مسدار الاحرار للشاعر محمد الحسن ابن عوف : بحق الماسمع يسمع والماشاف يشوف "فيديو "

ﻣﺤﻤﺪ ﺍﻟﺤﺴﻦ ﺍﺑﻨﻌﻮﻑ
ﻣﺴﺪﺍﺭ ﺛﻮﺭﺓ ﺍﻻﺣﺮﺍﺭ

ﻳﺎ ﺑﻠﺪ ﺍﻟﺒﻌﻮﺳﻮ ﺍﻟﻨﺎﺟﻤﻪ ﻋﻮﺳﻰ
ﻗﺮﺍﺭﻙ ...
ﺍﺫﻧﻰ ﺑﺎﻟﻤﺮﻭﻕ ﺧﻠﻰ ﺍﻟﻨﺸﻮﻑ
ﺛﻮﺍﺭﻙ ...
ﺍﻣﺎ ﺑﻘﻴﻨﺎ ﺟﻨﻴﺎﺕ ﻋﺰﻩ ﻧﺎﺧﺪ ﺗﺎﺭﻙ ...
ﺍﻣﺎ ﻳﻠﻤﻨﺎ ﺍﻟﻠﻤﺎ ﺍﻟﺴﻐﺎﺭ ﻭﻛﺒﺎﺭﻙ ...
ﺗﺸﻮﻓﻨﺎ ﺍﻟﻠﻴﻠﻪ ﻳﺎ ﺳﻮﺩﺍﻧﺎ ﻛﻴﻔﻨﺎ
ﻧﺸﺎﻣﻰ ...
ﻧﺨﺘﻚ ﻓﻰ ﺍﻟﺴﺪﺭ ﻧﻴﺸﺎﻥ ﻭﻓﻰ
ﺍﻟﻮﺵ ﺷﺎﻣﻪ
ﺍﻟﻄﻠﻖ ﺍﻟﺒﺘﻀﺤﻚ ﻓﻰ ﺍﻟﻘﻠﻮﺏ
ﻛﺸﺎﻣﻪ ...
ﺗﻔﺮﺯ ﻟﻴﻚ ﺭﺟﺎﻝ ﺍﻟﻀﻜﺮﻩ
ﻭﺍﻟﺨﺸﺎﻣﻪ ...
ﺍﻏﻔﺮﻭ ﻟﻴﻨﺎ ﻛﺎﻥ ﻣﺘﻨﺎ ﺍﻟﻘﺪﺭ ﻟﺒﺎﻧﺎ ...
ﻭﻻ ﺍﻥ ﺳﺎﻗﻨﺎ ﻓﻰ ﺑﻄﻮﻥ
ﺍﻟﺴﺠﻮﻥ ﻛﺒﺎﻧﺎ ...
ﻭﺣﺎﺕ ﺍﺳﻢ ﺍﻟﻠﻪ ﻳﺎ ﺍﻟﺒﺘﺸﺮﻓﻰ
ﺍﻟﺘﺒﺎﻧﺎ ...
ﺧﻼﻑ ﺑﺎﻟﺮﻛﺰﻩ ﻣﺎ ﺗﺠﻴﺐ ﺍﻟﻘﻮﺍﻟﻪ
ﻧﺒﺎﻧﺎ ...
ﻣﺸﺮﻭﻉ ﺍﻟﺤﻀﺎﺭﺓ ﻭﺩﻭﻟﺔ
ﺍﻻﺳﻼﻡ
ﻣﺮﻗﻨﺎ ﻛﻀﺒﺔ ﻳﺎ ﺍﻟﻔﺴﺪﺓ ﻭﺑﻮﺍﻗﻲ
ﻛﻼﻡ
ﺍﻟﺠﻮﻉ ﻭﺍﻟﻤﺮﺽ ﻭﺍﻟﺠﻬﻞ
ﻭﺍﻻﻇﻼﻡ
ﻭﺍﻗﻊ ﻣﺬﺭﻱ ﻣﺎ ﺗﻤﺤﻮﻫﻮ ﺑﺎﻻﻋﻼﻡ
ﻫﻮ ﺷﻨﻮ ﺍﻟﺪﻳﻦ ﻭﺍﻛﻞ ﺍﻟﺴﺤﺖ
ﻓﻴﻜﻦ ﻋﺎﺩﻩ ..
ﻣﻦ ﺍﻛﺒﺮ ﻣﻨﺎﻓﻖ ﻟﻰ ﻛﻼﺏ
ﺍﻟﺴﺎﺩﻩ ...
ﻣﻦ ﺍﻟﺠﺎﺏ ﺍﻟﻤﺒﻴﺪ ﻓﺎﺳﺪ ﻫﺮﺍﻧﺎ
ﺯﻳﺎﺩﻩ ...
ﻟﻰ ﺍﻟﺨﻼ ﺍﻟﺤﺪﻭﺩ ﻫﺎﻣﻠﻪ ﻭﺑﻨﺎﻟﻮ
ﻗﻴﺎﺩﻩ ...
ﻗﺮﻭﺵ ﺍﻟﺠﻴﺶ ﻭﻣﺎﻝ ﺗﺴﻠﻴﺤﻮ
ﺑﺎﻟﺪﺑﺎﺑﻪ ...
ﺑﺘﺨﺶ ﺍﻟﻜﺮﻭﺵ ﻗﺒﺎﻝ ﺗﺨﺶ
ﺍﻟﻐﺎﺑﻪ ...
