سمور ودالطهور ( توجد صور ) للاطفال فقط الي سياب وسبلاء عبدالوهاب

كاميرا دوت كوم كانت حضور بمستشفي الحصاحيصا لتشهد عملية ختان الطفل سامر عمرو ابن الاستاذة سناء فاروق.. الطقوس تكاد تكون مافي .. الحنة لزوم الديكور .. ولا يوجد اطفال ..سمور ود الطهور جاء للمستشفي في انتظار الطبيب وبملابسه العادية وبصحبته اخاه واخته وتحرك علي قدميه
بدون زغاريد وبلا هلولة هكذا عصر العولمة وعقبال العرس

جيت المستشفي مع جدو فاروق وماما سناء وحمودي اخوي واختي حبيبتي روان


الحنة لازم عشان الطهورة تكون باااااااردة

اختي حبيبتي روونه مبسوووطة عشان منعوا ختان البنات!!

الطهووورة ولا حارة ولا حاجة..والله عشان انا ولد جدع زي ما قال جدو..
الظاهر البنج فكككككككك..هااا
كل الشكر للدكتور حسن اسماعيل اختصاصي الجراحة بمستشفي الحصاحيصا والذي باشر عملية الختان بنفسه وخرج سمور من غرفة العملية علي ارجله وبكامل ملابسه الداخلية وبدون الم .هذا وقد حذر الاباء من الطهور البلدي والذي له مخاطر عديدة وابسطها الحساسية من المضادات الحيوية ( السلفا) التي يشيع استعمالها وعدم الاهتمام بالفحص للدم قبل الختان واكد انه يعالج في اخطاء الكثيرين من الذين يزاولون هذه المهنة وعدم اهتمامهم بالتعقيم والطرق الصحية والصحيحة للختان وقد اعلن استعداده لتقديم الدعم الفني والتوجيه من اجل ختان اطفالنا بصورة سليمة وصحية.

الف ألف مبروك عقبال ما تفرحوا بيه عريس
ربنا يحفظه ويجعله من الصالحين ...

تعرف يا حاج نفتقد هذه الملمات ( الطهور ، العقد ، المناسبات العامة ، الخاصة وكل شئ )

الف مبرووووك سمووور ولدنا وحبيبنا ( اقصد حبيب منوية ) ...
ان شاء الله عقبال العرس والتهنئة الخالصة للاستاذ جدو فاروق والاخ عمرو والاخت سناء ... ويالا ماطولوا الغيبة .....
وتحيات منة وامها للعريس وكمان تحياتنا لحمودى والحلوة روان ...

الف مبروك سمور وعقبال ما نزفك عريس والله انا جاني احساس بمنظر سمور وهو في الزي الرسمي للطهور وطقوسه اظن فارقتو من زمن طويل بس هو احساس جميل وخلو كده ماراح اقدر اوصفو ..
ويا سنا مبروك وانشاء الله لميتو الشفع في حافلة ووديتو البحر قريب المغرب كده بالله اعمليها ويا ابو علي صوره لينا بس ما جمب الكبري ..
طبعا يا عم حسن الجماعه نظام حجز وكده لي بتهم ..

الف مبروك ياسمور وعقبال العرس انشاءالله ...والتهاني موصوله لجميع ال وراق

الف مبروك ياسمور وعقبال ما نشوف عريس والبت منوية مستعجلة شديد بس شد حيلك ياسمور وكون نفسك سريع واللا منوية حا تكب الزوقة لان الدايرنها كثيرين
مبروك سمور والتهاني لجدو فاروق وحسن وخالو صداح