يوم الجمعة افطار دوت كوم الجماعي يوم الجمعه وبدار المهندس

بوم الجمعة القادمة موعد الافطار الجماعي لبورداب الحصاحيصا دوت كوم والذي سوف يحدد مكانه في وقت لاحق. نهيب بالاعضاء الكرام تنسيق الحضور وعدم الدخول في التزام آخر و لمزيد من المعلومات والمبادرات يمكن التنسيق و الاستفسار عبر الهاتف 0911130739 او 0912330079 هذا ومن ناحية اخري وعقب صلاة التراويح في ذلك اليوم سوف تجري اذاعة الخرطوم FM الصوت الاقتصادي الاول مقابلة مع اسرة الموقع علي الهواء مباشرة .

هلا رمضان وهلت بشايره ...
تواجد مؤسس الموقع د. بكرى اضفى على بورداب الداخل مزيدا من التلاحم الاجتماعى والترابط والذى نامل ان يقود لمزيد من الابداع عبر المنتدى بالافكار والخطط لخدمة المدينة وانسانها ....
افطارا هنيئاً وجمعا مغفورا له ......

يا رجل المهمات والمفاجأت الحلوة
حضضضضضضضضضضضضضضضضضضور باذن الله
ولابد من توجد صور
احتراماتي
ياورقة

تمام يا ورقه
ويمكن تنسيق ايضا مع اختنا الحبيبة فائزة السيد او رحمة عبد الله

بس لازم يكون في الحصاحيصا لانو مشتاقين للحصاحيصا

ENASADAWI كتب:: بس لازم يكون في الحصاحيصا لانو مشتاقين للحصاحيصا

يا ريت

في الخرطوم معاكم ...ومعاي الجميل مدني النخلي ...

هو بعتبر نفسه جزء من المنبر

حاضرين ياحسن ..بس نفسي في قدره قادر من ايدي الحنونه فائزه السيد لو ممكن

الاعزاء ...
كل الشوق لكم ..
الدعوه في دار المهندس
الله يجازي الكان السبب في القطعه ياود عيسي...

ياابوعلي حااااااااااااااااااااااااااااااااااااااااضرين اشاالله ومن بدري كمان

انت يا حسن المهندس ده ود ناس منو في الحصاحيصا

بكرى عثمان حمد كتب:: الاعزاء ...
كل الشوق لكم ..
الدعوه في دار المهندس
الله يجازي الكان السبب في القطعه ياود عيسي...

دكتور مازماااااااااان اخونا على سيداحمد قال ليك المنزلك شنو فى رمضان ؟؟؟؟؟؟؟

العذبة كتب:: انت يا حسن المهندس ده ود ناس منو في الحصاحيصا

اظن وعلى ما افتكر بكون ودعم القيروان !!!!!!!!!!!!!!!

جاهزين وبقدرة قادر يامحسن

ويايناس وين انتى ماشفناك فى اى لمه؟

ويامارد لازم تجى يوم الجمعه امدرمان مابعيده

العزيزه فائزه كنت اتمني ان اكون حضورا معكم لكن البعد المكاني حال دون ذلك لكننا حضورا جميلا فى وجدانكم

يا عذبة بالغتي ما بتعرفي المهتدس ولد ناس منو؟؟
اولا هو ما ولد.
ثانيا لو سمعك تورو بشيل حال الدكتور وبقول ليهو مافي زول بعرفكم الا عندمايقول ليهو ( الناس المناسبم تورو ) اخونا بكري واخوانه من اقدم ناس الحصاحيصا ومن مؤسسي حي المايقوما وسكنوا الحي الشرقي لمان كان اسمه الديم والزمن داك ناس ابوي ما جو من الشمالية والدكتور كان مجنن اولاد الحلة التحت كان بقطع البحر بيد واحدة . انقطاعه للعلم والقراية ام دك جعله يكتفي بعدد من الاصدقاء والمعارف وهو عائش مع اولاده في المانيا وبيشتغل محاضر في جامعة بنسلفانيا وكان استاذ في السابق بجامعه هونج كونج وواحد من مؤسسي الكمون تيرن وعصبة الامم . اها كفاك والله ازيدك

