الاستاذ المحبوب والدكتور رأفت مشاركتكم تسعدنا

الاستاذ المحبوب أحمد الامين والدكتور رأفت محمد ابراهيم حاج التوم من المتصفحين الراتبين والمداومين علي الاطلاع علي الموقع،نهيب بهم تفعيل مشاركتهم وتفاعلهم فبهم ومعهم تستطيب المسامرة.

مرحبتين حبابهم عشره
بس ليه متصفحين بس قول ليهم ابقو داخلين لجوه
وتسلمو

يلا يا دكتور رافت ويلا ياستاذ المحبوب

الاخوه و الاصدقاء فى دوت كوم.السلام عليكم ورمضان كريم. ان شاء الله سوف اكون مشارك معكم في شتي المواضيع. تقبلو اعتزاري للتصفح وعدم المشاركة.
رأفت محمد إبرأهيم

أهلي وأحبابي وأصدقائي
ناس الحصاحيصا دوت كوم
رمضان كريم

أسعد دوماً بوجودي معكم في الحصاحيصا دوت كوم كمتصفح شبه يومي، وشاكر جداً للدعوة الكريمة من الأخ صداح وأرجو أن أكون عند حسن ظنه ،، لكن يا حسن وراق ما خليت لي حاجة أدخل بيها يعني لمن تشيل وتحكي معروضات البطانة وبكاء الليدي ديانة عليها رحمة الله خليت لي شنو ؟؟ ما يا ها دي فرمالات دخولي ذاتها ،، أها يعني اسي أجي داخل ساكت زي طالب الثانوي ،،

وللتخوف والتردد في الدخول مناسبة ،، في مدرسة الحصاحيصا "ب" كونا جمعية أدبية في المدرسة ، وكان حينها الاستاذ علي قنديل "يطراه الله بالخير" مشرفاً على المناشط على ما أذكر ،، وفي إجتماع من إجتماعات الجمعية التأسيسية للجمعية الأدبية ، جا الاستاذ علي قنديل قاصدني عديل ، وقف قدامي من دون خلق الله ،، الجائي من الدوينيب ، والجائي من ودهجا ، والجائي من أبيد ،، وقال لي هوووووي ياناس الدبة انتو مالكم ومال الادب والجمعيات الأدبية !! والله دوبيت الأنادي دا زول دايرو مافي ،، وطبعاً فرج فيني أمة لا إله إلا الله أها من ديك وعيك حتى أدمنت المتاوقة بفوق الحيط .

عموماً أرجو إعتبار هذه الرسالة بمثابة طلب للإنضمام والمشاركة وأتمنى أن أكون مشارك فاعل وأن أسهم بالقدر المطلوب في إرساء رسالة الموقع وكل سنة والناس كلهم طيبين،،


المحبوب