يا بورداب الحاصل شنو ؟؟؟؟؟؟؟؟

برود شامل كامل ؟؟فتور فى النقاش ؟؟؟ اهمال للمواضيع المطروحه

تسجيل غياب لابورداب كان المنتدى لهم هو الروح النابضه والبيت

الكبير . اتمنى يكون غياب مسبب باعزار تقبل ياريس بكرى ؟؟؟؟؟؟

نطالب بكشف حال لكل من يحس ان الموضوع يعنيه .

يوجد ركود

وين المدير د.بكري وين النائب وراق وين احمد سركيس وين الرشيد وين رحمة ؟ وين ساره بت العم الجاك
بل اين انت يا كوثر ظهرتى بموضوعك دا بس قبل كده وين كنتى ؟؟؟دى الحالة لسه ما استلمتى شغلك فى رفاعه
البركة فى صداح والعشى والوافد الجديد بشير عبدالحكم وعائشة ابراهيم ديل الباقين على المنتدى

اول مره يكون عندك الحق . انشغلنا شويه بس عدنا والعود احمد . اين الخال المحبوب

والخال يحيى الشيخ بل اين عاطف عمر والرشيد حبيب الله اين طارق السيمت . واين واين واين

الاخ محمد المنصورى . محمد جعفر ح نقعد نعدد فيهم لما ريقنا يجف ولا ح يظهر جوز الهند

ولا ود الاهليه الرحابات ويييييييييييين انتو . ياريس لقيت لى مزارعى نجيض قال داير يدنقدو

يحول فيهو المزرعه السعيده رايك شنو ؟

نحن ما برانا معانا صداح والعشى وبشير وعائشة
الدايرنا حبابو والمادايرنا ما زعلانين منه

ابقو عشرة علي المبادي والعقاب انتو الخير والبركة

عليك الله يا محمد جعفر أضرب لتيكو تلفون بدل ما شبكتونا وين وين وين.. في فطور وللا نقوم نفوت؟؟.

انت ما محسوب مع الغايبين

انا حضووووووووور معاكم ولن انقطع عن المنتدى مره اخري

جيناكم يا حبايبنا بعد غربة وشوق بس غربة بالداخل
نحييكم فحيونا دام صفاكم وسطع ضياكم
وانشاء الله دايما تامين ولامين ومتواصلين
وربنا يرجع بقية الغايبين وشكرا لصاحبة البوست
وللفاقدين والمفقودين. ابواية

حباب أبو آية.. نورت بوست كوثر.

تسلم ابوايه للاستجابه والجابك يجيب عقابك ...مع خالص الشكر للاخ عبيد الحاج

عن الرد بالانابه يلا يا عبيد حرك معانا الناس دى . والف سلام مربع لجميع المتواجدين

والمشاركين