عارفين نفسي في شنو

[الاخوه في المنتدي وانا في المملكه العربيه في مدينة جده وفي نهار رمضان ونحنو نتجادل اطراف الحديث قلت لام مصطفي عارفه نفسي في شنو بعد غربه دامت اثني عشزه سنه اول حاجه فول في الانديه وباسطه من ود حميد وكوره في استاد الحصاحيصا للمريخ وقيم كتشينه بعد التراويح في فلب الجزيره

انت عارف نحن نفسنا في شنو؟؟؟؟؟؟؟؟؟؟؟؟؟؟؟
نفسنا في حفله بمهدي بكش
اذيك واذي الاولاد وامهم وكل ناس السعوديه
تحياتي
بنت خالتك
(ايمان بت صفيه )

بوكش رمضان كريم وشكرا دوت كوم
الجابتك تجيبك البلد وكل النفسك فيه تعملو
وهسة انا جاي من النادي اكلت الفول ولعبت كتشينة في نادي هاشم كبير
يااااااااسلاااااااااااااااااااااااااااااااااااااااااام

عودا حميدا المهدي

العزيز بكش

تحياتى الغالية لك وللاسرة الكريمة وقول لبنت الخالة مبروك عليكم هبة الله .. ويتربوا فى عزكم انشاالله .
عليك الله انتظرنى نجى نعمل الحاجات دى سوا ... ربنا يحقق جميع امانيكم الطيبة .

تحياتى واشواقى مهدى بكش لك وسعيد بطلتك فى المنتدى بعد طويل غياب ، ورد الله غربتك .

والله بالجد نفسنا في حفلة بي مهدي بكش والله

شكرا الستاذ عبد الوهاب محمد صالح والاخ عمر وعصام وودعيسي وبنت الخال ايمو وانشاء الله نتفابل في الغريب العاجل

يا أبو مصطفي

نفسي كان تكون معانا يوم الجمعة الماضية في درة العروس إحفالاً بالحاجة صفية حاج عبد القادر وفاتتك شية خطيرة بس أنقلبت غم بعد الـــــــــــــــــــــــــــــــــــــــــــــــــــــــــ3

أبورا ئد

والله يابختكم ياناس جده بناس صفيه ونحن هنا الشوق قتلنا عليك الله يابو رائد سلم عليها

انت عارف يا ابو رايد الظروف المنعتني الحضور لكن ملحوقه في السمايه ان شاء الله وربنا اخلي لينا حاجه صفيه وعم خلف الله واحضروا معان السمايه والدعوه موجه لكل ناس المنتدي بعد العيد

والله يا مهدى نفسى اشوفك
واحضر ليك حفلة عشان تغنى لينا فيها . عقد اللولى. ويا ستنا
ملحوظة: لا تربطنى اى علاقة بستنا
انا مبسوط من اتصالك التلفونى
نوال - مصطفى - هبه -السلام عليكم

شكرا استاذ العشي لا استيطيع ان اوفيك حفك مهما فعلت ونقبل تحيات الاسره ام مصطفي ومصطفي وهبه كمان

وأنا نفسي أسمعك في حفلة بعيدة لافحه الهواء ما معروفه في ياتو حي وأنت بتغني أخر خبر كتبو في جواب
وأنا جاي من الأندية وضارب الفول وما عارف إتجاه الحفلة

دمت إنشا الله مهدي

أبو مصطفي ..
مبروك المولود الجديد ..يربي في عزكم..

أنا نفسي أحضر بروفات مهدي بكش في البيت ..
(وبكري عثمان) يكون مصر عليك بأداء بروفات أغنية معينة ..

لك الود ممتدا..
وربنا يديك الفي نفسك ..وفي نفسنا.

والله نحنا نفسنا نلاقيكم انت والاولاد وبنت الخاله

ياابو النسب بعد دي ماكفايه تجي تسوي ليك حجه ولاعمره ه نحنا قاعدين في جده الله اديك العافيه يامبارك في انتظاركم

مهدي بكش كتب:: [الاخوه في المنتدي وانا في المملكه العربيه في مدينة جده وفي نهار رمضان ونحنو نتجادل اطراف الحديث قلت لام مصطفي عارفه نفسي في شنو بعد غربه دامت اثني عشزه سنه اول حاجه فول في الانديه وباسطه من ود حميد وكوره في استاد الحصاحيصا للمريخ وقيم كتشينه بعد التراويح في فلب الجزيره

ياود الخاله كل سنه وانت طيب

تحياتي لجميع الاهل وابنا الخالات في السعوديه دون فرز

اشرف العب

ياسر الطيب الأمين الرضي كتب:: وأنا نفسي أسمعك في حفلة بعيدة لافحه الهواء ما معروفه في ياتو حي وأنت بتغني أخر خبر كتبو في جواب
وأنا جاي من الأندية وضارب الفول وما عارف إتجاه الحفلة

دمت إنشا الله مهدي

تكون يا ياسر ما ضارب الفول تكون ضارب ليك كسرة بي شطة خضراء(خمييييره)قومت عليك المصران .....
أخــــي ياســـر والله طلتك اسعدتنا وعاد الزمن الجميل ..عامل كيف ووين ومتين نتواصل كل الاشياء الجميلة

يادسكو والله الشوق كتير لمن مدفق واخبارك مقطوعه من الدمام جزاك الله خير علي المداخله والشكر للاخ ياسرالطيب والاخ انورومحمود علوب شكرا ياشباب الحصاحيصا الواعدين

العزيز اشرف ود الخاله جيله والهلالابي الغيور محمد محجوب ود حاجه منينه حبيبة الكل تحياتي لك وللاسره الكريمه بدون فرز

اشرف يا ود الخاله كيف حالك واخبار الخاله جيله و والوالد محمد محجوب واسرتك الصغيره

» هل أجد نفسي ها هنا ....؟؟؟
» هذا كل الربنا قدركم عليه ان تتسحبو مدافعتي عن نفسي وعن البلد
» نفسي أمووووووت !!!! واعرف الرجل ناقص شنو؟؟؟؟؟؟
» يا انتي .. نفسي في داخلك اعاين!
» اقرا لتعرف نفسك هل تحتاج لطبيب نفسي ام لا؟؟؟