بردلب جمبلغ

كثيرا مايستعمل السودانيين بعض المؤثرات الصوتية في اثناء السرد او الحكايات وهذه بعض منها


تترب : قام وقف على حيلو
بردلب : وقع فى اشللة
تاااخ : اللستك القدام ضرب
تاااخ : تاااخ الحجر ضربو ليك فى راسو
تااخ فكيت ليك فيهو طلقة
تف تف : الدم نزل من الجرح
ترااح : ضربو ليك كف
تررراح : قام وقع فى اشللة
تح تح : قلبى دقا ليك من الخوف
ترررن : الجرس ضرب
تسسس : اللستك نفس
تلبت : الحرامى نطا الحيطة
تيفك : ناشو ليك بالنبلة
جخخ : ضبح ليك الخروف
جمبلغ : وقع فى الموية
دج : وقعت فى اشلله
دززز : دورنا العربية مشينا ليهو
دلل : (تقال لمن تسمع زول قال ليهو كضبة)
دوو : مدفع رمضان ضرب
رب : زولك برك فى اشللة
روو : ضرب ليك الباب وراهو
زييط : جابو ليك فيهم القون الأول
سيييك : قام ربط ليك فرامل
شحح : قلبى قال ليك من الخوفة
شررر : الموية جات نازلة
شوو : المطرة قامت صبت
صننن : الجماعة قامو سكتوا ليك
طااخ : طاخ وقع فيهو ضرب
طبج : مشينا فى مويت المطرة
طق : قام العود إتكسر
ظييط : العربية وقفت
عووك : قام طرش الأكل الأكلو
فت : الحرامى جا مارق من البيت
فنن : قمتا فنيت ليك فيهو الحجر
فوو : البص جا ماشى فينا
كوو : العربية صدمت القداما
قرطع قرطع : شرب ليك كوز الموية كلو
قر قر قر : قام قعد يضحك
كررر : قام جراهو ليك باشللة
كشلو : الكباية وقعت إتكسرت منو
كع : ضربو ليك بالعصاية فى راسو
كع كع كع : ضرب ليك قزازة البارد
كف : الحرامى ختف ليك منو القروش
كليلن كليلن : جرس الحصة ضرب
كو كو : دق ليك الباب
كووف : ختف ليك منو الموبايل
لب : الأستاذ لبعو ليك فى ضهرو
هوووب : وقف حيلو وقام ليك من اشلله
وررر : العربية قامت دورت
وس وس وس : قعد يوسوس ليهو فى أضانو

كسرة :
فررر : أول ما زول يختلس ليهو قروش (فررر) يفك البيرق !