لغة الراندوك (الشماسه)

يا زعيم انتة خطر يافردة

سلام عليكم شباب وحسس
شوق بحر ... ودموع مطر وريد مواسير مكسره

الرج = السجن و كمثال (دقس جازف عمك وده الرج ) يعني حاول يسرق الزول قام سجنوه
أقتل ملف = يعني لف سواء يمين أو شمال
تمسكها موزه = يعني تمشي طوالي
جاح = بمعنى الحاج ( الوالد )
جوة الجك :: يعني ماشي معاكم الحته الفلانيه
نوبيرا :: مقصود بيها النوم ( انا ماشي اركب النوبيرا )
كبــس :: مقصود بيها جاء او وصل ( زولك كبس )
كاسر كرونا :: مقصود بيها الزول العاطل وقاعد بدون شغله ...
الشرتيت :: مقصود بيها القروش ..
قاعد كنب :: مقصود بيها قاعد ساي ( الزول ده قاعد كنب )...
جدعه الف :: مقصود بيها حاجه استايل او حاجه سيستم ..
زيدان ابراهيم :: يعني الزيادة

من نكت الشماسه؟؟؟؟؟؟؟؟؟؟

واحدة عملت الحبيب بورقيبة ( حبت ليها واحد)... قام الواحد عمل الضوء قدم الخير (أتقدم لأهلها)....
وأهلها لما عرفوا انو ما عامل كمال شغيل (ماشغال)
... عملوا ليه الجزيرة أبا ( رفضوهو).... الاثنين قاموا عملوا الضوء الشارد (اخدو بعض وشردو )...
وعملوا عقد الجلاد (عقد جواز )... أم البت عرفت الخبر عملت احمد الدوخي (داخت واغمى عليها ...

مشكورين يا( فرد)

(هبه) بت الحصاحيصا كتب:

ياجماعه
بالنسبه للحسبه
والديستان كردبان
والبلد مليانه برتكان

كلو في محلو

وكل جركانه في مكانه

والسستم في البستم


وشكلو تأثير الشربوت ما ذال مستمرا يا هبوية

يا ربي رحوبة دي عملت فيه شنو .........

الغدمبلية ويقصد بها الغداء
الهواء ضربك ويقصد بها انك اصبحت لا شئ
الحنك ويقصد به الكلام
الرصة ويقصد بها البرنامج
ظابط ويقصد بها تمام او مية مية
نفاخ ويقصد بها بتاع بوبار
بطنو غريقة ويقصد بها غتيت
مرطب يقصد بها مرتاح
السمنجوحة ويقصد بها البنت

نحل او دبيب او كوكب ويقصد بها الشخص الذي يفرض نفسه
حسس او نار منقد او نجاضه وتقصد بها الفتاة الحسناء

عمر الفاروق كتب:

ياود جبريل يا فردة لمن تكون طالع البحر مع الحسس جر لينا سلك تلقانا كتف هبابة ‏..‏ ‏

ياعمر وين الحسس البحر دا مافوقو اي حاجة يا عمك بجيب اكتئاب عديل

اخوك كايس لي حاجة نار منقد لكن لسة ما لاقي حاجة

راشد محمد الجاك كتب:

كلام الطير فى الباقير !!!!!!!!!!!!!!!!!!!!!!!!!!
نشتت يافرد ولاشنو ؟؟؟؟

اوع من تتجارغ انت سيد الشي الزاتو
اما بالنسبة لي لاكام الريط في القابير اسال منو ود الرافوق

لو فهمتا حاجة وريني يا ابو منة

راشد محمد الجاك كتب:

كلام الطير فى الباقير !!!!!!!!!!!!!!!!!!!!!!!!!!
نشتت يافرد ولاشنو ؟؟؟؟

ما تشتت
وما تدق جرس
اقرا بس

محمد علي جبريل كتب:

الغدمبلية ويقصد بها الغداء
الهواء ضربك ويقصد بها انك اصبحت لا شئ
الحنك ويقصد به الكلام
الرصة ويقصد بها البرنامج
ظابط ويقصد بها تمام او مية مية
نفاخ ويقصد بها بتاع بوبار
بطنو غريقة ويقصد بها غتيت
مرطب يقصد بها مرتاح
السمنجوحة ويقصد بها البنت

وطــــــاخ= انسى