"الشيخ" عبد الحي "مؤسف" يحذر الشباب من الزواج بالجنيات "صورة"

بس ما وريتنا زواج الجني من الجنية الرأي فيهو شنو ؟؟
لأنو بصراحة كدا ضيقت على شباب الجن شديد
والإنسيات طبعاً ما ممكن يعرسنهن
وقبال كم يوم تقدم واحد "شيك" أوي لخطبة واحدة من الانس
ومش إنس ساي ديل إنس سبعة وعشرين إنش
تصور بعد ما أدوهو قالوا ليهو جيب أهلك
وبالفعل جاب أهلوا وفي الونسة الإنس أهل الأروس عرفو إنهم جن
تتخيل رفضوا يدوهم ونطوا من كلامهم الأول
ولمن أهل الأريس طالبوا بما أنفقه على الأروس رفضوا
وحسب تقديرات الشمشارين من الانس والجن فإن التكلفة مليارات
والموضوع بقى في يدين المحاكم للفصل في النزاع
وواحد من المحامين نصح العريس بالإنسحاب
وقال ليهو الناس ديل إنس لكن الجن ما بلحقن في اللغف
وحا يثبتوا للمحكمة بأنكم جن وحينها الدعوى حا تترفض
لأنو نظام التقاضي بين الإنس فقط وليس للجن حق في ذلك
وزادو قال ليهو إحتمال القاضي يقول "بسم الله" نبدأ الجلسة
إنت مع قولة "بسم الله" تقوم تطير
والجن مسكين هداك محتار يعمل شنو ما عارف
وعلى فكرة الماسورة دي مشت علي كم شاب من الجن
فالإنس بقى ياكل أول حتين بعداك يقول "بسم الله"
فنرجو منك ياشيخنا تشوف لينا حل لهذه المشكلة وجزاك الله خير

والقصة اتاريها مدورة من بدري والناس ما جايبة خبر
والله ربنا يجزيك خير يا شيخنا
تخيل سيد خليفة الله يرحمو كان بغني ليهم عديل
" قم يا طرير الشباب غنّ لنا غنّ يا حلو يا مستطاب أنشودة الجنّ "
والكحلاوي ياحليلو تمنى قول خشمو "إن شاء الله أجن وأزيد في الجن"

» مركز لتأهيل "الشباب" المقبلين على الزواج !! المركز مؤسس على أحدث الأسس العلمية والإجتماعية !!
» امير قطر يحذر البشير : الانقاذ معزولة داخليا وعربيا وعالميا
» فيديو الزلزلة : والي الخرطوم بعد ما كشف حال البنت فإنه يحذر من جعل صورة النظام أكثر ظلاما "فيديو"ً
» صورة من عندنا والتعليق من عندكم (اوع كمان تلحقوها صورة فصل الدين عن الدولة )
» ثنائي اللغم .. سافر وخلى لي صورة .. للبلد العاليات قصورا ساااااااااافر وخلى لي "صورة"