عبدالمنعم ترتورة
 |  موضوع: الحل في الليمون  السبت 9 نوفمبر 2013 - 6:02 | |
| من فترة وفي لقاء صحفي مع معتمد الحصاحيصا، أجراه الاساتذة حسن وراق، ناجي الجندي، ووليد العشي، أعلن المعتمد في هذا اللقاء أن كل شوارع الحصاحيصا سوف تزرع بشجر المانجو، ونقول ليه حكاية المنقة بقت موضة قديمة، الموضة الأيام دي في الليمون حسب نصيحة نافع للشباب، ادقشو السوق وبيعوا الليمون، لذلك لابد على المعتمد أن يغير من الخطة بتاعتوا ويغير الميزانية المرصودة من زرعة شجر المنقة، إلى شجر الليمون حسب توصية سفيه الانقاذ
[size=24]أه الليموني والبرتكان الناير
  " />
من مســــــــــــدار : الليـــــمون
شن في جيبنا شان نمرق ندقش السوق؟
وشن خلّيتوا من مال في جيوبا خلوق؟؟؟؟؟
شباب يا : فاتا يا قاعد هناك مخنوق
و ولدك في الشوارع شوف عيونّا يسوق
**************************
تقول غير خجله : أدقشوا بيعوا للليمون!!!!!!!!!!!
صح بي عقلك آآآزول ولا إت مجنون
اساتذة جامعه كيفن يدقشوا الليمون؟؟؟؟؟؟؟
يدقشك بص يهرسك مايخلّي سنون
******************************
و وين المال هو في شان بيهو ياخي نتاجر؟؟؟؟
وين آآآآآآآآ الجيتو في ليل زي بيانا" عاجل
وين المال و ولدك بيهو ياخي بتاجر
يشيلك ربي آآآآآآآ الخلّيت شبابنا يهاجر
*********************
ود الجاز رفيقك في دبي مسكوهو
يكون ليمونو أخدر ولّا ماعرفوهو
قال ود الوزير قايل بحلّو ابوهو
تاري المال هو سااايب والعرب كشفوهو
************************
ليمونكم بشوف في كوالا لامبور خدّر
وبحر المال هو في ماليزيا فاض واتحدّر
أتاري شباب حكومتكم هو زارع بدّر
شال الثروه لي ماليزيا حالا" صدّر
زرياب عبدالله محي الدين(السوداني)
| |
|
