مرسي "رئيس" مصر المنتخب "إكلينيكياً"
الدنيا كلـها واقفة علي قنقرة ضنبا
ويامرسي التقول لا بتسمع لا بتشوف
ياخوي القصة خدمة ولا حيازة ؟؟
والله البشوفك يقول
"لو لاقاك زول جنب العتبة وقال ليك أمشي تمش"
الناس ليهم أيام واقفين في الحر
مبطلين شغلن وموقفين أحوالـهم وإنت ولا خساك؟؟
الميادين في كل المحافظات تقنت من الناس
واحدين يغنو وواحدين يكوركو "أمشي أمشي"
وإنت زي جدي فرج الله "عليه الرحمة"
تقرأ ليـهم في "آل عمران" !؟
جدي فرج الله باقي كان قاعد في "الجو"
والدنيا حر والصفيحة بااااااااردة
يشرب ساي والمزز لحم ضان زي اللقيمات "محمر"
أها الساعة قربت للواحدة "ظهراً"
وقبال ما "إتمكن" جاهو خبر وفاة من الحلة
وبي شبعتو "نص الكم" ديك "الما متمكنة"
شد حمارو وتوجه نحو بيت البكا
الناس كانت جاية من المقابر والساعة قريب تلاتة
من الحر الناس زي الدببة
متلبدين علي الحيط "جمع حيطة"
حلة ملاح واحدة إترفعت في النار مافي
"من تعب الموت للوفاة وبالعكس"
أربط ياجدي فرج الله حمارك وتعال داخل "تتهوزز"
"الفـــــــــــــــــــــــــــــــــــــــــــاتحة"
الناس دي كلـها قامت "ما بقدرو يكسفو مد إيديـهو"
وقوم يا جدي فرج الله "ما منو من العلي"
بعد الحمدو عرج بيهم لـ "آل عمران"
(( الم
اللَّهُ لا إِلَهَ إِلاَّ هُوَ الْحَيُّ الْقَيُّومُ
نَزَّلَ عَلَيْكَ الْكِتَابَ بِالْحَقِّ مُصَدِّقًا لِّمَا بَيْنَ يَدَيْهِ
وَأَنزَلَ التَّوْرَاةَ وَالإِنجِيلَ مِن قَبْلُ هُدًى لِّلنَّاسِ
وَأَنزَلَ لْفُرْقَانَ إِنَّ الَّذِينَ كَفَرُواْ بِآيَاتِ اللَّهِ لَهُمْ عَذَابٌ شَدِيدٌ
وَاللَّهُ عَزِيزٌ ذُو انتِقَامٍ ))
يشب ليـهو جدنا أحمد ود القرشي "عليه الرحمة"
"خلاس يا فرج الله الدوام لله آآخوي"
وفرج الله سرح بوشو
((إِنَّ اللَّهَ لاَ يَخْفَىَ عَلَيْهِ شَيْءٌ فِي الأَرْضِ وَلاَ فِي السَّمَاء
هُوَ الَّذِي يُصَوِّرُكُمْ فِي الأَرْحَامِ كَيْفَ يَشَاء
لاَ إِلَهَ إِلاَّ هُوَ الْعَزِيزُ الْحَكِيمُ ))
أحمد ود القرشي فتر لزم الجابرة
الناس "مشدوهة" رافعين إيديـهم وفرج الله يقرأ
((هُوَ الَّذِيَ أَنزَلَ عَلَيْكَ الْكِتَابَ مِنْهُ آيَاتٌ مُّحْكَمَاتٌ
هُنَّ أُمُّ الْكِتَابِ وَأُخَرُ مُتَشَابِهَاتٌ
فَأَمَّا الَّذِينَ فِي قُلُوبِهِمْ زَيْغٌ
فَيَتَّبِعُونَ مَا تَشَابَهَ مِنْهُ ابْتِغَاء الْفِتْنَةِ
وَابْتِغَاء تَأْوِيلِهِ وَمَا يَعْلَمُ تَأْوِيلَهُ إِلاَّ اللَّهُ
وَالرَّاسِخُونَ فِي الْعِلْمِ يَقُولُونَ آمَنَّا بِهِ
كُلٌّ مِّنْ عِندِ رَبِّنَا وَمَا يَذَّكَّرُ إِلاَّ أُوْلُواْ الأَلْبَابِ))
جدي أحمد يردد "خلاس يا فرج الله الدوام لله "
"خلاس يا خي الناس دي روحا مرقت"
"خلاس يا فرج الله ياخي " وفرج الله روووووووح
وداك شغال
"خلاس يا فرج الله ياخي "
"خلاس يا فرج الله "
ولمن كترو قال ليهو "خلاس يا عوقة"
دحين يا مرسي "أمشي"
ما تكسف الأيادي البتأشر ليك بالرحيل
موضوع: يامرسي "أمشي" ما تبقى عليك حكاية أحمد ود القرشي وفرج الله 
الأربعاء 3 يوليو 2013 - 5:28