ﺳﺪﻭ ﻧﻔﻮﺱ ﺭﺟﺎﻝ ﺣﺎﺭﻳﻦ ﻳﻤﻴﻦ
ﺗﻘﺎﺑﻪ ...
ﺩﻩ ﺍﻟﺸﻔﻨﺎﻫﻮ ﻓﻰ ﺍﺑﻜﺮﺷﻮﻻ ﻭﺍﻡ
ﺭﻭﺍﺑﻪ ...
ﻓﻀﺎﻳﺢ ﻃﺎﻓﺤﻪ ﻻﺑﺘﻨﺪﺱ ﻭﻻ
ﺑﺘﻀﺎﺭﻩ ...
ﻣﺪﻭ ﺍﻟﻘﺮﻋﻪ ﻟﻠﺸﺤﺪﺍﺕ ﻭﺣﻤﺴﻮ
ﻃﺎﺭﻩ ...
ﺍﻟﺠﺎﺕ ﻣﻦ ﻗﻄﺮ ﺩﻳﻞ ﻋﺮﻓﻮ ﻟﻴﻬﺎ
ﺑﺼﺎﺭﻩ ...
ﺍﺗﻘﺴﻤﻮﻫﺎ ﻗﺒﺎﻝ ﺗﻨﺰﻝ ﺍﻟﻄﻴﺎﺭﻩ ...
ﺷﻔﻨﺎ ﺍﻟﺨﻴﻤﻪ ﻭﺍﻟﺪﻭﺍﺀ ﻭﺍﻟﺪﻗﻴﻖ
ﻓﻰ ﺍﻟﺴﻮﻕ
ﻓﻴﻬﻮ ﺍﻟﻤﺎﺭﻛﻪ ﻭﺍﻟﺨﺘﻢ ﺍﻻﺻﻴﻞ
ﻣﻠﺼﻮﻕ ...
ﺣﻖ ﺍﻟﻀﻌﻔﺎﺀ ﻭﺍﻟﻬﺸﺎﺷﻪ ﺣﻖ
ﻣﺴﺮﻭﻕ ...
ﻭﻳﻦ ﺗﻨﺪﺳﻮ ﺳﺎﻋﺔ ﺟﺮﺓ
ﺍﻟﻮﺍﺳﻮﻕ ...
ﺑﺪﺕ ﺍﻟﻔﺰﺭﻩ ﻣﻦ ﺗﻮﻗﻴﻊ ﻭﺭﻕ
ﻧﻴﻔﺎﺷﺎ ...
ﻭﻣﺸﺮﻭﻉ ﺍﻟﺠﺰﻳﺮﻩ ﺍﻟﻌﺪﻣﻮ
ﺍﻟﺤﻮﺍﺷﻪ ...
ﺑﻘﻴﻨﺎ ﻧﻮﻃﻰ ﺭﺍﺱ ﻟﻠﺒﺪﻟﻪ
ﻭﺍﻟﺪﺷﺪﺍﺷﻪ ...
ﻭﻧﺤﻦ ﺍﻟﺠﺰﻭ ﺭﺍﺱ ﻏﺮﺩﻭﻥ
ﻭﺣﺮﻗﻮ ﺍﻟﺒﺎﺷﺎ
ﻣﻠﻴﻮﻥ ﻣﻴﻞ ﻣﺤﺒﻪ ﻭﻛﻨﺎ ﺍﺳﻴﺎﺩ
ﺩﻳﻦ ...
ﺳﺎﻫﻰ ﺯﺭﺍﻋﻪ ﻻﺑﺘﺮﻭﻝ ﻭﻻ
ﺗﻌﺪﻳﻦ ...
ﺑﻌﺪ ﻗﺴﻤﻮﻧﺎ ﺷﻠﺔ ﻣﺠﻤﻊ
ﺍﻟﻔﺎﺳﺪﻳﻦ ...
ﺑﻘﻴﻨﺎ ﻧﺤﻠﻞ ﺍﻟﺮﺑﺎ ﻭﺍﺳﻰ
ﺷﺤﺎﺩﻳﻦ ....
ﺳﺎﺩﻩ ﻭﺣﺎﺓ ﺍﺑﻮﻙ ﻳﺎ ﺧﻴﺮﻯ ﻋﺰﻩ
ﻭﻗﻴﻤﻪ ...
ﻭﺍﻛﺮﺍﻡ ﺍﻟﻀﻴﻮﻑ ﻓﻰ ﺑﻼﺩﻧﺎ ﻋﺎﺩﻩ
ﻗﺪﻳﻤﻪ ...
ﺍﻳﺪﻧﺎ ﺍﻟﻜﺎﻥ ﺗﻼﻭﻯ ﺍﻟﺴﻴﻞ ﻭﺗﻠﻮﻯ
ﺍﻟﺸﻴﻤﻪ ...
ﺑﻘﺖ ﺗﺘﻤﺪﻩ ﻟﻠﺪﻭﺍ ﻭﺍﻟﺪﻗﻴﻖ
ﻭﺍﻟﺨﻴﻤﻪ ....
ﻗﻮﻝ ﻟﻠﻤﺎﺑﻰ ﻧﻀﻤﻴﻨﺎ ﻭﺣﺪﻳﺴﻨﺎ
ﺍﻟﺤﻖ ...
ﻣﺎ ﺑﻨﺨﻠﻮ ﻣﻮﺕ ﻣﻦ ﺍﻟﻤﻐﻴﺲ
ﺍﻧﺸﻖ ...
ﻣﺎﻧﺎ ﻣﺴﻮﺳﻴﻦ ﻭﻣﺮﻗﻨﺎ ﻣﺎ
ﺑﻨﺸﻖ ...
