شكر وعرفان من اسرة اليوم الرابع (حفل ختام) احتفالات الشمعة الخامسة

تتقدم اسرة اليوم الرابع الختامي لكل الذين ساهموا في اخراج اليوم الختامي بتلك اللوحة الجمالية من التنظيم والاعداد والاستقبال و الوداع ونخص بالشكر
اسرة نادي النيل الرياضي التي فتحت لنا دارهم العامرة
شباب النيل الذين قاموا بتنظيم الحفل واعداد المسرح وترتيب ما بعد الحفل
الاستاذة حنان يوسف عمسيب التي قامت بكل واجبات الضيافة من اعداد الحلويات وخلافه
الاستاذ بابكر عبدالرازق الذي اقام مأدبة عشاء فاخرة لضيوف الشمعة بمنزله
الاستاذ سفيان مدير الكولا لتبرعه بالبارد وموية الصحة
الاستاذ ضياء عبدالقدر تاج الدين لتبرعه بالثلج
والي كل من لم تسعفنا الذاكرة استحضار اساميهم
الف شكر من القلب وهكذا دوما عهدناكم

ولأنهم طلعوا "فاخرين" ونحن "فخورين"
أها عشاء "غير فاخر" مني لناس "الأسرة" الذين قاموا بهذا العمل

سؤال هامشي : دحين الطعمية بقت بالألف كم حبة ؟؟

أقصد الألف حبة بقت بي كم ؟؟

انا افتكرتك يا المحبوب حا تعشيهم عضه عند عمك شجاع

واسي منو القال ليك ما شعاع ؟؟
ياخوي انت وين غاتس ؟؟
ليك مدة ما بنت
لعلك والاسرة بخير وطيبة
والله ايام يا شجاع
نبكي ونتحسر عليك

يا المحبوب العزومه خليها فى جاذيبو .

باين يا حبو العزومة ح تكون في الكماين لانك بتسأل في ألف الطعمية
وما تنسي عمك ودعدلان

صداح جاذيبو ما بياكلو الجماعة ديل
والله يقولو جابو لينا قلل
المهم العزومة قائمة
المكان والزمان والشكل والموضوع حا يتم تحديدهم بعد التشاور مع اللجنا العليا
بس ننتهي من تكوين اللجنة بـ"التعيين" ويتم الاخطار بالبريد المسجل

الطعمية بقت بالحجز يا المحبوب.. بقت الوجبة الأساسية للأسر غير المؤتمرجية.

الطعمية ؟

مش كويس زاتو بقة في طعمية من البنسمع فيه دا ... الله يكون في العون

» فيديو المحاضرة التي قدمها دكتور بكري حول الموارد البشرية في ختام احتفالات الشمعة الخامسة لدوت كوم
» في ختام احتفالات الشمعة الرابعة .. يوم صحي بسجن الحصاحيصا!!
» مرور الحصاحيصا.. احتفالات الشمعة الخامسة.. ما لم يخطر ببال بشر.. أنظروا الكرنفال والصور
» برنامج اليوم الجمعة في الشمعة الخامسة
» اليوم الاجتماع الثالث لاحتفالات الشمعة الخامسة