تعليقا على والي الخرطوم الذي قال إن شباب الفيسبوك خونة ومارقين، انزل محمد الحسن ابنعوف في صفحته بالفيسبوك المربعات التالية:
قبيلك قلت يا الكضاب لحام وشراره…
دكن مصنع اليرموك وسون غاره…
يا الكضبك بيان مابدولو دق نقاره…
عقب مرقوك وليد قالو الكبار طياره…
ديمه بتمرق الكضبه وتكب الشرده…
يا والى العويصمه البى الوسخ منفرده…
الفين بص حسابهن يا المغفل جرده…
يا كيشة الدكاتره الباعو ليك الخرده…
شباب الفيس تقول خونه وبواقى عماله…
وانت الخاين الدوله ومبعزق مالا….
شبابنا النصو هاجر والبقيه عطاله…
تارنا بناخدو منك والسنين مياله…
موضوع: ديمه بتمرق الكضبه وتكب الشرده…يا والى العويصمه البى الوسخ منفرده 
الجمعة 13 سبتمبر 2013 - 3:37