ﻭﺭﺑﻚ ﺑﺮﺯﻕ ﺍﻟﻨﻤﻞ ﺍﻟﺴﻐﺎﺭ ﻓﻰ
ﺍﻟﺸﻖ ....
ﻳﻤﻴﻦ ﻣﺎﺭﺿﻌﻨﺎ ﻣﻦ ﺍﻣﺎﺗﻨﺎ ﻟﺒﻦ
ﺍﻟﺨﻮﻑ ...
ﻭﻻ ﺑﻴﺘﻨﺎ ﺑﻰ ﻏﺒﻨﻪ ﻭﺣﺮﻳﻘﺔ
ﺟﻮﻑ ...
ﻧﺤﻨﺎ ﺍﻥ ﺑﻘﺖ ﺍﻡ ﻗﻬﺒﻮﻧﻪ ﺣﺮﻩ
ﻓﻮﻑ ...
ﻋﻴﻮﻧﻨﺎ ﻣﻜﺤﻼﺕ ﺑﺎﻟﻀﻜﺮﻩ ﻗﺒﻞ
ﺍﻟﺸﻮﻑ ...
ﺑﻴﻮﺕ ﺍﻟﺠﻨﺰﺭﻩ ﺍﻟﻤﺴﺮﻭﻓﻪ ﻧﺎﺭ
ﻭﻛﻼﺏ ...
ﻣﺎ ﺑﻬﺮﺷﻮﺑﻬﺎ ﻭﺩ ﺍﻟﻔﻰ ﺍﻟﻤﺤﻦ
ﺗﻼﺏ ...
ﺍﻟﺒﻠﺪ ﺍﻟﻄﻠﻊ ﺯﻳﺘﻬﺎ ﻭﻣﻼ ﺍﻟﻌﻼﺏ ...
ﻣﺎ ﺑﻨﻤﺴﻚ ﻗﺮﻭﻧﻬﺎ ﻭﻧﺎﺳﻚ
ﺍﻟﺤﻼﺏ ...
ﺍﻟﻘﻴﺪ ﻭﺍﻟﺴﺠﻦ ﻭﻋﺪ ﺍﻟﺸﻨﻖ
ﻭﺍﻟﻮﻳﻞ ...
ﻣﺎﺑﻬﺮﺷﻮﺑﻬﺎ ﻭﺩﻛﺒﺎﺱ ﺩﻫﺎﻳﻢ
ﺍﻟﻠﻴﻞ ...
ﻗﻮﻝ ﻟﻰ ﺣﻜﻮﻣﺔ ﺍﻟﻔﺴﺪﻩ
ﺍﻟﻮﻟﻴﺪﺍﺕ ﺩﻳﻞ ...
ﺷﺮﻙ ﺍﻟﻔﺮﻩ ﻣﺎﺑﻘﺠﻮﻫﻮ ﺗﺤﺖ
ﺍﻟﻔﻴﻞ ...
ﻳﺎﺭﻳﺲ ﺑﻠﺪﻧﺎ ﺍﻳﺎﻧﺎ ﻧﺤﻨﺎ ﺷﺒﺎﺑﺎ ...
ﺭﺍﻳﻨﺎ ﻧﻘﻮﻟﻮ ﻓﻮﻕ ﺭﺍﺱ ﺍﻟﻴﺪﻭﺭ
ﻭﺍﻟﻴﺎﺑﺎ ...
ﺍﻣﻦ ﺗﻘﺮﻉ ﺍﻟﻨﺎﺱ ﺍﻟﺘﻠﻮﻫﺎ
ﺧﺮﺍﺑﺎ ...
ﻭﻻ ﺑﻨﻤﺮﻕ ﺍﻟﺸﺎﺭﻉ ﻧﺴﻴﻬﺎ
ﺣﺮﺍﺍﺍﺑﻪ ...
ﻧﺎﺻﺤﻨﺎﻙ ﻭﺍﻧﺘﻪ ﺍﺩﻳﺘﻨﺎ ﺍﺿﺎﻥ
ﺍﻟﺤﺎﻣﻞ ...
ﻭﻓﻰ ﺳﻮﺩﺍﻧﻨﺎ ﻋﻘﺒﺎﻥ ﺍﺻﻠﻮ ﻣﺎ
ﺑﻨﺠﺎﻣﻞ ...
ﺩﺍﻡ ﺟﻌﻔﺮ ﻣﺸﻴﺮﻙ ﻓﻰ ﺍﻟﺸﺒﺎﺏ
ﺍﻟﻌﺎﻣﻞ ...
ﺍﻣﻦ ﻧﺤﻨﺎ ﺧﺎﻳﺒﻴﻦ ﻭﻻ ﺷﻌﺒﻚ
ﻫﺎﻣﻞ ...
ﺳﻴﺎﺩﺓ ﺍﻟﻤﺠﻠﺲ ﺍﻟﻤﻔﺮﻭﺽ
ﺍﺣﺎﺳﺐ ﺍﻟﺪﻭﻟﻪ
ﺍﺻﺒﺢ ﺯﺍﺗﻮ ﻫﺴﻊ ﺑﺎﻟﻤﺤﺎﺳﺒﻪ
ﺍﻭﻟﻰ ...
ﺩﺍﻡ ﻧﻮﺍﺑﻮ ﻧﺎﻳﻤﻴﻴﻴﻦ ﻻ ﻓﻬﻢ ﻻ
ﺣﻮﻟﻪ ...
