القاوى دوبيت ومسادير يخش

افرد هذه المساحه للترويح عن النفس بتزوق لغة الدوبيت والمسادير . اتمنى ان تنال اعجابكم ومشاركاتكم

قليل ﺍﻟﺸﻔﺘﻮ ﻣﻨﻲ ﻭﺍﻟﻜﺘﻴﺮ ﻣﺘﺨﺒﻲ
ﺑﺤﺒﻚ ﻣﻮﻭﺕ ﻭﻋﺎﻟﻢ ﺑﺎﻟﺴﺮﺍﻳﺮ ﺭﺑﻲ
ﺍﺳﺎﻃﻴﻦ ﺍﻟﻐﺮﺍﻡ ﺍﻟﻌﺎﻣﺮﻱ ﻭﺍﻟﻤﺘﻨﺒﻲ
ﻗﺎﻟﻮ ﺍﻟﺤﺐ ﺟﻨﻮﻥ ﻭﺍﻧﺎ ﻓﻲ ﻫﻮﺍﻛﻲ
ﻣﻐﺒﻲ

الاهتمام بالناس من الخصال الفينا
حاشا مابنتجاهل الرايدنا والحابينا
والقايل نفسو غااااااالى وبالعشق كاوينا
تتقد السما ومايهز كرامتاً لينا

إن مدحوكي يصغروا من مديحك ناس
وإن وصفوكي وصفك ما بشيلو الراس
وإن قاسوكي وين ليك يتلقي المقياس
إنتي مكمله وغيرك رُبُع وأخماس

قدر مـا قلت أتوب من الغـرام وفعايلو
يبراني ويفـوح طيب المسك في جدايلو
كيف عاد الفكاك وانا قلبي مـا كت قايلو
يبقى الـريد دوام في كتفو حايم وشايلو

مطر الريد رشع وأنا وإنتي إترشينا
وإتشابينا فوق ضهر السحاب ومشينا]
وشك قوس قزح يا السمحة يوم تغشينا
سارحين في الخصل وجوا العيون طشينا

أَحْ والوَحَّه ما بِتدُور تفَارق قلْبِي
أحْ من نَار فِلانَه وجَرْحها النوسَربِي
يا نَفْسِي الصّبُرْ لُوكِيهُو لا تَنْسلْبِي
الحَظْ ما بدُِوم يومْ غَالَبه يومْ تِتْغِلبي

اخوى محمد صديق على المرور وتسلم كتير

وياريت ما توقف وهاك دى

إتغشينا بي حبك لبسنا عباية
يا موية الرهاب الما ملت كباية
عجيب يا دنيا أمرك الا نحنا غباية
عاشقين الجمال في لمعة الحرباية

[size=18] ناس رغده وزبيده وناس اماني وننو
عاشقات الخلط لهج النضم جادنو
الحب والغرام في لحظه بس ينسنو
ياكلن ويشربن حتى الرصيد شالنو[/size]

زي جدي الغزال كاحلات عيونا وزينه
وإن قامـت مشت تقـدل متل وِزِّينه
السبب القبيل خـلاها تبقى حزينه
قالت لي بخـاف عين الحسـود تأذينا

تسلم كتير اخوى محمد صديق وبدور منك الزياده

الغالى دوما ابوهديل ماقايلاك عربى عزال تسلم كتير على المرور

تدهورت بعد الشيب بقيت مزلوع
وإدافر نميمك وواردو مو مقطوع
ياالعيش البسند التاوي من الجوع
هِن سيتيلو قلبي العندكم مودوع

من صدر القمر رضعت روت وجناتا
ومن ضرع الغزال حلبت سماحتا جاتا
متل الضل بشيش جوا القلوب ولجاتا
تسكن في النفس تتـاوى في خلجاتا

[center] ﻣﺎﺟﺮﺑﺖ ﻛﺘﻞ ﺍﻟﺮﻗﺒﻪ ﻟﻜﻦ ﻧﺎﻭﻱ
ﺑﺪﻳﻚ ﺗﺎﻧﻲ ﺳﺖ ﺷﻬﻮﺭ ﻗﺪﺭ ﻣﺎﺗﺴﺎﻭﻱ٠
ﻳﺎﺗﺪﻳﻨﻲ ﻋﺎﺷﻘﻲ ﺍﻟﻔﻴﻪ ﺟﺒﺖ ﺣﻜﺎﻭﻱ
ﻳﺎﺣﺮﺭﺭﻡ ﺑﻘﺮﺿﻚ ﻭﺍﻣﺸﻲ ﻟﻲ ﻋﺸﻤﺎﻭﻱ[/center]

[size=18] ﻏﻴﺮ ﺍﻟﺘﺒﺮﺓ ﻭ ﺃﻧﻔﺎﺳﻪ ﺍﻟﺒﺘﻤﺮﻕ ﻣﺴﺘﻚ..
ﺩﻳﺴﺎ" ﻓﻮﻗﻪ ﺃﺯﺭﻕ ﻣﻦ ﺳﻮﺍﺩ ﺍﻟﻠﺴﺘﻚ..
ﺍﻳﺎ ﺍﻟﺼﻴﺪﺓ ﺍﻟﺒﺘﻨﻬﺶ ﻓﻲ ﻋﻀﺎﻣﻨﺎ ﻣﻐﺴﺘﻚ..
ﻋﺎﺷﻘﻚ ﻗﺎﻟﻮ ﻣﻦ ﻓﺘﻴﻬﻮ ﺭﺍﺳﻮ ﻣﺨﺴﺘﻚ..

[/size]