قصيدة جديدة لمحجوب شريف

ﻗﺼﻴﺪﺓ ﺟﺪﻳﺪﺓ ﻟﻤﺤﺠﻮﺏ ﺷﺮﻳﻒ ﺑﻌﻨﻮﺍﻥ ):ﺃﻭﻋَﻚ ﺗﺨﺎﻑ (
=============================
ﺍﻟﺴﺒﺖ 7 ﺳﺒﺘﻤﺒﺮ ﺃﻟﻤﺎﻧﻴﺎ 2013ﻡ
-----------------------------------
ﻛﻠﻤﺎﺕ :ﻣﺤﺠﻮﺏ ﺷﺮﻳﻒ
><><><><><><
ﻳﺎ ﻣﻦ ﺗﻤﻮﺕ ﺑﺎﻟﺠﻮﻉ ﻭﻗﺪﺍﻣﻚ ﺿﻔﺎﻑ
ﻭﺍﻷﺭﺽِ ﺑﺎﻃﻨﻬﺎ ﻇﻞَّ ﻣﻄﻤﻮﺭﺓ ﺳﻮﺍﻙ
ﻋﻄﺸﺎﻥ ﻭﻗﺪ ﻧﺰﻟﺖ ﻋﻠﻴﻚ
ﺃﺣﺰﺍﻥ ﻣﻄﻴﺮﻩ
ﻣُﺰَﻥ ﺳﻤﺎﻙ
ﺍﻟﺪﻧﻴﺎ ﺃﻭﺳﻊ ﻣﻦ ﺗﻀﻴﻖ
ﻗﻮﻡ ﺃﺻﺤﻰ ﻓِﻚ ﺍﻟﺮﻳﻖ ﻫﺘﺎﻑ
ﺇﻥ ﺍﻟﺬﻳﻦ ﺃﺣﺒﻮﺍ ﺭﻭﺣﻬﻢ ﺿﻴَّﻌﻮﻙ
ﻭﺑﻴَّﻌﻮﻙ ﺃﻋﺰ ﻣﺎ ﻣﻠﻜﺖ ﻳﺪﺍﻙ
ﺃﻭﻋَﻚ ﺗﺨﺎﻑ
ﺍﻟﺨﻮﻑ ﻣﺤﻄﻪ ﻣﺤﻄﻪ ﻣﺎ ﺳﻜَّﺔ ﻭﺻﻮﻟﻚ ﻟﻠﻄﺮﻳﻖ
ﺇﻥ ﺍﻷﻳﺎﺩﻱ ﺍﻟﺤُﺮَّﻩ ﻣﺎ ﺑْﺘﺸﻌِﻞ ﺣﺮﻳﻖ
ﺗﺐْ ﻣﺎ ﺑْﺘﻘﻴﻒ ﺗﺴﺘﻨَّﻰ ﻗﺪﺍﻣﻬﺎ ﺑْﺘﺸﻮﻑ
ﻳَﺤْﺘِﻞ ﻏﺮﻳﻖ ﺗﻠﻮ ﺍﻟﻐﺮﻳﻖ
ﻣﺎ ﺗﻨﺴﻰ ﺇﻧﻚ ﻛﻨﺖ ﺻﺎﺣﺐ ﺭﺍﻱ ﻭﺑﻴﺖ
ﺃﻫﻼ ﺣﺒﺎﺏ ﻟﻮ ﺩﻕَّ ﺑﺎﺏ
ﻋﻨﺪﻙ ﻣﺨﺪَّﻩ ﻭﻋﻨﻘﺮﻳﺐ ﻫﺒَّﺎﺑﻲ،
ﻟﻤَّﻪ ﻭﻗﻬﻘﻬﺎﺕ
ﺗﺼﺤﻰ ﻭﺗﻨﻮﻡ ﻭﺗﻘﻮﻡ ﻣﻌﻄَّﺮ ﺑﺎﻟﻨﺸﺎﻁ
ﺗﻨﻌﺲ ﻭﻗﻊ ﻓﻲ ﻟﺤﻈﻪ ﻣﻦ ﺇﻳﺪﻙ ﻛﺘﺎﺏ