ﻣﻦ ﺣﻖ ﺍﻟﻔﺴﺎﺩ ﺍﻛﺴﺐ ﻭﺍﻓﻮﺯ
ﺑﺎﻟﺠﻮﻟﻪ ...
(ﺍﻡ ﺍﻟﻤﺆﻣﻨﻴﻦ ) ﻭﺻﺤﺎﺑﺔ
ﺍﻟﺴﻠﻄﺎﻥ ...
ﻭﺻﻤﺔ ﻋﺎﺭ ﺗﺨﺠﻞ ﻭﻋﻴﺒﻪ
ﻟﻼﻭﻃﺎﻥ ...
ﺍﻥ ﺭﺻﺎﺻﻬﺎ ﻏﻨﻰ ﻭﺯﻏﺮﺩ
ﺍﻟﺒﻤﺒﺎﻥ ...
ﻧﺤﻨﺎ ﻧﻤﻮﺕ ﻓﺪﺍﻫﻮ ﻭﻳﺴﻠﻢ
ﺍﻟﺴﻮﺩﺍﻥ ...
ﻭﺍﺕ ﺯﺍﺗﻚ ﺗﻐﻴﺖ ﻭﺯﺩﺗﻪ ﻓﻰ
ﺍﺳﺘﻜﺒﺎﺭﻙ ..
ﺑﻘﻴﻨﺎ ﺑﻨﻜﺮﻩ ﺍﻟﺴﻴﺮﻩ ﺍﻟﺘﺠﻴﺐ
ﺍﺧﺒﺎﺭﻙ ...
ﺑﻌﺪ ﻣﺎ ﺭﻭﻳﺖ ﻣﻦ ﺍﻟﺪﻣﻤﻪ ﻭﻣﻠﻴﺖ
ﻋﺒﺎﺭﻙ
ﺑﻘﻴﺖ ﺗﻜﺴﺮ ﺣﺪﻭﺩ ﺍﻟﻠﻪ ﻭﺗﻤﺸﻰ
ﻗﺮﺍﺭﻙ ...
ﻗﺪﺭ ﻓﺮﻋﻮﻥ ﻃﻐﻰ ﻭﺍﺳﺘﻜﺒﺮ
ﺍﻟﺤﺠﺎﺝ ...
ﻣﺎ ﺣﺼﻞ ﻓﺴﺎﺩﻙ ﻳﺎ ﺍﻟﺒﻘﻮﻟﻮ
ﺍﺑﻌﺎﺝ ...
ﺍﻣﻮﺍﻝ ﺍﻟﻴﺘﺎﻣﻰ ﻭﺻﺮﺓ ﺍﻟﺤﺠﺎﺝ ...
ﺑﻘﻴﺘﻮ ﺍﺳﻮﺩ ﻋﻠﻴﻨﺎ ﺍﻻﺑﺮﻩ ﻧﻌﺎﺝ ....
ﺑﻘﻴﺖ ﺗﻜﺴﺮ ﺣﺪﻭﺩ ﺍﻟﻠﻪ ﻭﺗﺴﺎﻣﺢ
ﻓﻴﻬﺎ ...
ﻭﺍﻟﺸﻠﻪ ﺍﻟﺒﺘﺴﺮﻕ ﺭﺣﺘﻪ
ﺑﺘﻜﺎﻓﻴﻬﺎ ...
ﻭﺣﺎﺕ ﺍﺳﻢ ﺍﻟﻠﻪ ﻳﺎ ﻋﻮﺝ ﺍﻟﺒﻘﻰ
ﻣﻜﻔﻴﻬﺎ ...
ﺍﻣﻪ ﺗﺮﻳﺴﻚ ﻭﺍﻟﻠﻪ ﺍﻣﻪ ﺳﻔﻴﻬﺎ ...
ﻳﺎ ﺍﻟﺒﻠﺪ ﺍﻟﻤﻐﻴﺴﻚ ﻣﺎ ﺑﺘﻔﺸﻮ
ﺍﻟﻮﺣﻪ ...
ﻓﻴﻚ ﻧﺒﺤﻨﺎ ﻻﻣﻦ ﺣﺲ ﺿﻤﻴﺮﻧﺎ
ﺍﻧﺒﺤﻪ ...
ﺣﻜﻤﺖ ﺍﻟﻤﻮﻟﻰ ﻋﻨﺪ ﻳﺎ ﻭﺯﻳﺮ
ﺍﻟﺼﺤﻪ ...
ﺍﻟﺰﻳﺘﻮﻧﻪ ﺗﻘﻌﺪ ﻭﺍﺑﻨﻌﻮﻑ
ﺗﻨﺰﺣﻪ ...
ﺍﺧﺠﻞ ﻳﺎﺧﻰ ﺳﻴﻠﻚ ﺍﺳﺘﺤﺎﻳﻪ
ﻭﺩﻡ ...
ﻳﺎ ﺍﻟﺴﻔﻴﺖ ﻗﺮﻳﺸﺎﺗﻨﺎ ﻭﺧﺮﺗﻬﺎ
ﺧﻢ ...
ﻋﻠﻴﻚ ﺍﻟﻤﻮﻟﻰ ﻳﺎ ﺍﻟﻠﻴﻞ ﺍﻟﻌﻠﻴﻨﺎ
ﺩﻫﻢ ..
ﻛﻴﻠﻮ ﺍﻟﻜﺒﺪﻩ ( ﻭﺍﻟﻜﻠﻮ ﺍﻟﻐﻼﺩ ) ﺑﻰ
ﻛﻢ ...
