أمبارح في النادي السوداني
لقيت نفسي جنب واحد من ناس مدني كان بلعب في الاتحاد
بحب الطرائف وحكاي بشكل عجيب
قلت ليهو مافي جديد ؟؟
قال لي سمعت بي دي ؟؟
قلت ليهو قولا
قال لي مباراة "كأس" بين العملاقين "نار حمراء"
النتيجة صفر صفر حتى الدقيقة تسعين
قوم يا الحكم إحتسب ليك ضربة جزاء للأصفر
ولمن تقدم أحد المشاهير لتسديد الضربة
الناس كلها وقفت علي حيلا
إلا مشجع "مرضان من الفريق الأسود بي أبيض" قعد وغمد عينيهو
ويسو "يا الله الكشافات"
ولكن الراجل وضع الكرة في حتة والحارس مشى في حتة تانية
زولنا داك تسمر في محلو
خصمو شال الكاس وطلعوا في سيرة
المدرجات "فِضت" وهو قاعد ممحن زعلان
المهم شال حالو وجاء مارق بالمقصورة
شاف الحكم شايل الكورة وداخل غرفة الحكام
عاين فيهو والحكم كان "أصفر" وقصير وسمين وإضنيهو مشرعات
الراجل وقفوا قال ليهو بالله ممكن سؤال ؟؟
بطيب خاطر الحكم قال ليهو "إتفضل"
داك باغتو قال ليهو "بالله أسي إنت الحكم ولا الكأس؟؟"
موضوع: حكم وسط مباراة "العملاقين" والمشجع المغلوب آخر المباراة 
الإثنين 3 فبراير 2014 - 8:09
