والله يا هو الفضل : "حماية من جهات عليا " لمصانع بيع لحوم الكلاب في السودان ؟!

((إعتراف رسمي : قيادات عليا تحمي مصانع اللحوم التي تبيع لحوم الكلاب والدجاج المسرطن !!)).

الخبر دا في حريات أول أمس
حقيقي في الأول إندهشت
لكن تراجعت
وعشان "أطمم نفسي" وأهدي من روع "المفاجاة"
قلت الماغريب شتو ؟؟
شنو يعني لمن تتباع للناس لحوم الكلاب
ما كلها حيوانات بالله الفرق بينا شنو ؟؟
ضان
بقر
سخيل
جمل
يعني بس بقت علي الكلاب السعرانة دي ؟؟
عادي جداً نمشي الجزارة ونطلب "نص كيلو جرقاس"
أو كمان نطلب "إتنين كيلو فخدة بوبي"
وإن بقت الحالة صعبة
وعز الشراء
ورفعت "الدكوة " نخرتا
ومشت الطماطم كما يمشي الجرو الوحل
وأصبحت "أندومي" زيـها وزي "لبن الطير"
طوالي نفتـها "جريوات"
وبالمناسبة الكلاب "ولادة" وبتكفي
ومافي مشكلة أهو نرسخ للعادات الغذائية التي "تتنابح" مع المشروع الحضاري
ونزيد شوية من إهتمامنا بثقافة أكل اللحوم
ما معقول من الضحية لي الضحية
وغير متصور أبداً يقتصر أكل اللحوم على السمايات والكرامات
عشان كدا القيادة العليا "إتصرفت" زي ما قال حميدة لأولاد الزينة في الزيتونة
ونعم التصرف
إرتحنا ذاتو من أمصال "السعر"
نبقى بس علي "طينة ود الطريفي" ونوفر العملات الصعبة للجهات العليا عشان "تتصرف"
ولو على الأمثال والحكايات المرتبطة بالكلاب والجريوات
تاني عادي ممكن نقول "البياكل الجريوات بشحمنو "
والبلعب معاهن يكجننوا
ومش زمان كانت "القاويرما بالبصل" ؟؟
أها أسي حا تبقى بـ"الجريوات"
والحرامية "بتاعين زمان نطاطين الحيط" حا يبقو في درك
الكلاب "تنجهن" ونحن "ننبحن "
لكن "مسئولين" من الخير :
إنتو مصانعنا دي (( بتجيب الكلاب اللاحمة وما بتعضعض دي من وين)) ؟؟؟؟

(( إعترف الفريق شرطة محمد أحمد أونور بحماية قيادات عليا في حكومة الخرطوم لمصانع اللحوم الفاسدة التي تبيع لحوم الكلاب ولحوم الدجاج المسرطنة ! وقال انه وبرغم معرفة دائرة المباحث الجنائية القومية بالمصانع التي تتاجر في اللحوم الفاسدة إلا انها لا تستطيع أن تقوم بعملها لأن المصانع محمية من (جهات نافذة) !

واضاف الفريق أونور - عميد معهد البحوث والدراسات الجنائية والاجتماعية بجامعة الرباط التابعة للشرطة – في حديثه بالملتقى الثاني لـ (اللحوم المصنعة) والذي نظمته جمعية حماية المستهلك أمس الأول ، قائلاً ( فرق التفتيش ما بتقدر تدخل من البوابة ، لأنها محمية من فوق).

وقال ان ( القوانين واللوائح التي تهتم بالثروة الحيوانية موجودة ولكنها غير مفعلة). وسبق وقال رئيس مجلس إدارة الهيئة السودانية للمواصفات والمقاييس البروفيسور هاشم الهادي في الملتقى الأول لـ (اللحوم المصنعة) 23 فبراير الماضي ، ان بعض مزارع الدواجن تضيف هرمونات نمو ومواد كيميائية بهدف زيادة النمو للدجاج .

وأكد ان هناك ممارسات صحية ضارة تتم بشكل واسع ، منوهاً لظاهرة بيع لحوم الكلاب كلحوم أبقار أو ضان . واشار إلى أنتشار أمراض الفشل الكلوي وسرطان الثدي للنساء. وقال رئيس شعبة مصنعي اللحوم باتحاد الغرف الصناعية الدكتور عماد عصمت أبو رجيلة، ان بعض معامل اللحوم المصنعة (سجك ولحمة مفرومة) غير مطابق للمواصفات.

وأضاف ان اللحوم السودانية مرفوضة في الأسواق الخارجية بسبب عدم وجود مسالخ معتمدة، وقال: إننا معطلون اقتصادياً، بسبب عدم وجود منتجات مرخصة، ومسالخ مؤهلة. وأكدت مديرة الجودة والتصنيع بمصنع القوصي للحوم الدكتورة احلام هارون الصائغ ان جميع المجازر الآلية بالعاصمة غير مطابقة للمواصفات ! )). حريات

سبحان الله مغير الكلاب من حال إلى حال
زمان الكلاب بتحرس القيادات خاصة العليا
أسي بقت القيادات العليا حارسة الكلاب

الله يجيرنا من ده زمن Rolling Eyes

يا المحبوب بطل الهوهوه فى جماعة المشرع الحضارى
وأعمل حسابك من جريوت الضهارى الضاربه الكبارى
إت قائل ورجغة الصينين مع الانقاذين دى ساى ، دا ما
التكامل الحضارى فى أكل الجريوت البج !!

بلدا" مافيها عجالي يقدل فيها الجريو...
يلا علينا جاي ..تشاو نهاو جريو هوهاو.. كيلو منو ولاضان الفاو..

وانا اقول ابو الشهيق دة من شنو

يا المحبوب لو عرفت السبب لزال العجب

بمهنية عاليه اقول لك المسؤل هو د/ فيصل وزير التروه الحيوانيه ومجلس وزرائه الذى وافق على تصدير اناث الانعام للخليج يعنى بعد كم سنه نأكل نيم !

!!!!!!

» من أرض "المحنة" ومن "كلب" الجزيرة !! تقرير "حريات" عن لحوم الكلاب في جزارات ودمدني" مع الصورة المقززة
» إياهو "الفضل" القبض على جزار قام بذبح "كلب" أي والله "كلب" !! هو لكن "كلب" نصاح ؟؟
» توزيع شهادات نسب وحسب الكلاب في الخرطوم والله صحي "صور"
» ماذا تعنى عليا
» حكومة السودان جنت وجدعت هِدِما "تأشيرات لفلاحين باكستانيين مع أسرهم" إلى السودان