ﻋﺒﺎﺩ ﺍﻟﺸﻤﺲ ﻭﺍﻟﻤﺒﻴﺪ ﺍﻟﻔﺎﺳﺪ ...
ﺍﻟﻤﺘﻌﺎﻓﻰ ﻳﺎﺭﻳﺲ ﻋﻨﺎﻫﺎ
ﻭﻗﺎﺻﺪ ...
ﺗﺼﺪﻳﺮ ﺍﻻﻧﺎﺙ ﺍﻣﺎﺕ ﻣﺮﺍﺣﻨﺎ
ﺍﻟﺮﺍﺻﺪ ...
ﻧﺤﻨﺎ ﺯﺭﻋﻨﺎ ﻟﻜﻴﻦ ﻣﺎ ﻋﺮﻓﻨﺎ
ﺍﻟﺤﺎﺻﺪ ...
ﻭﺍﻟﻰ ﺍﻟﺒﻨﺪﺭ ﺍﻟﻜﻞ ﻳﻮﻡ ﺣﺪﻳﺴﻮ
ﻣﻌﻮﺝ ...
ﺣﻜﻤﺖ ﺍﻟﻤﻮﻟﻰ ﻻﻫﺴﻊ ﻋﻠﻴﻨﺎ
ﻣﺘﻮﺝ ...
ﺷﺒﺎﺑﻨﺎ ﺍﻟﻜﻞ ﻳﻮﻡ ﻗﺎﻃﻊ ﺗﺰﺍﻛﺮﻭ
ﻣﻔﻮﺝ ...
ﻻﻋﻤﺮ ﺍﻟﻨﺒﻮﻩ ﻋﻄﺎﻝ ﻭﻣﺎ
ﺑﺘﺰﻭﺝ ...
ﺷﺒﺎﺏ ﺍﻟﻔﻴﺲ ﺗﻘﻮﻝ ﺧﻮﻧﻪ
ﻭﺑﻮﺍﻗﻰ ﻋﻤﺎﻟﻪ
ﻭﺍﻧﺖ ﺍﻟﺨﺎﻳﻦ ﺍﻟﺪﻭﻟﻪ ﻭﻣﺒﻌﺰﻕ
ﻣﺎﻟﻪ ...
ﺷﺒﺎﺑﻨﺎ ﺍﻟﻨﺼﻮ ﻫﺎﺟﺮ ﻭﺍﻟﺒﻘﻴﻪ
ﻋﻄﺎﻟﻪ ...
ﺗﺎﺭﻧﺎ ﺑﻨﺎﺧﺪﻭ ﻣﻨﻚ ﻭﺍﻟﺴﻨﻴﻦ
ﻣﻴﺎﻟﻪ ...
ﺩﺍﻳﻤﺎ ﺗﻤﺮﻕ ﺍﻟﻜﻀﺒﻪ ﻭﺗﻜﺐ
ﺍﻟﺸﺮﺩﻩ ...
ﻳﺎﻭﺍﻟﻰ ﺍﻟﻌﻮﻳﺼﻤﻪ ﺑﺎﻟﺨﺮﺍﺏ
ﻣﻨﻔﺮﺩﻩ ...
ﺍﻟﻔﻴﻦ ﺑﺺ ﺣﺴﺎﺑﻬﻦ ﻳﺎﺍﻟﻤﻐﻔﻞ
ﺟﺮﺩﻩ ..
ﻳﺎﻛﻴﺸﺔ ﺍﻟﺪﻛﺎﺗﺮﻩ ﺍﻟﺠﺒﺘﻪ ﻟﻴﻨﺎ
ﺍﻟﺨﺮﺩﻩ ...
ﺧﺴﺎﺭﺓ ﺍﻟﺴﻠﻄﻪ ﻳﺎ ﺍﻟﻘﻴﻠﻴﻦ ﺣﻜﻤﻨﺎ
ﺧﻴﺎﺭﻩ
ﻭﻻ ﻫﺴﻊ ﻓﺠﺞ ﺑﺘﻼﻫﻰ
ﺑﺎﻟﺒﻴﺎﺭﻩ ...
ﻳﺎ ﻣﻐﺴﺘﻨﺎ ﻓﻴﻚ ﻳﻮﻡ ﺍﺣﻜﻤﻮﻧﺎ
ﺣﻴﺎﺭﻩ ...
ﻏﺮﻗﺎﻧﻴﻦ ﺗﺤﻮﻡ ﻓﻮﻕ ﻟﻴﻨﺎ ﺑﻰ
ﻃﻴﺎﺭﻩ ...
ﻣﻮﻗﻒ ﺷﺮﻭﻧﻰ ﺍﻟﻔﻴﻬﻮ ﺍﻟﺨﻠﻮﻕ
ﻣﺸﺮﻭﺭﻩ
ﺳﻴﺘﻮ ﺩﺭﺍﺳﻪ ﻭﻻ ﻋﻮﺍﺱ ﻭﻓﻘﻪ
ﺿﺮﻭﺭﻩ ..
ﻗﺒﻴﻞ ﻗﻠﺘﻮﻟﻨﺎ ﺑﺎﻟﻘﻮﻯ ﻭﺍﻻﻣﻴﻦ
ﻭﺍﻟﺸﻮﺭﻩ ...
ﻫﺴﻰ ﺗﻌﻮﺳﻮ ﻋﻮﺳﻜﻦ ﻭﺍﻟﺨﻠﻖ
ﻣﺠﺒﻮﺭﻩ
ﻧﺎﺱ ﺍﺑﻮ ﺍﺩﻡ ﺍﻟﺸﺠﺮﻩ ﻭﻛﺪﻙ ﻻ
ﺻﺎﻟﺤﻪ ...
