الاخ العزيز احمد سركيس تحية من القلب الي القلب وشكرا شكرا شكرا علي السؤال مما كان له بالغ الاثر علي النفس كما اشكر الرائع محمد جعفر وبيقول ليهو قاعدين في البلد ومتمنين نجتمع بيكم ونشارككم الافراح والتواصل الاجتماعي الرائع بيناتكم كما اشكر ايقونة المنتدي تيكو وبقول ليها انشاء الله ما نفتقدك في السمح اما اختنا سحر بقول ليها كتر خيرك فعلا الغايب عذرو معاهو وعذري اني كنت مدبرس شوية من بعض المهاترات الحصلت وكثرة السياسة في المنتدي التي اصبحنا لا نطيقها ودايرين نجي للمنتدي ونجعلو مساحة للتلاقي والمودة والتواصل والتراحم والتالف والنقاش الهادف البناء ونمسح دموع الحزاني ونقيف مع المحتاجين ونساعد المريض من ابناء بلدنا ونقدم للبلد البنقدر عليهو ونتفقد بعض ونسمع اخبار بعض ونبارك للفرح ونعزي للفقد. وبعد دا جاتنا فترة الصيانة الشاملة يعني شغالين ومدروشين حتي الجمعة والسبت وربنا يجمعنا بيكم عن قريب . ابو اية
موضوع: هذا العضو مختفي 
الثلاثاء 23 أبريل 2013 - 17:03
