جمال الوالي جبتها دقلا يكركب ..الكلام الا قالوا "رب" بتعرفو براك "فيديو"

جمال الوالي في فيديو منشور في عدة مواقع قال
(( ربنا سبحانه وتعالى قال العارف عزو مستريح))

"ان ترككم فهو خيرا لكم ".. هذا ما اتت به واحده قريبتنا قاصده بذلك قول الله تعالى ( وعسى أن تكرهوا شيئا وهو خير لكم ...الى نهاية الاية) يعنى قريبتنا دى الناس شايله حسها وهى خلوة لم تدخلها وياتى "دكتور" جمال الوالى يقول كلام ذى ده وينسبة لله عز وجلا ...يا سبحان الله ...

سلام
ياجماعه جمال اخطاء وادراك خطاءه بايه مباشره لما تنصبون المشانق ويامحبوب
ما كان تمسك الكلام من نصو وكان تجيب مابعد الكلام ومن منا بلاخطيئه
وكلام جمال الوالى كان انفعالى ورد الى خالد سيد احمد المحامى
وهو كان داير سستشهد بالايه والمثل واختلط عليه الامر

الاخوان لماذا تترصدون الهفوة الصغير وتتركون الاشياء الجميلة التى يقدمها هذة الرجل من فينا لا يخطى فهل هناك شخص معصوم من الخطاء وقال الرسول <ص) من كان منكم بدون خطئية فليرمها بحجر هذا لصحابة

انتم يا العزال والحساد يعنى الراجل ده غلط وصلح غلطو مش خلاص .

ذى باك الكورة صرجت منو ودخل هدف عكسى بنيران صديقة .

دا لو واحد ما من جماعتهم كان اقاموا عليه الحد لأنه يتلاعب بكلام الله الذي أوكلهم فقط من دون سائر المسلمين بحمايته.

يعني بقت على الوالي ده..؟
ما يتعرض له الدكتور جمال الوالي صباح مساء يجعله يقول أسوأ من هذا من غير قصد..
البعض يُحرِف ما جاء في كتاب الله و أخرون يشككون فيه و أخرون يكفرون به تماماً ، بل و يدعون أن لديهم (صراعات) حتى مع الله الذي خلقهم و العياذ بالله.. و لا يجدون من يتصدى لهم أو يردعهم..!!
ما أن إنتشر هذا الفيديو البغيض حتى إنبرى للأمر المفتون و المسلمون (الجُدد)..!!
فضوها سيرة ..

الفاضل حسن الجمل كتب:: سلام
ياجماعه جمال اخطاء وادراك خطاءه بايه مباشره لما تنصبون المشانق ويامحبوب
ما كان تمسك الكلام من نصو وكان تجيب مابعد الكلام ومن منا بلاخطيئه
وكلام جمال الوالى كان انفعالى ورد الى خالد سيد احمد المحامى
وهو كان داير سستشهد بالايه والمثل واختلط عليه الامر

الكلام واضح
زول نجر ليهو آية من دماغو ورينا إنت ما قبلـ النجر أو ما بعدو
نحن ترانا ماسكين في الماسكين فيهو
إنفعالي كيف يعني يعني أي يزول ينفعل ينجر ليهو آية علي كيفو ؟؟

حسن مبارك كتب:: الاخوان لماذا تترصدون الهفوة الصغير وتتركون الاشياء الجميلة التى يقدمها هذة الرجل من فينا لا يخطى فهل هناك شخص معصوم من الخطاء وقال الرسول <ص) من كان منكم بدون خطئية فليرمها بحجر هذا لصحابة

نعم يا بو الحسون الخطا وارد
لكن الما وارد النجر
وعلى مين ؟؟
استغفر الله العظيم

مجذوب الطيب كتب:: انتم يا العزال والحساد يعنى الراجل ده غلط وصلح غلطو مش خلاص .

ذى باك الكورة صرجت منو ودخل هدف عكسى بنيران صديقة .

يا مجدوب داير يستدل بالآيات لزوم التدين وكدة
تاني ما حا يستدل بآية شعر وحكم وأمثال
غايتو الله يهون

عبدالمنعم ترتورة كتب:: دا لو واحد ما من جماعتهم كان اقاموا عليه الحد لأنه يتلاعب بكلام الله الذي أوكلهم فقط من دون سائر المسلمين بحمايته.

شوف يا منعم الناس تعبانة قدر شنو في التبرير
مرة منفعل ومرة المشغوليات
الراجل في مادة الدين بستحق الصفر بالراحة

الرشيد حبيب الله التوم كتب:: يعني بقت على الوالي ده..؟
ما يتعرض له الدكتور جمال الوالي صباح مساء يجعله يقول أسوأ من هذا من غير قصد..
البعض يُحرِف ما جاء في كتاب الله و أخرون يشككون فيه و أخرون يكفرون به تماماً ، بل و يدعون أن لديهم (صراعات) حتى مع الله الذي خلقهم و العياذ بالله.. و لا يجدون من يتصدى لهم أو يردعهم..!!
ما أن إنتشر هذا الفيديو البغيض حتى إنبرى للأمر المفتون و المسلمون (الجُدد)..!!
فضوها سيرة ..