ﺑﺸﺮﺑﻮ ﻓﻰ ﺟﻨﺲ ﻣﻮﻳﺘﻦ ﻋﻜﻮﺭﻩ
ﻭﻣﺎﻟﺤﻪ
ﻏﺼﺒﻦ ﻋﻨﻨﺎ ﺍﻟﺪﻭﻟﻪ ﺑﺘﻘﻮﻟﻨﺎ
ﺻﺎﻟﺤﻪ ...
ﻓﻰ ﺷﺎﻥ ﻧﺤﻨﺎ ﻏﺸﻤﺎ ﻭﻫﻰ
ﺍﻟﺒﺮﺍﻫﺎ ﺍﻟﻔﺎﻟﺤﻪ
ﻧﻘﻮﻟﻬﺎ ﺭﺟﺎﻝ ﻭﻗﺒﺎﻝ ﺍﻟﺮﺳﻮﻝ
ﻭﺻﺎﻧﺎ ...
ﻗﺎﻝ ﻗﻮﻟﻮﻫﺎ ﻣﻦ ﺩﻭﻥ ﺍﻟﺨﻠﻮﻕ
ﺧﺼﺎﻧﺎ ...
ﺷﻦ ﻓﺎﻳﺪﺓ ﻧﻘﻮﻟﻬﺎ ﺍﻟﺸﻠﻨﺎ ﻟﻴﻬﺎ
ﻋﺼﺎﻧﺎ ...
ﻣﺎﺩﺍﻡ ﺍﻯ ﻓﺎﺳﺪ ﺳﻮﻯ ﻟﻴﻬﻮ
ﺣﺼﺎﻧﻪ ....
ﻣﺎﻟﻬﺎ ﺣﺪﻭﺩﻧﺎ ﻳﺎ ﻛﺒﺎﺭ ﺍﻟﺒﻠﺪ
ﻳﺎﺳﺎﺩﻩ ...
ﺑﻘﺖ ﻣﻔﺘﻮﺣﻪ ﻟﻠﺴﻔﻬﺎ ﺍﻟﺒﻬﺪﻣﻮ
ﻋﻤﺎﺩﻩ ...
ﺣﺖ ﺟﻴﺸﻨﺎ ﺍﻟﻠﻜﺎﻥ ﻧﻴﺮﺍﻥ ﺗﺒﻖ
ﻭﻗﺎﺩﻩ ...
ﻫﺴﻊ ﺟﺎﺑﻠﻮ ﺭﺧﻴﻪ ﻭﻻ ﻣﺎﻓﻰ
ﻗﻴﺎﺩﻩ ...
ﺣﻠﻴﻞ ﺟﻴﺸﻨﺎ ﺍﻟﻠﻜﺎﻥ ﻋﺴﻜﺮ
ﺟﺮﺍﺭﻗﻮ ﺍﺳﻮﺩﻩ
ﻭﺳﻴﻔﻮ ﻳﻔﺮﺗﻖ ﺍﻟﺪﺭﻉ ﺍﺑﺤﺪﻳﺪ
ﻭﺍﻟﺨﻮﺩﻩ ...
ﺑﻌﺪ ﻳﺎ ﻋﺒﺪ ﺍﻟﺮﺣﻴﻢ ﺍﺩﻭﻙ ﺭﺳﻴﻨﺘﻮ
ﺗﻘﻮﺩﻩ
ﺍﺻﺒﺢ ﻗﺮﺑﻪ ﻳﺎﺑﺴﻪ ﻣﻄﺮﻃﺮﻩ
ﻭﻣﻘﺪﻭﺩﻩ ...
ﻻ
ﺍﻟﺠﻴﺶ ﺍﻟﺒﻜﺎﺗﻞ ﻓﻰ ﺍﻟﻬﺠﻴﺮ
ﻭﺍﻟﺼﻰ ...
ﺟﺮﺍﺭﻕ ﺑﻤﺪﻏﻮ ﺍﻟﺠﻤﺮ ﺍﻟﻤﻮﻟﻊ
ﺣﻰ ...
ﻓﻰ ﺍﻟﻜﻔﺮﻩ ﻭﻛﺮﻥ ﻻﻋﻦ ﺣﺪﻭﺩ
ﺗﺴﻨﻰ ...
ﺑﺪﻭﺭﻟﻮ ﻭﺯﻳﺮ ﻣﻜﺮﺏ ﻣﻮ ﺍﻟﻤﺮﺧﺮﺥ
ﻭﻧﻰ ...
ﻳﺎ ﻧﺎﻓﻊ ﺍﻟﻤﻀﺮ ﻭﻛﺖ ﺍﻧﻘﻼﻋﺘﻚ
ﻗﺮﺏ ...
ﻭﺍﻧﺎ ﺧﺎﺑﺮﻧﻰ ﻓﻰ ﻋﻮﺑﺖ ﺍﻟﻤﺤﺎﺻﻪ
ﻣﺠﺮﺏ .
ﻫﺴﻊ ﻟﻤﻠﻢ ﺍﻟﻐﻮﺵ ﺍﻟﻤﻌﺎﻙ
ﻭﺍﺗﺪﺭﺏ ...
ﻗﺒﻞ ﻣﺎ ﺗﻠﻘﻰ ﺑﻬﻤﻚ ﻳﺎ ﺍﻟﻤﻐﻔﻞ
ﺳﺮﺏ ..
