إخترتك سعيد البال ..2/2/2014

" />

لما عرفتك اخترتك سعيد البال
وخت شبابي متيقن عليك امال
لا جيتك قبيلة .. ولا رجيتك مال ولا مسحور
يوم ما كنت في عيني اجمل من بنات الحور
جيتك عاشق بتعلم من الايام ومن سام الليالي البور
ومن اسر الولف كتال
لقيتك في طشاشي دليل وفي حر الهجيرة مقيل
لقيتك في حياتي جزور بنية اتلفحت بالنور
مهجنة من غنا الاطفال ومن سعف النخيل والنيل
ومن وهج الشمس موال ...
وانا اخترتيني انسانا عزيز النفس بتمني وبسيط الحال
علي حرمت زرعا ما سقيتو حلال وما فصد حصادو قفاي
وبيني وبينك الضحكة ورحيق الشاي وطعم الخبز والسترة
ومساء النور وعمق الالفة بين النهر والنخلة وغنا الطمبور
وصدق العشرة بين الارض والانسان
بيني وبينك الفكرة وجمال الذكري والنسيان وحسن الظن
مشوار الحياة اليوماتي ما بين الجبل والسهل وما بين الصعب والسهل
عز الليل في سكة مطر بكاي فلا هما تشيلي براك ولا جرحا اعاني براي ولانا علي بعض نمتن
وتزعلي يوم وازعل وننفعل مرات ومرات تقبلي مني واتوسد ضراعي سكات
والفينا حنينة تتشابك مودة تشابك الغابات
ونحن اذا اختلفنا سوا بنطيع الصاح ولو بتنا القواء بنرتاح
اذا تمن الملح والعيش رضا الشمات
وتتكي سنبلاية علي ضراعي واميل كاني غنا الطفولة العذب

(محجوب شريف)

مبروك مرة تانية وعقبال 100 شمعة مع الحب والسعادة وراحة البال

مبروك يا أستاذنا اليوبيل الفضى مع خالص التمنيات بمشاوير حياة يحيطها الحب والتفاهم .

عبدالمنعم ترتورة كتب:: مبروك مرة تانية وعقبال 100 شمعة مع الحب والسعادة وراحة البال

يا منعم .. اسعد الله اوقاتك بالحب والسعادة .

صداح فاروق وراق كتب:: مبروك يا أستاذنا اليوبيل الفضى مع خالص التمنيات بمشاوير حياة يحيطها الحب والتفاهم .

يا صداح تسلم وأمل أن تنضح حياتك بالأمل والحب .

مع امنياتى لكم دوما في سعادة وصفاء وود ووئام وصحه وعافيه...

يا أم نبيل ..أمل لك والأسرة كل الخير والود .

كم جميل الحدث
والتاريخ
واليوم
تصميم الكرت اخذ من انتباهى الكتير
وروعة المفردات المنتقاة جذبتنى اكثر
ولا اجد تساؤلا كيف حفظت الكرت كل هذه السنين
مبروك عليكم سنون خمس وعشرون مضت واتمنى لكم مثلها مرات

الاخ/ عاطف

لكما التحية الخالصة وعقبال عيد زواجكم (( العاشر ))

بعدين يا عاطف راجع (مستند) الدعوة دا كويس !!!

ياخي معقووول 25 ســـــــــــــــــــــنة

والأ آآآآ امكن بالتقويم الجديد[b][/b] !!!

والله ياعاطف لســـة البتاعة بتاعة البناع داكا الفي المســـلمية ما فكَّـــــت سمح !!

عموماً الف مبروك وحقيقة مرت الأشجار وليس (الأيام) كما قال الرائع/ محجوب شريف متعه الله وانتم بالصحة والعافية

ولا زال ((ابذر)) مجهجه في الزمن الجهجاه

ولا زالت (بنت أبي بكر )) تتململ بين الدهماء

رغم رحيل حميد الفاجـــع

من الفنان لا بد أن نجد الفن.. ومن عاطف لا بد أن نجد كل فن رائع.. مدهش تصميم وكتابة وخط الكارت.. ومدهش 25 عام قديمة وجديدة.. ومدهش هذا الحب الأبدي.. لقاء نتمنى أن توثقه العواطف الجياشة بالديمومة وكل الحب.. تهانينا ومليار مبروك.

اخى عاطف تحياتى وكل سنواتكم واسرتكم محبه وموده تامين ولامين وللود حافظين وعائدين لأرضكم منصورين .

