مبروك هلال الملااااين(من غيرنا يعطي لهذا الشعب معني ان يعيش وينتصر)

جمهور فاق حد الخيال
ولعب حد الثمالة من الروعة
هلال الابطال يتقدم بخطي ثابتة لدور الكبار

سجل مشاهدك يازمن راجع دفاترك يامحال في السكة موج ازرق هدر تاريخ ندر اسمو الهلال

نحن اسياد بلد نقعد نقوم علي كيف
من غيرنا يعطي لهذا الشعب معني ان يعيش وينتصر

مبروك هلال الملااااين
تابي التعابير ان تخروج من شدة الفرح
ولكن نقول

ظلموك ياهلال اذ سموك هلالا فانت بدر في سماء الدجي يتلالا

مبروك للهلال الانتصار والتاهيل لسكة الكنفدرالية

مبرووووووووووووووووووك لهلال السودان وعقبال المجموعات
من غيرنا يعطى لهذا الشعب معنى ان يعيش او ينتصر هذه مقوله مريخيه صرفه ابتكروا
وشوفوا حاجه ثانيه لان المريخ هو من حقق الكاسات وده حق ادبى والمره الثانيه حانشتكيك للجنه المصنفات

ردوا على هذا السؤال هل هى مقوله مريخيه ام لا للتاريخ والامانه انتوا ماعندكم ادباء ولاشنو
حتى الادب تشفوه عرفنا الكاسات صفر دولى كمان الادب حيرتونا برضو صفر دولى

ههههههههههه بنعرف حاجه واحده بس
العالمى طاااااااار من التمهيدى

برضو لم تجاوبوا على السؤال

يامحمدجعفر ناس أفراحها زائدة وناس بتألموا

برضو لم تجاوبوا على السؤال جاوبوا عشان نقدر نرد ليكم مافى داعى للزوغان خليك رياضى

والله يا خوي محمد جعفر تعرف الفضول دا لو ما رديت ليه ببقي ليك في رقبتك احسن ترد ليه وترتاح دا انا بعرفو كوييييييس

ياخوى محمد جعفر ما ذال الزوغان قائما انا ذكرت عباره محدده وهى من غيرنا يعطى لهذا الشعب معنى ان يعيش وينتصر
وذكرت السبب التى قالت فيه وهى كاسات المريخ الجويه وهى سيكافا 86 وفى وقتها كانت حدثا وكانت دائما من نصيب
الفرق اليوغنديه والكينيه واحرزها المريخ كاول فريق سودانى يحرذها وثانيا كاس مانديلا وهو كاس الكؤوس الافريقيه سابقا
وكاس دبى الزهبى عندما كان الزمالك بطل افريقيا وكاس الشارقه  ياخوى محمد مالك علقت على الكاسات وهى اصلا ما الموضوع
وتركت العباره وهى لب الموضوع  اقول ليك حاجه لم تجاوب على الموضوع بعد وان لم تجاوب لم تجدنى فى اى موضوع اخر
الا بعد  ان تجاوب صـــــــــــــــــــــــراحه

يحلنا الحلة بلة يا محمد جعفر واخير ليك تجاوب

من غيرنا يعطي لهذا الشعب معنى أن يعيش وينتصرْ
من غيرنا ليقرر التاريخ والقيم الجديدةَ والسيرْ
من غيرنا لصياغة الدنيا وتركيب الحياةِ القادمةْ
جيل العطاءِ المستجيش ضراوة ومصادمةْ
المستميتِ على المبادئ مؤمنا
المشرئب إلى السماء لينتقي صدر السماءِ لشعبنا
جيلي أنا...
.
.
علي ما اعتقد أنها قصيدة الشاعر الاستاذ / محمد المكي ابراهيم ..
غتاء و ترنيم محمد وردي ..
وليس لها علاقة من قريب او بعيد بالمريخ ، أو الهلال .
.
.
يعني يا اولاد حسن الجمل عاوزين تاكلونا حنك .. ولا شنو !!