ﻭﻗﻠﻢ ﻛﻤﺎ ﺑﺮﻕ ﺍﻟﺴﺤﺎﺏ
ﻳﺘﻬﺎﺩﻯ ﻣﺎ ﺑﻴﻦ ﺍﻟﺴﻄﻮﺭ
ﻛﺎﻥ ﺳﺮﺟﻮ ﻛﺮﺳﻲ ﺍﻟﺨﻴﺰﺭﺍﻥ
ﻋﻨﺪ ﺍﻟﻤﻐﻴﺮﺏ ﺭﺍﺩﻱ
ﺑﻎ ﺑِﻦْ ﺍﻟﻤﺰﺍﺝ
ﻳﺪﺧﻞ ﻣﻦ ﺍﻟﻨﻔَّﺎﺝ ﻋﻠﻴﻚ ﻋﺜﻤﺎﻥ ﺣﺴﻴﻦ
ﻳﺎ ﻋُﺸﺮﺓ ﺍﻷﻳﺎﻡ ﺗﻤﺎﻡ
ﺃﻫﻮ ﺩﺍ ﺍﻟﻜﻼﻡ
ﻳﺎ ﺳﻠﻮﻯ ﺟﻚ ﺍﻟﻤﻮﻳﻪ
ﺃﻋﻤﻠﻮﺍ ﻟﻴﻨﺎ ﺷﺎﻱ
ﺍﻷﺳﺮﻩ ﻣﻤﺘﺪﻩ ﻭﺣِﺪﺍﻙ ﺟﻴﺮﺍﻥ ﻟﻄﺎﻑ ﺑﻲ ﺟﺎﻱ ﻭﺟﺎﻱ
ﺟﺎﺭ ﺍﻟﻤﺴﻴﺤﻲ ﺳﻜﻦ ﺇﻣﺎﻡ
ﺇﻟﻔﻪ ﻭﻣﻮﺩَّﻩ ﻭﻗﺮﻗﺮﺍﺏ
ﻭﺍﻟﻨﺎﺱ ﻗُﺮﺍﺏ
ﻧﺎﺱ ﻣﻦ ﻧﻴﺎﻻ ﻭﺁﺧﺮﻳﻦ
ﻣﻦ ﻭﻳﻦ ﻭﻭﻳﻦ
ﻫﺴَّﻊ ﺟﻬﻨﻢ ﻓﻲ ﺍﻟﺤﻘﻴﻘﻪ ﻣﻌﺴﻜﺮﺍﺕ
ﻣﻦ ﺃﻳﻦ ﺟﺎﺀﻙَ ﻫﺆﻻﺀ
ﻣﺎ ﺟﻮﻧﺎ ﻣﻦ ﻗﻴﻒ ﺍﻟﺴﺮﺍﺏ
ﺃﻭ ﺟﻮﻧﺎ ﻣﻦ ﺧﻠﻒ ﺍﻟﺤﺪﻭﺩ
ﺑﻞ ﺟﻮﻧﺎ ﻣﻦ ﺟﻮّﺍﻧﺎ ﻫﻢ ﺣُﺘﺮﺏ
ﻫﻨﺎﻟﻚ ﺑﺎﻗﻲ ﻓﻲ ﺣﻠﻖ ﺍﻟﻜﻼﻡ
ﺗﻠﻚ ﺍﻟﺒﺬﻭﺭ ﺍﻟﺮﺍﻛﺪﻩ ﻓﻲ ﻗﺎﻉ ﺍﻟﺠُﺮﺍﺏ
ﻣﺎ ﺍﺗﻨﻔَّﺴﺖ ﻓﻠﻖ ﺍﻟﺼﺒﺎﺡ
ﻧﻔﺲ ﺍﻷﺯﻗﺔ ﺍﻟﻔﻴﻬﺎ
ﺳﻜَّﺘﻨﺎ ﺍﻟﻜﻼﺏ ..
ﻭﻟﻜﻢ ﻭﻛﻢ ﻏﻠﺐ ﺍﻟﻐُﻨﺎ ﺍﻟﺴﻤﺢ ﺍﻟﻨﺒﺎﺡ
ﻛﻢ ﻧﺤﻦ ﺃﺣﻴﺎﻧﺎً ﺷﺮﺑﻨﺎ ﺍﻟﻤﻮﻳﻪ
ﻣﻦ ﻛﺎﺱ ﺍﻟﺠﺮﺍﺡ
ﻣﻦ ﺑﻴﻦ ﺃﺻﺎﺑﻌﻨﺎ ﺍﻟﻤﺨﺪَّﺭﻩ ﺑﺎﻟﺴُﻜﺎﺕ
ﻣﻦ ﺑﻴﻦ ﻣﺴﺎﻣﺎﺕ ﺍﻟﻌﻴﻮﺏ ..
