صوت المطر
محمدعبيد الفاضلابى
البِقول... اُم دوم غلب
البِقُول حقِّي وطلب
أمرقن يا أمهات
الزغاريد والضِحِك
نفسِي فى الشارع يضيق
يقطع الصدق الطريق
ريحة الخشب والتِك
يطفي المشاني حريق
المويه ما مِنِكْ
ديل حاربوك بالبير
كِضِب السراب للطير
كِضِب المِعادِنِّك
صوت المطر ما بفِك
صوت البنادِق تِك..ــــــــــــــــ
داس علي الزناد
الشافِع مات ...,
وصوت المطر
ماسِك حِلُوق الناس
ولاصِق ,
على المصران,
ربط الحُبال
فى اليد ...!! كمين
ما حل ...
ولا فى الخيل
محلّه بِتِتمسِك
و..
شدرِك يا ام دوم
اخدر من لون الكاكِى وسالِك
شدرِك يا أم دوم
فاضِح
تخزين
الواقع فى الخرطوم
والكان ناسِك
اليوم!!!
ما هُم ناسِك
وصوت المطر
حا ... يِفِك
وصوت البحر... يبسُغ
على طين القطا العِرفك
جروحى النتحه فيها
تَخّمِر الممطوق
تجى ونازلابنا
فى المحروق
لا... بوبار
هويِدك لفحه...
يبدابِك
ولا بابك...
شتر بالضّلفه وِ إلِتّفِك
فى ريحة السِلا العاسِر
فى نز اللبق..
والدود غتس جرفِك
على المقدود ...
وكت يلقى الخِديوى القد
اهو الحلم المعّطل طاح..
والنيل القديم
الشاهد الاول على حتفِك
والمطر.. حا يفِك
إذا
عشم الجمال فى الصوف...
وعشم البعير...
اللسه مابى يشوف
والليل والهجير والخب
والحافظاهو فى سِّرِك
قلوُبن واحده ما... وِقفتْ!!!
بِعِيدوا السِّكه
فى حرفِك
ويبلغ ما يظُن بالعد
اهو الشيل التقيل
خاترِك من الاول
يا تبرِى العفن والريحه فى الحِّتات!
يا نفس السِناريو الفات!
مِحِنه وشر..
واحِد بعدو
نقول إتنين
تلاته وتِك ـــــــــــــــــــــــــــــــــــــــــــــ
داس على الزناد ...
مات الوطن ...
لكن ..
لِّسه
فينا الحيل,
وفى دم المعارف ويل
وحياة ... المحبه البينا يا سودان
ما بِفوت الوطن فنان
ولا برجع صدى الحرمان
ولا ببقى التراب كيمان
قدمناهم الشهداء
ووصلنالم المكتوب
1/عبدالخالق المحجوب
وصوت الريحه ود حبوب
اكان الظن مرق حِّنِك
ده مارق من سلام الحب
ومن احلام رسمناها
نِمره 2/ ده كان محمود
محمد طه
فى غنية جدودنا زمان
وصونا على الوطن
القرشى ومهيره
وكل ما كان
لِواءك أبيض
يا سدر الجبيره الحي
ويا مَخِّرِمْ براك فى الصيّ
اهو..
العُطُل المربا صباح... رجع راجع
شِن جاب الرَطُل
لى وازنه بِتعرفِك؟
الهجد
يا دابو...
ما خِبِر الدُفاس
...(نّباح)
و خائس
زى براو ..فى الشك
وذى البِقُوا مِصابرين
صابر
على تفِّك...
تانى المطر والصوت ..
قايلاهن
ده طير وبِرِك؟
قايلاهن اخو المغبون
قايلاهن سدود للفاقه ؟
وكتين السلاح يسفِك؟
المطر والصوت...
هو طبّال البعرع... فى القرعه
ذى شوفة البديهه الساهيه
لو ما الخلاء
وِإتجاهين... فى المتاها
نعمة الله المِى قليله
تفضح السر فى البليله
تفضح المساء والخجل
تفضح السِنج التقيله
تفضح.. التاه ... المخازن فى العيون... والبِحرسُوبُو الدجل
لكين هو ما زعل السنين
الما... إتِوزن وبلا إنتباه
أكبر من الزارعنو ... فيك
الما بِرّيح... فى اللكِيك
أكبر من الذكاء والنباه...
ساعة يلوموك وانت طين
أكبر من ... العون القديم ...
الشِركِ بالله...
ريحة التراب الحى
ريحة الطمى العِرفِك
سمحاً تَصِيدُو مع الخفا
وعكس الضلام الضي
ذىّ الجنا
الدافِن براحو...
ولا ... إكتفا
الكان جِماحُوا إذا ِلفِك!!
يطلع مّرزق... ولو
طار المحارِس رِّق
....
ده ما زعلاً بِفِك
موضوع: التضامن مع أم دوم 
الأربعاء 1 مايو 2013 - 16:32