محبتي لكم جميع .ا

و نهدي لكم كامل القصيدة ..
مع التمنيات للمريخ و الهلال بالتوفيق ..
.
.
من غيرنا يعطي لهذا الشعب
معنى أن يعيش وينتصر
من غيرنا ليغير التاريخ
والقيم الجديدة والسير
من غيرنا لصياغة الدنيا
وتركيب الحياة القادمة
جيل العطاء المستجيش
ضراوة ومقاومة
المستميت على المبادىء مؤمنا
المشرئب إلى النجوم لينتقي
صدر السماء لشعبنا
جيلي أنا..
هدم المحالات العتيقة
وانقضي سيف الوثوق مطاعنا
ومشى لباحات الخلود
عيونه مفتوحة
وصدوره مكشوفة
بجراحها متزينة
متخيرا وعر الدروب وسائرا
فوق الرصاص منافحا
جيل العطاء لك البطولات الكبيرة
والجراح الصادحة
ولك الحضور هنا
بقلب العصر فوق طلوله المتناوحة
ولك التفرد فوق صهوات الخيول روامحا
جيلي أنا ..
جيل العطاء لعزمنا
حتما يذل المستحيل وننتصر
وسنبدع الدنيا الجديدة وفق ما نهوى
ونحمل عبء أن نبني الحياة
ونبتكر

[size=13]شكرا محمود علوب للتوضيح وشكرا للرد سواء كان سلبا او ايجابا بس انا ماطلبت اسم الشاعر
بس قلت ان المقوله ارتبطت بالمريخ واصبح يتداولها الادباء والاعلام المريخى وحددت الزمن
يعنى مثلا يا ودعلوب كان قلنا الله الوطن المريخ بترضوا هذه مقوله الهلال ولو قلنا مريخنا
صعب كاسا تو دهب بترضوا مع انو المريخ حاز على كاس دبى الزهبى وكاس السد الذهبى
من فريق الهلال بعدين محمد المكى ابراهيم مريخابى واسال منه غايتو يا علوب اجتهدت ولكن
لم تجاوب على السؤال بعد اخيرا ما تعمل حريف اجتهدت وجبت القصيده واسم الشاعر من النت
قال على ما ازكر هههها والروب الروب ياعلوب اها دى خاصه بعمنا علوب الله يديه الصحه والعافيه
جاوبوا على السؤال

نبدا ب (الروب الروب يا علوب) ..
و دي بتزكرني فوز مريخ الحصاحيصا علي هلالها طوالي .

و لا ننكر فوز المريخ بسيكافا ، دبي ، الشارقة و مانديلا ..
لكننا ننكر ارتباط القصيدة بالمريخ ..
ياخي انتوا دايرين تشيلو الكاسات ، ومعاها القصائد كمان !!!!!!!
خلو لينا حاجة معاكم ..
.
.

واعنرافك خلوا لينا حاجه معاكم ده اعتراف ضمنى وانا اعتبرها اجابه كتر خيرك احسن من محمد جعفر وصديقه

يعني خلاص ي الفاضل تنازالت من الرد ( طيب الحمدلله)
بس تاني يا محمد جعفر الفضول دا ماتشاغلوا واللا تجيب ليه معلومة غير متاكد منها)

كمل حسن/ سلام

انا اعتبرت اجابه محمود علوب رد ضمنى وهو احسن من غيروا اجنهد ومازاغ ذى اخوانا
لكن لو عادو للمكابره عدنا وبعد ده حقوا نفقل البوست ده لانوا عنوانو مسروق وده حق ادبى
وما بنى على باطل فهو باطل

فعلا أحسن نقفل البوست علي كده ..
و الناس تتفرغ لدعم سيد البلد (الهلال) في مشواره الافريقي ..

ياشباب سلام عليكم جميعا

اولا نبارك لسيد البلد عودته لمكانة الطبيعى مع الكبار (والكبير كبير)

ثانيا اعزرونى لاعادة فتح هذا البوست لان هنالك معلومة يجب ان تصحح

من غيرنا يعطى لهذا البلد معنى ان يعيش وينتصر ليست من ادبيات المريخ فهذا حق هلالى اصيل

منذ 1987 كانت تلك اهزيج الهلال وادبيات الهلال (من غيرنا يعطى لهذا البلد معنى ان يعيش وينتصر) وكذلك قدم.. قدم.. لقدام .. قدم هلالنا العظيم لسع منهزم

كانت تلك اهزيج الهلال فكان يتغنى بها الراحل فنان افريقيا (وردى) وجماهير الهلال

فيا حوتة الظاهر الغربة نستك التاريخ

هنالك معلومة بسطة يجب ان لا تنسى ان المريخ عبر تاريخة لم يصعد لدورى الثمانية الا مرة واحدة فى الافية 21 وجاء طيش المجموعة طبعا

اما كاسات الدهب فانتم يابنو المريخ ادرى اين هى وممن اتزعت قوة واقتدار

والعام الماضى ود البرير طلعها لكم بالبرهان

لكم تحياتى وسلامى