شر البلية ما يضحك عادل كلر (توجد صورة ممنوعة علي الجنس اللطيف)

دا آخر الزمن دا والله

ياود وراق كيف حالك انت جدك او ابوك مارسلك تجيب ليه تمباك خالص

والله انا عمرى كان سته سنوات رسلنى جدى وعمرى سبعة سنوات رسلنى

اخوى مع انى مابستعمل التمباك البنات ديل لازم مرسلات امكن جدهم او اى واحد

من الكبار هذا ليس دليل على انهن يتعاطين التمباك ولك شكرى

انا ماشيفها بتسف امكن مرسلها ابوها او بتستعلم عن مكان اوشي اخر انا بعض الظن اسم

التمباك والسعوط ... وفي غرب السودان "التابــة" وفي اليمن "الشمة" وعند أولاد عمي "Snuff" ... هم ذاتهم أولادي عمي ديل جابوهو من أمريكا الشمالية والجنوبية لما كولومبوس اكتشف القارتين ... ولقى السكان الأصليين بيتسخدموه كعلاج ومسكن للآلام وخاصة آلام الأسنان ... عشان فيهو مادة النيكوتين ... وكمان كان أولاد عمي بستخدموه كمسكن وعلاج لآلام الأسنان ... ونا سألت حبوبتي ... الله يرحمها ... إنتي يا حبوبة بتسفي ليه ... قالت والله يا ولدي جاني وجع ضرس شديد .. الكلام ده طبعا في البلد ... وبعدين ختيت لي سفة عشان الوجع يخف ... يلا من ديك وعيك ... وده حال كل الشايقيات البسفن وكمان الشايقية ... على وجه الخصوص .. وأهلنا في الشمال على وجه العموم ... يعني كمان أهلنا كانوا بستخدموه كمسكن لوجع الضرس ... ويمكن لحد الآن.

وكان زعلان من زول قول ليهو "إن شاء الله يساهر بيك ضرس" وما تلقى ليهو سفة.