ﻳﺎ ﺍﻟﻠﻪ ﻣﻴﻦ ﺟﻠَﺪ ﺍﻟﺒﻨﺎﺕ
ﺟﻠﺪﺍً ﻣﻮﺛﻖ ﻓﻲ ﺍﻟﻘﻠﻮﺏ
ﻭﺳﻜﺘﻨﺎ ﺳﺎﻱ
ﺟُﻮّﺍﻧﺎ ﻣﻦْ ﻓﺼﻞ ﺍﻟﺠﻨﻮﺏ
ﻫﻢ ﻋَﺴَّﻤﻮﻙ ﻭﻗﺴَّﻤﻮﻙ ﺧﻠُّﻮﻙ ﻣﺸﺘﺖ ﻓﻲ ﺍﻟﺪﺭﻭﺏ
ﺣﺪَّﺍﺩﻱ ﻣﺪَّﺍﺩﻱ ﺍﻟﻮﻃﻦ ﻗﺪ ﻛﺎﻥ
ﺣﻠﻴﻞ ﺍﻷﻏﻨﻴﺎﺕ
ﻳﺎ ﺃﻳﻬﺎ ﺍﻷﺳﻒ ﺍﻟﺸﺪﻳﺪ
ﺃﻛﺘﺐ ﻧﺸﻴﺪ ﻣﻦ ﺗﺎﻧﻲ ﺃﺟﻤﻞ ﺃﻣﻨﻴﺎﺕ
ﻻ ﻟﻠﺸﻬﻴﺪ ﺗﻠﻮ ﺍﻟﺸﻬﻴﺪ
ﺇﻻ ﺇﺫﺍ ﺧﻄﺄً ﻭﺻﺪﻓﻪ ﺗِﺤِﺖْ ﻫﺪﻳﺮ ﺍﻟﺘﻨﻤﻴﻪ
ﻣﻮﺕ ﺍﻟﻠﻪ ﺳﺎﻱ ﺣﺘﻤﺎً ﺃﻛﻴﺪ
ﺃﻭ ﺟﺎﻧﺎ ﻣﻦ ﺧﻠﻒ ﺍﻟﺤﺪﻭﺩ
ﻭﻃﻦ ﺍﻟﺠﺪﻭﺩ ﻭﻃﻦ ﺍﻟﺠﺪﻭﺩ
ﻧﻔﺪﻳﻚ ﺑﺎﻷﺭﻭﺍﺡ ﻧﺬﻭﺩ
ﻣﻦ ﺑﻌﺪ ﺫﻟﻚ ﻳﺎ ﺟﻤﻴﻞ
ﺃﺣﻠﻢ ﺑﻤﺎ ﻟﻚ ﻣﻦ ﺣﻘﻮﻕ
ﻛﺸﻚ ﺍﻟﺠﺮﺍﻳﺪ ﻓﻲ ﺍﻟﺼﺒﺎﺡ،
ﻛﻴﺲ ﺍﻟﻔﻮﺍﻛﻪ ﻭﺍﻟﻤﻼﺑﺲ ﻭﺍﻟﻜﺮﺍﺭﻳﺲ ﻭﺍﻟﺤﻠﻴﺐ
ﻧﻜﻬﺔ ﺧﺒﻴﺰ ﻭﺍﻟﺪﻧﻴﺎ ﻋﻴﺪ ﺇﻧﺴﺎﻥ ﻋﺰﻳﺰ
ﻭﻃﻦ ﺳﻌﻴﺪ ﻭﺍﻟﺸﻌﺐِ ﺣﺮ
ﻭﻃﻦ ﺍﻟﺘﻌﺪﺩ ﻭﺍﻟﺘﻨﻮﻉ ﻭﺍﻟﺘﻘﺪﻡ ﻭﺍﻟﺴﻼﻡ
ﺣﻴﺚ ﺍﻟﻔﻀﺎ ﺍﻟﻮﺍﺳﻊ ﺣﻤﺎﻡ
ﻭﺍﻟﻤﻮﺟﻪ ﺧﻠﻒ ﺍﻟﻤﻮﺟﻪ ﻭﺍﻟﺴﻜﻪ ﺍﻟﺤﺪﻳﺪ
ﺣﺮﻳﺔ ﺍﻟﺘﻌﺒﻴﺮ ﻋﺒﻴﺮ
ﺗﻔﺘﺢ ﺷﻬﻴﺘﻚ ﻟﻠﻜﻼﻡ
ﺍﻟﻨﻬﺮ ﻣﺎ ﺑِﺴﺘﺄﺫﻥ ﺍﻟﺼﺨﺮﻩ ﺍﻟﻤﺮﻭﺭ
ﺟﻬﺮﺍً ﺑِﻤُﺮْ ﻧﺤﻮ ﺍﻟﻤﺼﺐ
ﺃﻣﻮﺍﺟﻮ ﺗﻠﻬﺚ ﻣﻦ ﺑﻌﻴﺪ
ﺃﻛﺘﺐ ﻧﺸﻴﺪ ﺭﺍﺳﺦ ﺟﺪﻳﺪ
ﺍﻟﺸﻤﺲِ ﺗﺸﻬﺪ ﻭﺑﺮﺿﻮ ﺃﺳﺘﺎﺭ ﺍﻟﻈﻼﻡ

ﻳﺎ ﺍﻟﻠﻪ ﻣﻴﻦ ﺟﻠَﺪ ﺍﻟﺒﻨﺎﺕ
ﺟﻠﺪﺍً ﻣﻮﺛﻖ ﻓﻲ ﺍﻟﻘﻠﻮﺏ
ﻭﺳﻜﺘﻨﺎ ﺳﺎﻱ
ﺟُﻮّﺍﻧﺎ ﻣﻦْ ﻓﺼﻞ ﺍﻟﺠﻨﻮﺏ
ﻫﻢ ﻋَﺴَّﻤﻮﻙ ﻭﻗﺴَّﻤﻮﻙ ﺧﻠُّﻮﻙ ﻣﺸﺘﺖ ﻓﻲ ﺍﻟﺪﺭﻭﺏ
f]]نقول شنو بعد كده مافى قول بعد الكلام ده يا ودالشريف مافى قول بعد كده وقت الفعل [/i]

باشا سلام وكل عام وانت بخير ...

والله الحال اصبح جهنم ونسال الله أن يعجل بانقاذ السودان والسودانيين من الحضيض الذي هم فيه