وقول بقيت "خروف" أها فيها شنو ؟؟ ما تعقد الامور ساي ..

"العربية" التقوم بينا تودينا للسادة
دائرين يغيرو مكنة عربية نظامن
ويركبو ليـها مكنة "الضحية"
بعد ما إستهلكو المكنة الإستعلائية
الفرزت الشعوب السودانية
وعملتن كيمان ومثلثات بالألوان
درجة أولى بُيُض وليق ومحاريق
أصلو المكنات دي باقي قديييييييمة
من زمن جدي حي وأبوي صِبي
وعلي آخر "عُمرا" بقت تلهط "الزيت" لهِط
وكمان بدفق الجاز
وليـها سنتين تلاتة إلا تقوم دفرة
وبعد كانوا يغنو ليـها تقوم بينا العربية
"تودينا للسادة"
جابو ليـها السادة الماشين ليهن يدفرو فيها
بي أولادن للمساعدة والمصاعدة
وفي الآخر "بركت" علي ركبيـها
وبدل تودينا للسادة جابتن لينا أرضاً سماح
دخانا واقف نار شرق
تجي بي عندها إلا تقفل إضنيك
وتخت ليك "قطن" رغم أنفك
وبعد دا ما بتنفك من ريحة "الدخنة"
لكن والله بعد حالتا دي خدمت وماقصرت
ومن "ضهرا" ساي طلعت ضُرر
العمارات والشركات والعربيات
غير الارصدة في ماليزيا ولندن وسويسرات
والبعلات مثنى وثلاث ورباع بنات لبون
في واحدين من المفكوكين قالوا ليـهم بتصلح
ولمن حصروا الاسبيرات لقوها صعبة
تغيير البساتم والضرعات
فك الشنبر وتبديلو
كمان لازم تغيير اللقم والكرنك شافت
دا غير اسطوانات السلندر
في النـهاية واحدين منهن قررو يغيرو المكنة ويرتاحو
والبهمنا هنا لسان حال ومقال "العربية"
الأصبح محتار
مختار الله
آآآآآآآآآحتار أنا
أنا "حكمي" وين ؟؟
أنا خالي وين ؟؟
"عمر" المُعذِب كم سنة
إحترت فى حكمك سنين
يوم الهناك
ولا الهنا
وبقت بلادي مقسمة
تري رِم تِرِي رِم
نص فى الأرض ونص فى السما
ياكافي البلا يات من هـــــــو يقول دي ماعربيتنا
لكن الخال "الخُرافي" جابو "أفرش وتخين"
فكانا من "الحديد والنار" مسك في البهائم
وقال "بعضمة لسانو المتبري منو"
((.....أنا ما خروف اتبع الراعي أينما ذهب.........))
والخروف مالو ؟؟
عيبو لي
جندرة آخر "عُمًر" يعني ولا كيف ؟؟
وحتى لو بقيت "نعجة"
برضو في "النـهاية" حا تحتاج للخروف المابيهو دا
وأنا لو محلك أوافق طوالي والله
الخروف وظيفة هينة ؟؟
بي كارو هاتك
وحواشاتك ميات الفدادين خدرا وقيافة
ومحل عينك تشوف كراعك "تخُت"
بي خدمك
وبي حشمك "
تقدل كدي فوق زريبتك زول يقدر يقول ليك تلت التلاتة كم ؟؟
والنعاج حولك واحدات يتبسمن
وواحدات يتباكن
الفتريتا "تُركي"
والامباز محمر بالصلصة البيضاء
تنوم من بعد الغداء يصحوك العشا
لا حلبوك
ولا رضعوك
لا صرروك
ولا عضوك في "نص رقبتك"
بالله خروف مش أفضل

وقول بقيت "خروف" أها فيها شنو ؟؟ ما تعقد الامور ساي .. Cnhq

قال رئيس ما يسمى بمنبر السلام العادل الطيب مصطفى انه حريص على علاقته بابن اخته عمر البشير رغم تقلبات السياسة ، واضاف بحسب ما اوردت (الاهرام اليوم) عن مؤتمره الصحفي بدار حزبه امس الأحد : ( احتفظ بعلاقة خاصة مع عمر ووالدته وأخوته ولا أريد لهذا الرحم أن ينقطع ) ، إلا انه استدرك بمرارة : ( لكن لا ينبغي أن احمّل ما لا أطيق ) ، وأضاف : ( لا يجب أن يطلب مني أن اصبح خروفا اتبع الراعي أينما ذهب) . حريات

