غذرا ايها الاحباب..خلاص يا جماعة انا قررت العب لصالح ورقي

عملا بمقولة البلد بلدنا ونحن اسيادا فالحصاحيصا هي البلد ونحن اسيادا

كيف تتحقق هذه السيادة والواحد ما عندو حق البلي يعني (عمدة وخالي اطيان)
وبما ان الحصاحيصا نحن فيها اسياد بلد لازم الواحد يمتلك فيها ارض واطيان
الي هذه اللحظة لم امتلك فيها سنتيمتر مربع من الارض مش انا وانما والدي عليه الرحمة فالمنزل الذي ورثناه اشتراه بالمزاد من حر ماله
كل اشقائي لا يملكون ارض فكيف ندعي ان الحصاحيصا بلدنا ونحن اسيادا؟
السيادة معناها الامتلاك
من يمتلك الاراضي والعقارات والمزارع والمصانع هم اسياد الحصاحيصا
من ملكوا ابناءهم الاراضي وعلموهم دروب السمسرة والتصديقات هم اسياد الحصاحيصا
من صدقوا للبنات و للزوجاتهم المشاغل والمعامل والمصانع هم اسياد الحصاحيصا
من لم يتركوا لغيرهم ارض ولا خور ولا هضبة هم اهل الحصاحيصا و اسيادها
انا لا املك شروي نغير لا هنا في الحصاحيصا ولا في مسقط راس اهلي
عشان كدا قررت ان امارس الفهلوة واللف والدوران عشان املك الطين والعقار
عشان اقدر اقول بالفم المليان:
البلد بلدنا ونحن اسيادا
اعذروني سوف العب لصالح ورقي

غايتو ياورقة ممكن تلعب صالح ورقك لكن علي الهوى .

يعني نقول عقلت يا وراق؟؟؟!.

عبدالمنعم ترتورة كتب:: غايتو ياورقة ممكن تلعب صالح ورقك لكن علي الهوى .

نحنا اللي ضربنا الهواء دوكو يا ترترة ح تشوفوا اللعب والغش والفهلوة

ناجي جندي كتب:: يعني نقول عقلت يا وراق؟؟؟!.

ذوالعقل يشقي في النعيم بعقله
واخو الجهالة في الشقاوة ينعم

يا ورقة الدرب دا صعب وانت ما بتعرف ليه وانت بتفتكر اللعب لصالح الورقة دا ساهل دا درب صعيب
وانت قلت من ملكوا ابناءهم الاراضي وعلموهم دروب السمسرة والتصديقات يعني يا خوي المسألة تربية وانت بعد كدة راحت عليك

ورقك ده اسمك ولا ورق الورق

اها يا جماعة بدينا ان شاء الله ملينا
يوم الخميس تم التصديق لي بقطعة ارض سكنية في موقع استراتيجي تفتح غرب بوابة استاد الحصاحيصا مساحتها 600 متر 20×30 في مطار المحالج بين الكمبو وحي الادارة وللعلم هذه ىالمساحة خاصة بتوصية من الوالي وكان ماعندك واسطة قوم فز وهنالك صف كبير من عضوية امانة المؤتمر الوطني لا علاقة لهم بالحصاحيصا صدقت لهم اراضي سكنية يوم الاحد ح استلم العقد وسوف ابيعها طوالي حد يرغب مستعجلين دايرين نشوف لينا قطعة تانية في الفئويين
ما قلت ليكم لعبت صالح ورقي تقول لي يكمال الجمل ما بتقدر اقعدوا انتو في الغربة والاراضي لحقت باص الرصيرص

حلم الجعان عيش، وعشم إبليس في الجنة

ياجوك شوف لي معاك حتة.. دايرين نرجع.

يا ورقة الداير تلعب صالح ورقك
لوإفترضنا كلامك دا جد !
منو البغامر واديك حاجة ــ تصديق مثلاً ــ؟؟ اكونوا عورا !!
قطع شك أي واحد من المسؤلين الكبار حايفتكر دا كمين !!
بعدين قصتك دي ذكرتني قصة قديمة :ـــ
مجنون مفتكر نفسو(حبة ذرة) ويخاف ويجري من الديك والسوسيو بتعالج في بعشر ولما شعر الطبيب انه تماثل للشفاء واقتنع انو (زول) قال ليه : ياخي حمدالله علي السلامة اهو انت بقيت تمام التمام وانت دي الوقت انسان سوي وما (حبة عيش) وتاني ماتخاف وتجري من الديك !! فرد للطبيب :ــ طيب انا اقتنعت اني ما حبة عيش البقنع الاديك شنو ؟؟
فيا ورقة البقنع الديك شنو؟؟

يا فارس ورقة بقا (حبة عيش) والزول عقل ما تخربوا عليهو.. بعدين الداير حاجة من المحلية ما يمشي للمعتمد.. يمشي حي العمدة منزل حسن وراق.. ويجهز خمشة كبييييرة لورقة لزوم التساهيل.. وطبعاً ورقة ما ح يكون أي (زمبوج) دا زمبوج معتق.. عارف الدريبات كويس.. وأنا من يوم الليلة في حزبك يا ورقة.. عاش (الزمبوج) حسن وراق عاش عاش عاش.

يا ناجي في النهاية حيطلع نايبك على شونة، يعني بالعربي كدي حتتطلع صفر اليدين

قلت كيف يا وراق قطعة ارض غرب الاستاد مساحة 600 متر ، انت عارف الجماعة ديل يكونوا دايرين يسكتوك قبل ما يرفعوا الدعم

الهادي بشير محمد كتب:: ياجوك شوف لي معاك حتة.. دايرين نرجع.

أخونا الهادي بشير
ليك وحشة يا جوك
داير تجي راجع بعد الرماد كالنا نحنا القاعدين فراجة
مابتقدر علي العصابة يا هدهد
خليك هناك انحنا البنجوك

ههههههههههههههههههههههههههههههههههههه Razz

ياورقة صحى النوم

والله نصيحة حلوة يا أبوعلي.. وأنا ذاتي كايس لي سبوبة تخليتي أزوغ لي سنة سنتين زيادة.. ونرحب بكم معانا بي جاي.

يا عمك البياكل براه بيزور زي ما قالوا اخوانا المصريين ...

» دي قويه خلاص
» ترحيب حار بالاستاذة فايزة السيد
» سماع اهلاً من الاحباب
» دعوه لكل الاحباب في منتدي الحصاحيصا
» "القرضاوي" مدو للجماعة وكل واحد منهن يقول "سافي" !! خلاص أكشحو