ﻛﻴﻒ ﺳﻤﻮﻙ ﻧﺎﻓﻊ ﻭﺍﻧﺖ ﻣﺘﻠﻒ
ﻭﺿﺎﺭ ...
ﻋﺴﺘﻪ ﺑﻠﺪﻧﺎ ﻋﻮﺱ ﻋﻮﺟﻪ ﻭﻣﻠﻴﺘﻬﺎ
ﻣﻀﺎﺭ .
ﻗﺒﻴﻼ ﺳﻜﺘﻨﺎ ﻟﻴﻚ ﻭﻛﺖ ﺍﻟﻨﻀﻢ
ﺧﺪﺍﺭ ...
ﻭﻫﺴﻊ ﺟﺎﻙ ﺳﻢ ﻭﺩ ﺍﻟﺼﻮﻯ
ﺍﻟﻮﺩﺍﺭ ...
ﻣﻠﻒ ﺍﻟﺸﺮﻛﺘﻴﻦ ﻭﺍﻟﻜﺒﺮﻯ
ﻭﺍﻟﺪﺭﺑﻴﻦ ...
ﻭﺍﺑﻠﻚ ﻓﻰ ﺍﻟﺒﻄﺎﻧﻪ ﺍﻟﺒﺴﺮﺣﻦ ﻣﻦ
ﻭﻳﻦ ...
ﻣﺸﺮﻭﻉ ﺳﻨﺪﺱ ﺍﺑﻘﻰ ﻧﻬﺎﻳﺘﻮ
ﻳﻮﻡ ﺍﻟﺪﻳﻦ
ﻭﺍﻟﺴﺪ ﺍﻟﻤﻨﺎﺻﻴﺮ ﻭﺍﻟﺸﺮﻳﻚ
ﻟﻤﺘﻴﻦ ...
ﺑﻨﻚ ﺍﻟﺜﺮﻭﻩ ﻭﺍﻟﻤﺎﻝ ﺍﻟﻐﻔﻴﺮﻭ
ﺍﻟﻮﺍﻟﻰ ...
ﻣﺪﻳﻨﺔ ﺍﻟﻜﻮﺭﻩ ﻭﺍﻟﻠﻐﻒ ﺎﻟﺼﺒﺢ
ﻃﻮﺍﻟﻰ ...
ﻣﺸﺮﻭﻉ ﺣﻠﻔﺎ ﺗﻌﺪﻳﻦ ﺍﻟﺪﻫﺐ ﻓﻰ
ﺑﺎﻟﻰ ...
ﺟﺎﻳﺐ ﺩﻓﺘﺮﻯ ﻭﺟﺎﻳﻴﻚ ﻣﺎﻧﻰ
ﻣﺒﺎﻟﻰ ...
ﻳﺎﺍﻟﻐﺎﺑﺎﺕ ﺳﻼﻣﺘﻚ ﻭﺍﻟﻒ
ﻛﻔﺎﺭﺍﺗﻚ ...
ﻗﺎﻟﻮ ﺳﻤﺎﺡ ﺍﻫﻠﻨﺎ ﺍﻟﻔﻰ ﺍﻟﺪﺭﺍﻫﻢ
ﺟﺎﺗﻚ ...
ﺑﻌﺪ ﻣﺎ ﻗﻨﻌﻮ ﻣﻦ ﺷﺪﺭﻙ ﻭﺑﺎﻋﻮ
ﻧﺒﺎﺗﻚ ...
ﻟﻘﺎﻫﻦ ﺷﻮﻗﻰ ﻳﻘﺴﻤﻮ ﻓﻰ ﺗﻤﻦ
ﻭﺍﻃﺎﺗﻚ
ﺍﻟﺪﻫﺐ ﺍﻟﻤﺮﻕ ﻭﺍﻟﺴﻜﺮ
ﺍﻟﺒﺘﺮﻭﻝ ...
ﺩﺷﺮ ﻣﻦ ﻗﺒﻘﺒﻪ ﻭﻻﻋﻦ ﺑﻨﻰ
ﺷﻨﻘﻮﻝ ...
ﺍﻟﻤﺎﻝ ﺍﻟﻤﺠﻨﺐ ﻭﺍﻟﻤﺮﻕ
ﻳﺎﺍﺍﺯﻭﻝ ...
ﺍﺣﺴﻦ ﻧﺤﻨﺎ ﻧﺴﻜﺖ ﻭﻣﺎﻓﻰ
ﺩﺍﻋﻰ ﻧﻘﻮﻝ ...
ﺍﻟﺒﻠﻒ ﺍﻧﻘﻔﻞ ﻭﻻ ﺍﻟﺒﻠﻒ ﻣﻔﺘﻮﺡ ...
ﻧﺤﻨﺎ ﺗﺮﺍﻧﺎ ﻓﻰ ﻣﻐﺴﻪ ﻭﺣﺮﺍﻳﻖ
ﺭﻭﺡ ...
ﺍﻟﺸﻌﺐ ﺍﻟﺮﻗﺪ ﺳﻠﻄﻪ ﻭﻫﺪﺍﻙ
ﻣﻄﺮﻭﺡ ...
ﻣﺎﺗﺰﻳﺪﻭﻫﻮ ﻓﻮﻕ ﺟﺮﺣﻮ ﺍﻟﻌﻠﻴﻬﻮ
ﺟﺮﻭﺡ
ﺟﺮﺩ ﺑﺘﺮﻭﻟﻜﻦ ﺍﻟﺠﺎﺏ ﺍﻗﺘﺼﺎﺩﻧﺎ
ﺍﻟﺨﻠﻒ
ﻻﻃﻮﺭ ﺯﺭﺍﻋﻪ ﻭﻻ ﻋﺪﻟﻨﺎ ﺗﻠﻒ ...