وقول بقيت "خروف" أها فيها شنو ؟؟ ما تعقد الامور ساي .. Rgnm

* بعد (24) عاماً إكتشف غازي صلاح الدين أن الحزب الذي كان هو أحد رموزه يضيق بالرأي الآخر ولا يؤمن بالحريات!!!!..
* بعد أن لم يتبق من عمره سوى أقل من عام إكتشف أنيس منصور أن نافذة غرفته الخاصة تطل على النيل!!!!..
* بعد أن لامت آخرين كثيراً- الزميلة رشا عوض- على تسرعهم في الإنسلاخ عن حزب الأمة إكتشفت قبل أيام أن الحزب هذا يصعب البقاء فيه، فانسلخت!!!!
* بعد (42) عاماً من حكمه البلاد إكتشف معمر القذافي أن الليبيين هم (أبناؤه)- وقد أشرف على الهلاك- بعد أن كان يتساءل إلى ما بعد إندلاع ثورتهم ضده: (من أنتم؟!)!!!!..
* بعد (24) سنة من إخراطها في العمل التعبوي والتنفيذي تحت شعار (إعادة صياغة الإنسان السوداني) إكتشفت الوزيرة مشاعر الدولب أن الشباب السوداني (ضائع) وبـ(لا صياغة اصلاً)!!!!..
* بعد نحو ثلاثين عاماً من التحكم في مقاليد الأمور بتونس إكتشف بن علي- في الزمن الضائع- أنه (فهم) شعبه، وإكتشف شعبه أنه (لم يفهمه)!!!!..
* بعد (25) عاماً إكتشف معلمو آنيشتاين بالمرحلة الإبتدائية أن التلميذ الذي كانوا قد أوصوا بتحويله لمدرسة خاصة بالمتخلفين عقلياً هو صاحب (أكبر عقل) في العالم!!!!..
* بعد (15) عاماً من الإغتراب في إحدى دول الخليج إكتشف إبن عمتنا إسحاق- وقد عاد إلى البلاد بلا رجعة- أن (رأسه) الذي كان يشير إليه في عبارة (رفعوا راسنا فوق) قد إحتل موقعاً في مقولة أخرى هي (ما عارف راسو من رجليهو)!!!!..
* بعد عقود من كتم الحريات بدعوى (لا صوت يعلو صوت المعركة) إكتشفت كثير من شعوب العالم العربي إنه (ما من معركة ولا يحزنون)!!!!..
* بعد سنوات من تسخييره التلفزيون القومي- وقد كان مديراً له- في حث الناس على الإنقياد كما القطيع خلف الراعي أينما ذهب إكتشف الطيب مصطفى إنه (ليس خروفاً يتبع الراعي أينما ذهب)!!!!..
* بعد (خمس سنين عاشهم الحب)- إقتباساً من رائعة محمد الأمين- إكتشف الفيلسوف الوجودي سورين كير كيجارد أن الحب والفلسفة لا يجتمعان فتزوج الفلسفة عوضاً عن خطيبته ثم استلهم من دموع المحبوبة فكرة (عذابات الوجود)!!!!..
* بعد ثلاثين دقيقة قضاها صاحب هذا الباب في كتابة كلمته هذه إكتشف إنه (مُتعِّذب خالص)!!!! صلاح عووضة

» أ تمنى من كل أب وأم الاهتمام بهذه الامور
» تِنِس !! شاهد الفيديوهات ، وإختار المناسب ليك ، وقول لينا عووك
» بقيت ظالم ..عود مباااااالغه ..اهداء للجالسين تحت شجره الحصاحيصا
» إذا لم ننتخب المواطن عمر احمد البشير من ننتخب
» جمعية رعاية مرضي السكري بمحلية الحصاحيصا تعقد اجتماعاً ظهر اليوم