عاجل جدا ..اسد ضخم يقوم بكسر قفصه ويقفز من الشاحنة ليلا ويختبئ في مركز صحي الدوينيب (توجد صور)

الحصاحيصا – الدوينيب /حسن وراق
اثناء قيام شرطة الحياة البرية بترحيل بعض الحيوانات البرية من الخرطوم ومن بينها اسد ضخم الي احد المعارض المقامة في ولاية سنار(300 كلم جنوب الخرطوم ) وفي تمام الساعة الثانية صباح اليوم الاحد واثناء مرور الشاحنة المتجهة الي سنار وعند قبالة قرية الدوينيب (12 كيلو جنوب الحصاحيصا) قام الأسد بكسر قفصه وذلك بثني قضبان الحديد (4 لينية) بعد ان مزق شبكة حديد الاكسبندة ليصبح حرا طليقا ويقفز من الشاحنة حتي قام بكسر (كاحل ) رجله الخلفية اليمني ليتجه صوب مركز صحي خلاوي الدوينيب بمحلية الحصاحيصا ليتفاجأ طلاب الخلوة بوجد اسد في مركزهم الصحي. هذا وقد تم استدعاء قوة من الخرطوم تابعة لشرطة الحياة البرية حيث تمكنت من محاصرة الاسد والقبض عليه دون وقوع أي خسائر واعادته للقفص مرة اخري بعد تامينه في احدي ورش الحدادة بمدينة الحصاحيصا ومن ثم قامت وحدة الحياة البرية من اعادة الاسد الي حظيرته في حدائق 6 ابريل الخرطوم ومن ناحية اخري يبلغ وزن الاسد 200 كيلوجرام ويبلغ من العمر خمسة أعوام .

[img] [/img]
الشاحنة التي تحمل الاسد داخل قفصه
[img] [/img]
الاسد يمزق الواح شبكة الاكسبندة ويثني قضبان السيج في قفصه
[img] [/img]
من خلال هذه الفتحات قفز الاسد نحو قرية الدوينيب
[img] [/img]
تعرض الاسد لجرح وكسر في كاحله الايمن الخلفي و هو في طريقه الي مركزصحي خلوة الدوينيب
[img] [/img]
محاولة القبض علي الاسد الهارب
[img] [/img]
الاسد يقاوم القبض بالزئير ومحاولة الانقضاض
[img] [/img]
محاصرة في خانة اليك
[img] [/img]
كر وفر ومحاولة القبض علي طرف الحبل
[img] [/img]
ترويض الاسد
[img] [/img]
واخيرا استسلم الاسد
[img] [/img]
تغطية راس الاسد حتي لا يهيج ويزأر
[img] [/img]
انتهت المعركة بانتصار شرطة الحياة البرية دون خسائر
[img] [/img]
في انتظار الترحيل
[img] [/img]
الي القفص مرة اخري لاحكام اغلاقه في الورشة بالحصاحيصا
[img] [/img]
واخيرا تم تامين القفص واعادة الاسد الي الخرطوم

وراق يا اسد
شكرا

دا انا اخاف من الكلب يطلعلي أسد ياناس اية الاستهتار بارواح البشرية دي معقول بس

ده أســد ولا كديـــس خـــلا

تسلم يا وراق على السبق الصحفي الرائع.
مع أمنياتي لك بالتوفيق دوما"

ولسان حال الاسد قبضوني ليه ليه ليه قبضوني ليه
شكرا حسن وراق علي الخبطة الصحفية القوية وامنياتنا لك دائما بالتوفيق
وكمان نخص بالشكر الرقيب/ محمد الشيخ (تلب ) لتأمين الحراسة

يا اخونا حسن لك التحيةمتابعة ممتازة للاحداث
لكن الاسد ده تعبان شديد وعمره خمسة سنوات يعنى خلاص نازل تقاعد

ده لو كان اسد اسد فعلا كان فطر بناس الدوينيب واتغدى بناس العيكورة

واتعشى بناس ود بلال

اين الاسد الضخم يا ورقة دة في حجم توتة كديستنا يعرضوا لية شنو

طيب الاسد المسكين الداير اتحرر من القيود اتقبض طيب البقبض الاسد داااااااااك منو

والله سﻻمة دا كان جاء الحصاحيصا بتحصل جهجهة

الاستاذ/حسن وراق
تحياتي
ومشكور على هذا السبق الصحفي
لكن بيني وبينك مااظنه الاسدالنترالبنسمع بيه

والله يا خال حسن انت الاسد علشان قدرت تقيف وتصور كمان

شكرا يا استازنا على هذاه الصور الرائعه انت الاسد ماهو

أسد علي وفي الحروب نعامة *** ربداء تجفل من صفير الصافر

الحمد لله الرجله اتكسرت ده شكله جعان جوعة شديدة لو كان باربعة ارجل ما معروف كان الحيحصل لي ناس الدوينيب شنو.

ولو كان عندنا جمعية حقوق حيوان بالجد كان دخولوا الجماعة ديل القفص

وراق.. دا عمل كبير منك ومن ناس الشرطة.. لكن الأسود ما بتخوف.. البخوفو جد (التماسيح).. مافي حرس صيد يقبضوهم؟؟.

وراق.. دا عمل كبير منك ومن ناس الشرطة.. لكن الأسود ما بتخوف.. البخوفو جد (التماسيح).. مافي حرس صيد يقبضوهم؟؟.

يااخوانى اسد وقصد المركز الصحى لانه مصاب بكسر وجرح عارف محل العلاج
اسد فاهم وياحسن انت صورتوا بالاقمار الصناعية
عاجل جدا ..اسد ضخم يقوم بكسر قفصه ويقفز من الشاحنة ليلا ويختبئ في مركز صحي الدوينيب (توجد صور) 67493514

عاجل جدا ..اسد ضخم يقوم بكسر قفصه ويقفز من الشاحنة ليلا ويختبئ في مركز صحي الدوينيب (توجد صور) 67493514

شكل الاسد وحجمه يدل على ان هنالك جهات تتغذى على طعام الاسد ويطعمونه موية الفول ( البوش) ، يعنى الاسد مجهجه فى اكله وشرابه ولسان حاله يقول: الله يجازى الكان السبب .

اسد اليابا والتابا دا مالو هلكان كدا دا كديستنا اكبر منو واحسن

» عاجل عاجل جدا ..السيول تجتاح مقابر الحصاحيصا وتجرف بعض القبور وروائح تنبعث من جثث الموتي (توجد صور )
» مركز المعلومات شمعة في نفق المحلية المظلم (توجد صور )
» افتتاح مركز صحي باشلاق البوليس بالحصاحيصا ( توجد صور )
» حدث هام في الحصاحيصا .. مركز الجوهرة العلاجي لجميع التخصصات (توجد صور )
» دوت كوم الحصاحيصا في ضيافة مركز صحي الضقاله واللجنة الشعبيه..!!(توجد صور)