وين رنين الضحكه ؟

هآ ناس خباركم وينكم البلد مالا الحصل فيها شنو ؟
مالكم حتى الونسه دى جافلين منها ’ على بالطناش بتاوق شهر كامل ما لقيت ليه زول سآى بتقاطع بيقادى
إلا بس كان وليه واحده براها ووحدا تسدر وتدوبى
وتكورك للناس هآ ناس الداير مسادير يجي بيجاي والداير دوبيت بيجاي
ما قلتو الحاره بتخوضوها ؟ أظن رمضان دا نار عديل كدى ولا ما كدى .
ما كدى الظاهر باااااااارد والبلد مليانه خيرات ( كوم ) وردوم والناس شبعانين شبع شديد وما في زول أبا العيش ولا نام جيعان
ولا بايت القوى .
عشان كدى لا خربشه لا طربقه ولا شمشره ولا حتى مسطله , مع إنو المعلمين قالوا بعد الفطور ( بتتعمل ) عادى
حتى يتبين الأسود من الأبيض .
أهو كلام يقولون الجوع بولد المرح والنكات والقصص السياسيه خاصه والسطلنجيه عامه .
هنئاً لكم البعبعه الناتجه من الشبع .
ورمضان كريم عليكم كل سنه وأنتم طيبون .
الصيام دا بالنهار ما جوع مالا الفرفشه بجرحو ؟ ............