من رباعيات راشد يس وقيع الله ابو حلا
هوي ياشباب اربطوا الحزام والتكة
نمسك فى العديلة وفى حقوقنا ما نتكا
اسياد فهم وعلم ما فينا واحد لكه
والبلصق فى طرفنا والله ما بنفكا
00000000000000000000000000
قضية الجزيرة بتهم العدو والصاحب...
مشروعنا المنور وشو اصبح شاحب
ان درتوا العديلة والله الف مراحب
وان كتر الوجع بتلقوا نارنا تلاهب
0000000000000000000000000
من حقها الجزيرة تلبس وشاح وخدار
ومن حقنا نحن بلدنا يبقى منار
كعب المروق ونبش الفضايح حار
نوصيكم بالعديلة قبال تولع نار
00000000000000000000000000000
زيارتك ان صدق بترجاك هناك وجائع
مشروعنا الفحل الليلة اصبح ضايع
الثروة الهناك قسموها بضائع
مواطنك فى الجزيرة الليلة اصبح صايع
0000000000000000000000000
يا اهل الجزيرة الليلة عندي قضية
مشتاق للصراية ولمة الضهرية
قانون وخمسة مابترضى بيهو بنية
باع كل الاصول والهندسة الزراعية
000000000000000000000000000
زيارتك يا النائب خليها تبقى عديلة
خليها المضارا واطعن عدييل فى الفيلة
الترع والمجاري ملانه صوفة ونجيلة
وان قلت البحوث دى براها قصة طويلة
000000000000000000000000000000000
نحن اولاد جزيرة فهم وعلم واصالة
مانا شباب رقيص فى النيل فتحنا الصالة
فى وكت الدواس قبل الناس تصل نتبارا
وفى وكت السلم شبابنا خلوا عطالا
0000000000000000000000000000000000
ابشري ياجزيرة شايف شبابك سخن
لكناهوا الصبر حتى البهائم وحن
جنياتك اسود وكت المدافع قحن
وبناتك لهب ساعة الفجخ بضحن
000000000000000000000
ياالمتعافى الجزيرة حليله قهرت وملت
فاكنك فى الخلق مشروعنا روحو انسلت
مرات فى السماد ومرات تقاويك جلت
والمزارع المسكين راجيك عرقو يتخلت
يا اخوانا الدولار فوق رقابنا اتحكر
ضيعنا الجنيه واقتصادنا اتوكر
لا شفنا الحلول لا فينا واحد فكر
والعجب العجيب بترولنا زاتو اتسكر
نقره لتكبير أو تصغير الصورة ونقرتين لعرض الصورة في صفحة مستقلة بحجمها الطبيعي راشد ابوحلا يتغزل فى بطانة الخير
بطانة الخير حباب واديك حباب فرسانك
المطر البدفق والبروق شالعه عشانك
خصاك الأله يا درة جمال اوطانك
انتى من الجنان والشكره لى سودانك
بطانة الضكرة والكرم سلطانك
طه والحردلو ودكين من فرسانك
عاجبانى الرمال والطيبة فى احضانك
انتى من الجنان والشكرة لى سودانك
0000000000000000
غازلنى الدعاش وهيج عليا بروقو
فوق درب ود حبوبة قليبي زايد شوقو......
جهادنا القديم الليلة نحي عروقو...
والمابي العديلة حرم نكسر طوقو
0000000000000000000000000
فى شان العزة دايرين نعيد السيرة
وفوق ارض الوطن والله نموت بالغيرة
نرجع للأله والناس ترضي اميرا
وان وقع القدر طلق نشيل الشيلة
.................................................