لنجوى ولاسيل وايمن واشرف ولكم كل الامنيات بالصحة والعافية ومن فوق ذلك سعادة البال

essa كتب:: كم جميل الحدث
والتاريخ
واليوم
تصميم الكرت اخذ من انتباهى الكتير
وروعة المفردات المنتقاة جذبتنى اكثر
ولا اجد تساؤلا كيف حفظت الكرت كل هذه السنين
مبروك عليكم سنون خمس وعشرون مضت واتمنى لكم مثلها مرات

لك الشكر على إعجابك بالكرت ، لقد صممه الصديقين
بشير زمبة ومحمد عبدالنبى فى مدنى ، وهما من أروع
التشيكلين . لقد حفظته بدفء وتنقل معى كثيراً لانه
يحمل ذكرى من الزمن الجميل .
مودتى

عثمان فارس كتب:: الاخ/ عاطف

لكما التحية الخالصة وعقبال عيد زواجكم (( العاشر ))

بعدين يا عاطف راجع (مستند) الدعوة دا كويس !!!

ياخي معقووول 25 ســـــــــــــــــــــنة

والأ آآآآ امكن بالتقويم الجديد !!!

والله ياعاطف لســـة البتاعة بتاعة البناع داكا الفي المســـلمية ما فكَّـــــت سمح !!
عموماً الف مبروك وحقيقة مرت الأشجار وليس (الأيام) كما قال الرائع/ محجوب شريف متعه الله وانتم بالصحة والعافية

عزيزى / عثمان
اشتاقك والاسرة وأشتاق كل الاعزاء الجميلين الذين شرفونى بحضور هذه المناسبة
العزيزة . تعرف حاتم مدنى بيقول كلما أذكر يوم عرسك ارجف من البرد ! ومبروك
عليك عدم الفكه ! بالله للسه حافظ ابوذر ، طبعاً هى زى فرمالة صديقنا عاطف
مكاوى (يا امونة شن بتشوفى ) يا له من زمن جميل !

ناجي جندي كتب:: من الفنان لا بد أن نجد الفن.. ومن عاطف لا بد أن نجد كل فن رائع.. مدهش تصميم وكتابة وخط الكارت.. ومدهش 25 عام قديمة وجديدة.. ومدهش هذا الحب الأبدي.. لقاء نتمنى أن توثقه العواطف الجياشة بالديمومة وكل الحب.. تهانينا ومليار مبروك.

ومدهشة يا ناجى بسطورك الجميلة ، وعقبال ما نزفك عريساً قريباً .

mussab كتب:: اخى عاطف تحياتى وكل سنواتكم واسرتكم محبه وموده تامين ولامين وللود حافظين وعائدين لأرضكم منصورين .

عزيزى / مصعب
اشتاقك والاسرة وأشتهى قدلة فى الحصاحيصا معك
رد الله غربة الجميع .

بكرى عثمان حمد كتب:: لنجوى ولاسيل وايمن واشرف ولكم كل الامنيات بالصحة والعافية ومن فوق ذلك سعادة البال

يا دكتور مشتاقين كتير والله ، بطل الجفاء ! وتعال نشوفك
بين فيصل وعابدين ، لو ربك رفع القدم نتقابل بين أركويت
والمايقوما . ولك والاسرة الرائعة الاشواق والمودة .

يا عاطف مزيداً من الاحلام، وسنين وسنين جايه عامرة بالدفء والمودة

عفيف إسماعيل كتب:: يا عاطف مزيداً من الاحلام، وسنين وسنين جايه عامرة بالدفء والمودة

يا عفيف ، مشتاقين كتير والله . وأمل أن يفيض بحر
الحب والتفاؤل والأمل على كل من أحبهم .

نحن فى الأيام بقينا قصة ما بتعرف نهاية

ابتدت ريده ومحبه واصبحت فى ذاتها غاية

كنت تمنحنى السعادة ولى تتفجر عطايا

Atif , Najwa and the family please accept my very genuine wishes wa 3gbal alsham3a al100 , stay well
Ghada

» تقويم 2014 للحصاحيصا دوت كوم
» من وحي الميزانية الجديدة 2014
» Thanks Sabina's friends May 2014
» المريخ بطلاً للممتاز 2014
» قرعة نهائيات كاس العالم بالبرازيل 2014