مسطول بحب في الفيس

عشان ماتقولي ريدة فيس

وبيني وبينك النكزات

عشان ماتقولي قصتنا

منشورين وونسة شات

دايرك تعرفي اني بريدك

من قبل الاسبوع الفات

لما لقيتك صدفة

في احلي صفحة من الصفحات

لمن قلتي دقيقة وبرجع

واستنيتك ست ساعات

لا اتلاقينا ولا يوم شفتك

وزي العارفك من سنوات

انا ادمنتك جد يازولة

وقلبي بدونك بدون دقات

حتي الفيس من غيرك بايخ

والمزرعة ساكناها الحشرات

من بعدك انا حيطتي اتهدت

والشفع رسلو طلبات

بدونك مافي قروب سري

لاتطبيق ولا صفحات

اصلو الريد ياهو الريد

باي وسيلة او شبكات