والمرة دي برضو من أكبر رمز لـ (المؤلفة جيوبهم) المرتزق "الحاج آدم يوسف" .. في خطاب تدشين عمل شركة صحاري للذهب بولاية نهر النيل .. قال :
- (الناس المرقو مظاهرات ديل نسو قبل عشرين سنه حالهم كان كيف .. هسي في طرق وكباري وبترول ودهب وأسمنت) !!
- (ناس المدن بقوا يمرقوا الشارع يتظاهروا لو الكهرباء قطعت منهم 3 يوم .. وزمان كانت بتقطع 3 شهور وينططوا من الفرح لما تجي) !!
- (في سودانيين لو ما الإنقاذ دي جات .. كان ما شافوا الكهرباء لي هسي) !!
- (في الولاية دي ما كان في غير كبري عطبرة .. وفي المتمة كان أكبر هم وحلم للهيئة الشعبية إنهم يطورو البنطون .. شوفوا هسي في كم كبري في الولاية دي براها) !!
- (بقولوا الإنقاذ دمرت البلد .. شوف بالله .. هو الدمار ده شنوا ؟) !!
-- (المواطنين بنفروا المستثمرين بي تمسكهم بأراضيهم .. الولايات مفروض تدي المستثمرين الأراضي دي مجانا") !!
- (المواطن مفروض يرشد استهلاك الكهرباء .. نحن ما بندي كهرباء لنوم المكيفات .. الكهرباء العندنا للمشاريع الزراعية والانتاجية) !!
موضوع: قلة الأدب وشتيمة الشعب لسه مدوره .. 
الثلاثاء 29 أكتوبر 2013 - 0:22
