ندي القلعه -نجمة نجوم 2013 - توجد فتة عدس وكوارع ؟

ومساءاات

اول حاجه البوست دا ترفيهي
يعني ممكن تجي لابس برمودا
ولا فانله كت ولا عراقي هباب ---
جيب معاك سيرمس شاي
لو صعبه جيب معاك تسالي من حاجه بتول
بس ما تجينا فاضي ---
----- اتفقنا -----------
2013 بي خيرها وشرها عدت او كادت
عايزين نختار نجوم البلد والفن والرياضه للعام 2013
----------------------
من ناحية الفنانات وبعد تمحيص وفحص
بشوف انو ندي القلعه هي نجمة 2013
من ناحية لاعبين
بشوف انو الريح كاريكا هو نجم 2013
افضل مذيعه ------
وافضل صحفي --- lol!

--------------
لييه ندي القلعه وليه الريح كاريكا ؟
كنت عايز اجيب صوره
لكن خفت من الجماعه هنا يحلقوا لي صلعه ؟
ماشي قريب وبجييكم ---

كدي قيل ما نخش معاك "منتزه الفقراوي العائلي" دا
نحاول نستعدل المنتزه اولا ثم بعداك نخش ونرفه وهو الدنيا دي فيها شنو بالله ؟؟

أها من قولة تيت قلت "أول حاجة" ولمن بقينا عند الباب ما شفنا الحاجة التانية
تكون ست المدس ياربي ؟؟

شنو البجمع سيرمس الشاي مع التسالي ؟؟
لو كان المابقدر يجيب فول يجيب تسالي دا ماتشنق
لكن شاي وبالعدم تسالي ما بتركب

منو القال 2013 زخرت بالخير والشر
هو مش الشر دا ذاتو درجة من درجات الخير في مستوى من المستويات ؟؟
يعني ممكن نقول إنو الله خير وما يتراءى لينا شر فلقصر إدراكنا بنشوفو "شر"
ودي جبتها لإضفاء شي من الفلسفة على النزهة

قلت عايزين نختار نجوم البلد والفن والرياضه للعام 2013
نجوم البلد طوالي بتكون بتقصد السودان ما إختلفنا
الواو البعد البلد واو عطف
بتبقى عايز النجوم في البلد
والنجوم في الفن
والنجوم في الرياضة
فإما تبقى على نجوم البلد ودا بشمل كل المجالات
أو تجزف البلد وتخش تجيب المجالات
يعني ما ممكن تكون "ببلدك تقول لي تعال وتعال وبفنونك تقول لي مافي مجال"

ومباشرة وبدون مقدمات مشيت للفنانات خليت وراك البلد والفن والفنانين
بعدين قلت عملت تمحيص وفحص والفرق شنو بين ديل وبين التفحيط الإنت بسو فيهو دا ؟؟
الفقراوي "النجيضة" مشاترتك في بوستاتك أخير منها مشاترتك في نزهاتك
بصراحة حبيت أتنزه في منتزهك دا لكن من الباب عيني حوصن من "الشتارة"
إلا بالمناسبة مافي جائزة لأحسن فول مدنكل ؟؟ المدمس جلي بقوا يبيعوهو "دكوة" وفي كتير من الاحوال "زبدة الفول السوداني"

وكن بعافية

المحبوب أحمد الأمين كتب:: منو القال 2013 زخرت بالخير والشر
هو مش الشر دا ذاتو درجة من درجات الخير في مستوى من المستويات ؟؟
يعني ممكن نقول إنو الله خير وما يتراءى لينا شر فلقصر إدراكنا بنشوفو "شر"
ودي جبتها لإضفاء شي من الفلسفة على النزهة

ونهارااات
كدي خلينا ننتزه شويه في الكلام الجميل المقتبس أعلاه
وكما قال الامام النابلسي ( فيك عيني تتنزه )
فرشت الدر في ملجة الخضار
ونحنا عارفين الدواء دا غالي وما متوفر في الصيدليه الهنا دي
واحتمال يجلب ليك ناس الضرائب والغلاط والفهم القاصر
لكن روعة المعني طغت وعطرت باقي المساحه
المعني كما قال شاعرهم ---
فَهُمْ فِي شُهُودٍ دَائِمٍ وَتَنَعُّمٍ بِمَوْلَاهُمَ فِي حَالِي الخَيْرِ وَالشَّرِّ
وَعِنْدُهُمو لَا شَر حَيْثُ مُرَادُهُ جَميلٌ وَحُلْوٌ وَهْوَ كَالشَّهْدِ وَالدُّرِّ
نعم لا شر لقول الحبيب المجتبي عليه افضل الصلاة والتسليم
( عجبا لامر المؤمن كله خير )
هنا نقطه وسطر جديد ---
---------------------------

ونهاراات

حنواصل في نجوم البلد
وحنضيف معاكم الاسوا في 2013

بابنا مفتوح للترشيحات

وراجعين --

الفقراوي كتب :
"بشوف انو الريح كاريكا هو نجم 2013 ".
.
.
.
قطع شك قاصد ... مدثر كاريكا .
و من عندي انا برشح البرنس .. هيثم مصطفي .
كل عام و انتم بخير .

محمود علوب كتب:: الفقراوي كتب :
"بشوف انو الريح كاريكا هو نجم 2013 ".
.
.
.
قطع شك قاصد ... مدثر كاريكا .
و من عندي انا برشح البرنس .. هيثم مصطفي .
كل عام و انتم بخير .

------------------

ومساءااات

ندي القلعه -نجمة نجوم 2013 - توجد فتة عدس وكوارع ؟ 957042632

شكرا اخي علي التصحيح
نعم انه الخلوق مدثر كاريكا
ومعاك بانو هيثم مصطفي قدم موسم يستحق عليهو الثناء
لكن وبدون تعصب كدا
كاريكا عوض غياب سادومبا
كاركيا الان صانع اهداف الهلال وهداف الممتاز مع بابا
لم يتم تغييرو ابدا من جميع مدربي الهلال والذين اعتمدوا عليه تماما
يتفوق علي البرنس بمشاركتو في المنتخب الوطني
ومازدا دايما يعتمد عليهو ولم يخيب اللاعب ظن مازدا
مستوي ثابت هداف متطور ومسيره خاليه من الكروت والعكننه
يستحق ان يكون نجم السودان 2013 ---
يا علوب من هو ماسوورة 2013 رياضيا ؟ مع اني عارفك حتقول منو ؟

» مؤامرة للاستيلاء علي قطعة ارض نادي نجمة الحصاحيصا (توجد صور)
» أهي طائرة بلا طيار..أم "نجمة أم ضنب"..أم تآكل الدولة؟
» نجمة الانجاز لشرطة الحصاحيصا واتحاد الكرة
» نجوم الغد.. الدفعة (17) تصنيف جائر و قسمة ضيزى..!!
» الحصاحيصا دوت كوم تقدم جهاز اكسجين تنفس للمستشفي العام (توجد صور ) (توجد صور )