طبعاً علي الوالي دا
مش من جماعة الاخوان المسلمين ؟؟
الطارحين نفسهم "ظل الله في الأرض" ؟؟

شنو الأسوأ من تفتري على الله كذبا ؟؟

ودا مش مبرر
يعني لو الآخرون أخطأوا
هل دا ببقى تبرير كافي للنجر ؟؟

الراجل كشف عن سطوح فهمو براهو
والبتتكلم عنـهم ما وصلوا سدرة منتهى الوالي
ولم يتنزل عليـهم جبريل بكلام من الله
مش جائز الوالي دا فاتح إعتماد على عالم تاني ونحن ماعارفين ؟؟

تعليقات "مواقع"

(( غايتو ده ذكرني قصة بلدياتي
قال فيها الكلب هجم عليهو في الخرطوم
بس لو ما كان حافظ "طلع البدر علينا "كان عضاهو))

(( أتخيل يكون بام الناس في صلاه يبدأ بي بالفاتحة بعد داك العارف عزو مستريح ))

المرة الجاية حا يجي بي ثانية "العزوزتين" :
العارف عزو كلام الناس ما بهزو

وشوية كدة حا تتنزل عليـهو :

العارف "عيشة" في سوق الغزل منو ؟؟

الوالي يحرج الباكات
طيب نسلم بأن الاولى "آية"
طيب التانية دي شنو يا جمال أحمد حمدون ؟؟

أم الحسن جاها جواب من الخير
"ولدا الوحيد" وكان مغترب في ليبيا
شالت الجواب وجرت الشارع عشان تلقى زول يقرا ليـها الجواب
صادفت واحد "مصلح" وأنيق زي الوالي كدي ولابس "كسكتة"
وقفتو قالت ليهو "أقرا لي الجواب دا آآعشاي"
إعتذر ليـها قال ليـها والله ياوالدة ما بعرف أقرأ
قالت ليـهو "سجم خشمي بعد كسكتتك دي ما بتعرف تقرأ ؟؟"
الراجل بي صليحتو ديك قلع الكسكتة وختاها ليـها في راسا وقال ليـها "خلاس هاك أقريهو إنت "

المحبوب من الرئيس الي اصغر مفتي حكومي ساقطين في التربية الاسلامية..يجب ان نتحلل منهم
اما جمال الوالي ساقط تربية اسلامية وتربية بدنية....سماحة جمل الطين

عزو ياتو فيهم انا عندي صاحب اسمو عزو وعارفوا كويس لكن ما مستريح منو

يا جماعة جل من لا يخطئ
لو راجعنا الردود نجد أحد الأخوان استشهد بقول الرسول صلى الله عليه من كان منكم بلا خطيئة فليرمها بحجر
وهذا ليس من اقوال المصطفى صلى الله عليه وسلم وانما المسيح عليه السلام

بجيب مسداري في سواة الكويز العاب
@ مو حافظ الحمد وكمان طلع كضاب
@ مسدارا يباريهو ان ظهر وإن غاب
@ يسود عيشتو ديمة ويملا خشمو تراب
@ ياعالم الغيوب ياباري يامتعالي
@ ياباعث الحياة في كل جسم بالي
@ احفظ بلدي من دار المحس لا الدالي
@ ونجي الامة من قرآن جمال الوالي
@ ولدا بالكضب واللف صبح راسمالي
@ لا راي لافهم عاين رويسو الخالي
@ سخلا في البلد حسو بيلبلب عالي
@ مو فارز كلام الرب من الأمثال
@ من زمنآ بعيد عارفك سنيح ومسيخ
@ وبي سببك أبيت الكورة والمريخ
@ مابتبع فريق قايدو الإضينة الخيخ
@ كان شمس الله تطلع في الغرب وتشيخ
@ يالبشتنتا مريخنا ومليتو دواهي
@ بعد ماكان زعيم في الكورة آمر وناهي
@ مادام في العلم خيطك ملتق وواهي
@ شن وداك تكابس في كتاب الله
@ حقو الشاشة والتلفاز تطفي تضلم
@ بعد عملة جمال القالوا زول متعلم
@ ماتستغرب إن يوما لقيت متكلم
@ قال زاد الشجون جات في البخاري ومسلم

اصدر مجلس القضاء الهلالى حكمه على الوجيه جمال الوالى رئيس مجلس ادارة العالمى العنيد واكثر رؤساء الاندية

العربية شعبية .كالاتى : 1/ اعتبر السيد جمال افترى على الله الكذب

2/ اقامة الحد عليه لانه تلاعب بكتاب الله

صدر الحكم منهم بناءا على البينات التى قطعوها من راسهم وفصلوها بخيالهم الحاقد بالرغم من ان الراجل استغفر واعتذر

في الحال . لكن ناس ديل فارهم فيل وعتودهم جمل وكلبهم اسد . من ناس ديل وا اسفاى . ياجماعه خلونا فى حالنا امشوا شوفوا

ليكم حل للجايكم دة زمالك ومصائب سوداءعجبانى والعارف عزو مستريح خلى بالك من اللون يا محبوب وترتورة خليك فى

بحرك الهواء هناك عليل لكن نحن هوانا كتاحه حمراء

» قوة عين جمال الوالي (فتى) الرئيس .. علامة رابعة فى المريخ السوداني !!
» جمال الوالي.. ما هذا السفه؟؟
» عن (قرآن) جمال الوالي ، الوحى الجديد قصيدة لحسين شنقراي
» فرصة وضاعت يا جمال الوالي ؟!(منقول)
» هووووي يا السر قدور .. والله براك داير تجيب الهوا لرقبتك "فيديو"