صبيحة مباراة المريخ والهلال، الأخيرة ، جمعتني مناسبة اجتماعية بالسفارة السودانية في الكويت، بصديق جلست بجانبه وبعد السلام والتحية والمجاملات السودانية الكثيرة، سألني هل شاهدت مباره القمة أمس، وانا طبعاً معلوماتي صفر في الرياضة، فرددت عليه عن أي قمة تتحدث، فنظر إلي نظرة غريبة وأكملها بكلمة يا راجل !!!، هنا اكتشفت بأني عكيت زي ما بقولوا المصريين، لكن بيني وبين نفسي، أنا عارف أن الكلمات التي ذكرتها ما فيها شيء غريب، وقالي ياخي أمبارح كان في مبارة بين المريخ والهلال والمابشجع واحد من هذين الفريقين يعتبر غير محب لوطنة، بلعتها وقلت له خير، هنالك عدة طرق لحب الوطن لكن خليني أمشي معاك حسب منطقك.
المنتخب الوطني الذي يمثل السودان أغلبيته مكونة من لعيبة الهلال والمريخ، وفي تاريخ السودان من قبل الإنقاذ وفي فترة الإنقاذ، هل أحرز السودان أي نتيجة تشرف كل السودانيين المحبين وغير المحبين للكورة، سواء في محيط افريقيا او العالم العربي؟ فكان رده لا
إذن لماذا نشجيع الكورة في السودان إذا كانت المحصلة صفر كبير في الآخر؟
ودمتم سالمين
موضوع: قالوا في المثل: حب الهلال أو المريخ من حب الوطن 
الجمعة 13 سبتمبر 2013 - 19:49