الاخ/ابو على
رمضان كريم
ممكن تزيدنا فى التعريف بالمهندس
تحياتى
المغربى

dh يا الصادق بعد دا كلو وازيدك؟؟
والله بعد دا الا ازيدك سلييييييقة ساكت..
الدكتور مهندس ميكانيكا
درس الثانوية في حنتوب والكتاب بالغربية والابتدائية( لاحظ الابتدائيةدي زمنا كان اسمها الوسطي اما في زماننا اسمها الثانوي العام ). تخرج من كلية الهندسة جامعة الخرطوم وعمل بوزارة الطاقة وابتعث الي المانيا والقعدة الياها حضر الماستر ولحقة ليك الدكتوراه كما راجل شاطر واخو اخوان ما كان الله وفقه ..راجل كريم وكلس بس عيبه الوحيد اسأل منو عمار تلودي والدكتور ضياء عدوي .. متزوج له بنتان وولد. تاني داير شنو يا مغربي بعد دا الا نختو ليكم في الواجهة انتو تسالوا وهو يجيب .. يديكم العافية

راشد محمد الجاك كتب:

العذبة كتب:: انت يا حسن المهندس ده ود ناس منو في الحصاحيصا

اظن وعلى ما افتكر بكون ودعم القيروان !!!!!!!!!!!!!!!

يا راشد رمضان كريم
ياخى قيروان شنو
دار المهندس ده حكاية كده فى العمارات شارع سبعه
المهندسين شيدوه زمان وما شهد اى تتطور فى الفترة الماضية
لكن بينى وبينك فيهو نجيله خليها ساى

عمار تلودى كتب:

راشد محمد الجاك كتب:

العذبة كتب:: انت يا حسن المهندس ده ود ناس منو في الحصاحيصا

اظن وعلى ما افتكر بكون ودعم القيروان !!!!!!!!!!!!!!!

يا راشد رمضان كريم
ياخى قيروان شنو
دار المهندس ده حكاية كده فى العمارات شارع سبعه
المهندسين شيدوه زمان وما شهد اى تتطور فى الفترة الماضية
لكن بينى وبينك فيهو نجيله خليها ساى

ياتلودى انا فهمت من كلام الاخت عذبة انها بتسال عن المهندس اى عن دار المهندس !!!!
فحبينا نرد بتخريمة لقصر القيروان ... وشتان مابين الاثنين رغم انى لم اشاهد هذا القيروان ... ولكن يكفى دار المهندس انه جمع هذا النفر الكريم من منتدانا ... ارجو ان لا اكون ذهبت بعيد بسؤال الاخت العذبة لان اجابة العم حسن كانت عن الدكتور المهندس بكرى .....

والله رمضان كريم ومتجمعين عند النبي يارب ....

يعني يا حسن دار المهندس دي حقتو برضو ولا عاملين ليكم تخفيض

ويا حسن دار المهندس دي حقتو ولا مخفضين ليكم

من زمان عاجبني زكاءك يا راشد لك وللمهندس التحية

يا العذبه ... تحياتى ..
كان فى داعى لكشف الحال ده من حسن وراق .. ماكان تنتظرى لحدى الجمعه وانا براى بوريك كل التفاصيل ...
فى ناس راجيين فرص ذى دى بفارغ الصبر .. لكن الحمدلله اى تجمع يمرقنا براءه من هضربات حسن وراق .. وضياء والله مفترى عليه ساكت .. من الحكى ده براك بتعرفى الحاصل شنو!!! موتوا بغيظكم ..

ياجماعه الزول اعزروه

زهايمر

وخراب بيت فى الكاميرا واللابتوب
لازم اخرم

ولانه الكاميرا مطرانه نقول الفطور تم فى دار المهندس وشرفنا الاخ مبارك عثمان وابنه الباشق الذى يحتج على اسمه ورغم حضوره وفى منزله ضيوف لكن مابننسى ليهو القضيه.
وقد اقعدت الامطار عدد من البورداب ورغم ذلك الجو القعده كانت جميله وتخللتها امطار حولت الجلسه تحت البلكونه واولاد بكرى ورحمه والباشق استمتعو بالعبفى المطره

وقد شرفنا حضورا ضيوف اعزاء عمر الفكى واولاده ومصطفى السيد (لياقه)بلغه الكوره
وسيغادر مبارك غدا وبكرى بعد غدا تصحبهما السلامه.

» افطار دوت كوم بدار المهندس ((توجد صور))
» افطار الحصاحيصا دوت ;كوم بدار المهندس(الصور وحدها تكفى)
» لجنة تجهيز وتقديم الافطار الجماعي بداخل المسجد العتيق
» الافطار الجماعي لرابطة الاعلاميين بالحصاحيصا تنقله الاذاعة والتلفزيون ( توجد صور)
» لجنة تجهيز وتقديم الافطار الجماعي بداخل حرم المسجد وموقف فور مزاد