بنباصِرا "الحمد لله الخير راااااااااااااااااااقد " علي صفِحتو !!

[quote="المحبوب أحمد الأمين"][font=Times New Roman][size=24]
ولقيت جريدة رياضية شلتـها
شدتني حكاية إستقالة رئيس "برشلونة" ساندرو روسيل
"نحن رئيس الحكومة ما يستقيل كان جضمو خلي يتهمو "
وسبب استقالة ساندرو لمن قريتو والله ولا عليك بيهو "تسجيل نيمار" تخيل ؟
وكلام ميييت إنو أبوهو "نيمار" شال ليهو كوميشنات بي "تحت تحت"
والمبالغ المتهمنـها بيهو ذاتا ما كتيرا يعني زي 40 مليون يورو
"يعني الجزيرة والمواني وجعفر ابن عوف "
بس ديل لو كانن في اوروبا كان جابن خبر كاثرين آشتون بالراااااااحة
بالله شنو يعني لو ساندرو روسيل "جنب" ليهو 40 مليون يورو ؟؟
والله حسادة منـهم ساي الجماعة الكلمو وبلغوا الشرطة ديل
ما هدي أسبانيا دي كلـها جبايات ومكوس الشايل أورنيق 15 منو ؟؟
لكن ما بعيد يكون وراء "اللعبة" دي ناس مدريد الخلقوها زي ماتريد
وإن بقى ما ناس "الريال" فأكيد يكونوا ناس "الأتليتيكو" أبان شلاضيم ديل
التقول "الكتلونيين" ديل واقفين ليـهم في حلاقيمن التخينة دي
ياسلام علي ماتريد وناس ماتريد وزمن ماتريد
بلد جميلة و"لنا" فيـها صولات وجولات
أيام ناس راؤول قونداليس وسيد عبد العزيز وفرناندينو وبيت ناس هناية ديك الله يرحما
والحيرني إنو الكوميشنات في اسبانيا ذاتا ماها "هجنقلا"
ومرة "سمع أضاني" البياكلا "الدود النتر" يوم القيامة أيام صفقة ميسي
كنا معزومين شاي بي لبن أحمر في بيت عمدة كتلونيا السمسارة ضربو ليهو تلفون
وسمعت عمدة  كتلونيا قال للسماسرة "أدرجوا أخوي الكازياس"
وقالوا ليك "الكازياس" درجو ليك الدرِج البصح بالصح طار راح
الشركات هاي تك وماي تك وحلال "إفِك"
النسوان مثني ورباع وسمان الواحدة قدر التبلدية





            
يا محبوب، واصل الحكي الطاعم.

المحبوب .... أحبك وانت بتكتب وأحبك وانت بتتونس

اسم خالك سقط سهوا .... اسماعيل ابراهيم ... مش ؟؟
هو بخير وبصحة وتمام التمام