم بالرابط
أدخلت عليها بعض التحسينات "البديعية"
بالله مش أحسن نفرق شوية ؟؟
موضوع: يعلم الله لفحتهن ليكم الليلة دي "ولو ما عزيزين عليّ ما بجاسف ليكم جنس المجاسفات دي". 
الأربعاء 13 فبراير 2013 - 8:25
