مناضل full option[/b] فى بلاد الواق الوق
ظهرت موديلات جديدة من المناضلين فى بلاد الواق الوق اهم مواصفاتهم :
1\ مناضلين دفع رباعى يعنى مناضل داخل الحكومة ضد المعارضة ومناضل مع المعارضة ضد الحكومة ومناضل داخل المعارضة ضد المعارضة(ذاتها) ومناضل داخل الحكومة ضد الحكومة.
2\مناضلين( سوبر نضال) وده نوع لا يكل ولا يمل اينما وجدت (نقة) ونميمة واجتماعات نص ليل هو (زولها) وحراش وشغال ( المديدة حرقتنى) وبمرض لو البلد مافيها مشكلة.
3\ مناضل (حرباوى) يعنى يغير جلدو و لونو ومواقفو حسب مصالحو ومجريات الاحداث مرة تلقاهو مؤتلف ومرة مشترك ومرة منشق ومرة مندمج.
4\ مناضل فيس بوكى وده ممكن يكون داخل السودان ويكتب انو مقيم فى (بفرلى نضال) وممكن يكون باسم مستعار وصورة مستعارة وليهو كم حساب فى الفيس بوك وده مهمتو انو يكون حنجورى جدا وشتام جدا ولعان وصاحب قاموس لغوى لا ينضب وما عندو صليح..ويكون له المقدرة على ترويج الاشاعات لصالح الحكومة او ضدها .
5\ مناضل غواصة وده بيكون بيعمل داخل حزب لصالح حزب اخر وهمتو يسب ويلعن (ناسو) وطبعا بيكون بجهز فى لستة اسماء (المهرجلين).
6\ مناضل شحنة راكب..وده نوع اديهو ورق وخلى يلف..وطبعا كل مرة بحمل اوراق جهة وهو ما عارف الحاصل شنو يعنى ( مغفل نافع) وطبعا بكون سهل التلقين والتوجيه..ويمكن التخلى عنه فى اى لحظة.
7\ مناضل مقطوعية..وده بشتغل بالمقاولة او القطعة داخل او خارج البلد.
8\ مناضل ضد المناضلين وده مهمتو يراقب ويترصد المناضلين حتى ولو زملائه او يلبس تهمة لاى زول شان يصل ويكبر كوموا ومستعد يتحالف مع الشيطان.
9\ مناضل هكر بلغ من العمر ارزله واصبح عندو زهايمر نضالى لا يفهم ما يقول ويفعل .
10\ مناضل لصاح مصالحو ..اينما وجدت مصلحة شخصية له تشبس بها وليذهب البلد ومن فيها فى داهية..
وتظل بلاد الواق واق بخير مادام هنالك مناضلين من اجل الحق والعدالة والامن والحرية والخبز والصحة والتعليم والمساوة.[b]
موضوع: مناضل full option 
الأربعاء 29 مايو 2013 - 15:57