سوداني اصيل يسالمك بالعديلة ويباشر
مهموم بالوطن فى شانو يرضى ويقاشر
ان دقه النحاس فى جودة او فى الفاشر
افقدو فى الصفوف تلقاهو جمبك جاسر
....0000000000000000000000000000
حباب الشر محل ما يقوم ويبتق
وحباب الرجال وكتين دموما تعتق
ما فينا الزول ال فى كلامو بلفق وبلتق
فينا الوت البي سلاحو يبعج وبفتق
.0000000000000000000000000000
من غيرنا القدم شيوخو و شبابو
ومين سده الفرق وكت الفوارس غابو
ان كتر الصهيل وكل المدافع خابو
نطعن بالسوانكي والموت نقيف فى بابو
0000000000000000000000
كاتلانى العيون فى جبينا راسمـــــــه هلال
تسالمك ضاحكة رزينة وطويلـــــــــة بال
ان قلت الطبع بتـــــــــــا تستر الحال
وان قلت العسل من خشــــــــيما نقط وسال
00000000000000000000000
00000000000000000000000
الدهب المجمر كردان معــــــــــلق فيها
صافية قلب صورة القـــــــــــمر وشيها
الصدر العالى جـــــــــوز برتكان حاويها
صيــــدا ونافرة الا النســـــــب خاتيها
0000000000000000000000
0000000000000000000000
يا قلـــــــــــبى الحزين يا كاتم الاسرار
هايم فى العشق شايــــــــــفك دوام محتار
الصيد بالبحر شوف عيــــــــنى عدا وسار
خلاك تعصر الشوق وجواك مولــــــــع نار
00000000000000000000000
00000000000000000000000
0
ضاقت يا رفيق وضــــــــاع الفهم يا خسارا
سيد الوجعة ان غلب ما بدقــــــــولوا نقارا
كان ما كلام الناس خايف يقـــــــولوا حقارة
كان فى درب السمحة اخلى الرجال تــــــضارا
0000000000000000000000000
000000000000000000000000
الارباب اخوى قليل الاصل انســـــــــــاهو
الفهم والعقل من زيو ما ترجـــــــــــاهو
الكرم والمروة جاريات تبـــــــــكى وراهو
ان مته القبير اوعاك تحفرو حــــــــــداهو
0000000000000000000000
0000000000000000000000
القلب الجريح لى دار ام وجن بنــــــــــاتل
الضايق العشق فى شانو بسل سيـــــــفو يكاتل
كان ما النسب خيرو قليل ومشــــــــــاتر
ما كان ابشنب رجع مكســـــــــــور خاطر
0000000000000000000000
0000000000000000000000
يانفسى الدنية الليلة هدى وروقـــــــــــــى
من عيون الناس كيفن ادارى شـــــــــــوقى
جبل الهم مرصوص معـــــــــــــلق فوقى
ياقلبى اللهوف اوعــــــــــــاك تكسر طوقى
فى رثاء القيادى بمشروع الجزيرة اسحاق عمر
رحل سيف العز الديمة قايد اخوانو
رحل اسحاق الكان علم فى زمانو
رحل وفات الكان عزيز فى مكانو
تبكيهو القبائل والناس تنوح فى شانو
00000000000
اسحاق خلاص راحل براك ومسافر
الوجع الكتير رقد هداك زى كافر
بنطراك دوام وكتين نصول ونعافر
وان طال العمر حرم وراك بندافر
000000000000
رحل ضو القبيلة الديمة جايب النصر
رحل دراج العاطلة اليومي جابر الكسر
رحل السيرتو من جزيرتو لى مصر
رحل دابي الوعر الصولتو زى النسر
00000000000
فاقداك الغلابة زراع الارض والبور
فاقداك التعابا والهم هناك مصرور
يا فارس القبيلة الفيك الكرم موفور
تنعم بالجنان وبيتك هناك معمور
00000000000
ابكن يابنات على الزول العزيز فى قومو
فارس المشروع الما شبع فى نومو
تلقاهو يزازى وكتين لصوصنا يحومو
يقالع فى الحقوق ياريتنى لو تومو
000000000000
المتل اسحاق بفقدو القريب والعامة
فاقداهو الجناين والحبوب الزامة
معروف بالركوز فى القليل واللامة
تلقاهو يناتل وكتين تكون الطامة
0000000000000
اسحاق قيادى وفوق الرئاسة مكوٍع
فاقداهو الغلابة وكتين خريفنا يجوٍع
راكز للعدو فى ضربو ديمة ينوٍع
والمتلك فى الفراسة حقيقة فراقو يلوٍع
موضوع: رباعيات ومجادعات ابوحلا 
الإثنين 9 يونيو 2014 - 8:33
