يا حليلى اول يوم قبضوها

اصبح المرتب لى زول بخاف الله وعنده بنات بربى فيهن مسأله عاوزه حاوى ، فكان لابد من بدايل تساند هذا المرتب والذى نراه لى يوم واحد هو يوم الصرف قبل ان يتبخر .
ومن كام صرفة صندوق ودعومات خارجيه وداخليه تمكنت بحمد الله من شراء ركشه جديده يوم 01/5/2013 واستلمتها الساعه الحادية عشر ليلا ليتم تركيبها وتربيطها اليوم التالى وحملت اطفالى بفرحة الركشه الجديده لتوصيلهم لمدرسة التفوق وعند العوده لمكتب الكهرباء وفى تقاطع زلط حى العمده تم القبض على لعدم وجود لوحات وتم ايداعها رئاسة الشرطه .
هذه الحملات النوعيه مطلوبه وخاصة فيما يخص الركشات لأن فيهم من لا يرتقى لأن يسوق ركشه من مظهر وسوء سلوك ، لكن نجد فيهم وهم غلبه ارباب المعاشات والمعلمين وكل من يسعى لتحسين الدخل لمجابهة المعايش الجباره .
الاخوة قيادات الاجهزه الامنيه بالرغم من ركشتى المسكينه التى حبستموها الا اننى اشد من ازركم لمحاربة كل الظواهر السالبه التى سادت المدينه فى الآونه الاخيره واصبحت من المهددات التى تستوجب الحسم ، مع مراعاة الفئات التى تسعى للمعايش بشرف .

ربنا يفك أسرها

قلبنا معاك يا عادل لكن هل تعتقد ان هذه الحملات الغرض منها القبض علي المخالفين لقوانين ولوائح المرور طبعا لا .اهلنا ديل بقو زى كشات العرقي الصورهم اخونا حسن وراق كشه قويه ودلاله تاني يوم اقوي .كلما نقصت الايرادت زادت الكشات والعكس صحيح.وكدي فتش يا عادل شوف الركشات الما بنقبضن ولا يوم حقات منو والظلم لما يعم الناس ببقي عدل ..................
.

ربنا يرجعها ليك بي السلامة

الاخوة / سركيس ، كروم ،اسلام تحياتى وشكرا على المرور
لازالت الركشه تعانى الامرّين ، فبعد ان عملنا المشمع وبقينا على اجراء الترخيص اصطدمنا ببيروقراطية الخدمه والتفنن فى المعناناة وازلال يفوق حد الوصف فكل الركشات التى احتجزت محبوسه فى رئاسة الشرطه فبعد احضار الاوراق تذهب الى ادارة المرور بالارجل من رئاسة الشرطه حتى مواصلات ابوعشر او الجنيد فهى الاقرب لمكاتب المرور فقالوا ان العمل يبدأ بعد الساعة الثانية عشر ظهرا لاعاودهم فى ذلك الزمن لاستلام اورنيك لملئه فى رئاسة الشرطه عبر مندوب المرور ثم الرجوع مرة اخرى للمرور لاستلام اللوحات .
ما رويته القصد منه ان كل تلك الاجراءات يمكن ان تتم داخل ( حوش ) المرور لكسب الزمن ولراحة محمداحمد المسكين ( والعم عبد الرحيم ) وخوفا من دعوة رجل اشعث اغبر لو سأل الله لأبره .

اخى عادل
ما دى الحاجات المؤخر البلد ولو ماعملوا كده بكرة بكونوا صعايك حايمين بدون شغل فلازم تروح وتجى كم مرة عشان تعرفوا الله واحد ولو ماعاجبكم الحسوا اكواعكم كان رجال .
طبعا ده النظام الحضارى الاحنا بنعمل من اجله .

تحية واحترام وسلام لجميع الاخوة الاعزاء والكادحين من اجل لقمة العيش الكريمة