ﺍﻟﺰﻳﺖ ﺍﻟﻤﺮﻕ ﻣﻴﺎﺕ ﻭﻣﺮﺍﺕ
ﺍﻟﻒ ...
ﺗﺮﻯ ﺳﻤﻌﻨﺎﺑﻮ ﻳﻮﻡ ﺟﻴﺘﻮ ﻭﻗﻔﻠﺖ
ﺍﻟﺒﻠﻒ ...
ﻗﺎﺗﻠﻰ ﻳﺎ ﺍﺑﻨﻌﻮﻑ ﺑﺘﻤﻮﺕ
ﻭﺑﻔﺠﻌﻮ ﺍﻣﻚ
ﺍﻧﺎ ﺷﻔﻘﺎﻧﻪ ﻟﻴﻚ ﺑﺼﺤﻰ ﻭﺑﻨﻮﻡ
ﺑﻰ ﻫﻤﻚ
ﻗﺘﻼ ﻗﻮﻟﻰ ﻟﻰ ﻋﺰ ﻟﻰ ﺑﻨﻴﺎﺕ
ﻋﻤﻚ ...
ﻣﻮﺕ ﻣﻮﺗﺔ ﺭﺟﺎﻟﻪ ﻳﺠﺮﺗﻘﻮﻙ ﺑﻰ
ﺩﻣﻚ
ﻭﺍﻧﺎ ﻛﺎﻥ ﻣﺘﻪ ﻭﺍﺣﺪ ﻭﺍﻟﺒﻠﺪ ﺑﻰ
ﺭﺟﺎﻟﻪ
ﺍﺧﻮﺍﻧﻰ ﺍﻟﺨﺮﺵ ﺿﻜﺮﻩ ﻭﺛﺒﺎﺕ
ﻭﺭﺟﺎﻟﻪ
ﺍﻟﺪﻓﺘﺮ ﻣﻼﻥ ﻭﺍﻟﻤﺤﻦ ﺧﺠﺎﻟﻪ ...
ﺍﺻﺒﺮﻯ ﻟﻰ ﺑﻔﺼﻞ ﻟﻴﻚ ﻭﻫﺎﺩﻯ
ﻋﺠﺎﻟﻪ
ﻳﺎﺑﻠﺪ ﺍﻟﺒﻘﺮﺷﻮ ﺍﻟﺠﻤﺮﻩ ﺗﻮﻗﺪ
ﺣﻴﻪ ...
ﻣﺎ ﺑﻨﺒﻴﻊ ﻋﻬﻮﺩﻙ ﻻ ﺑﻨﺠﻴﺒﻠﻚ
ﺳﻴﻪ ....
ﻛﺎﻥ ﻣﺎ ﻧﻨﺠﺾ ﺍﻟﻔﺴﺪﻩ ﻭﻧﺨﻠﻒ
ﺍﻟﻜﻴﻪ ...
ﻣﺎﻧﺎ ﺍﻭﻻﺩ ﺭﺟﺎﻝ ﺑﺎﻟﺼﺢ ﻭﻓﻴﻨﺎ
ﺭﺧﻴﻪ ..
ﺷﻨﺒﺎﺗﻨﺎ ﺍﻟﻌﻠﻰ ﻭﺟﻮﻫﻨﺎ ﺍﻟﻤﻼﻧﻪ
ﻣﻬﺎﺑﻪ ..
ﺭﺑﻴﻨﺎﻫﺎ ﺿﻜﺮﻩ ﻭﻣﺮﺟﻼﺕ
ﻭﺻﻼﺑﻪ ...
ﺑﺖ ﺍﻟﻤﻜﻰ ﻗﻮﻝ ﻟﻴﻬﺎ ﺍﻟﺠﺒﻞ
ﻭﺍﻟﻐﺎﺑﻪ ...
ﻛﺎﻥ ﻣﺎ ﺛﺮﻧﺎ ﻓﻴﻬﻦ ﻳﺎ ﺍﻻﺻﻴﻠﻪ
ﺧﻴﺎﺑﻪ ...
ﺍﺑﺸﺮﻯ ﻣﺎ ﺑﺴﻮ ﻏﻴﺮ ﺿﻜﺮﺗﻰ
ﺍﻟﻤﺤﺮﻳﻪ
ﻭﺍﻧﺎ ﻭﺩﺷﻌﺐ ﺑﺎﺳﻞ ﻭﻭﺩ ﺑﻴﻮﺕ
ﺛﻮﺭﻳﻪ
ﻣﻬﺮﻙ ﻳﺎ ﺍﻡ ﻋﻮﻳﺪ ﻧﺪﻳﺎﻥ ﻭﺧﺎﻣﻪ
ﻃﺮﻳﻪ
ﻣﻦ ﺩﻣﻰ ﺍﻟﺒﺴﻴﻞ ﺷﺎﻥ ﻧﺼﻨﻊ / منقول من الفيس بوك

ﺍﻟﺤﺮﻳﻪ

» مسدار النصيحه :للشاعر عوض الكريم الطاهر مبارك - يوجد فيديو
» مسدار النصيحة -محمد الحسن ابن عوف - يوجد فيديو
» مسدار الفضيحة - يوجد فيديو
» سمية حسن "قادر الله في جيهتو " المابسمع يشوف "ياقلب مالك ؟؟ " فيديو
» مسدار الأحرار : محمد الحسن ابنعوف