المريخ الشرس ............

والله جماعتك يوم الجمعه داك فلتو من هزيمه كان ليوم الله يحكو بيها بس بت الكلب مدوره ما بتدي حريف وأخر جنونه دايره تقلب علينا ...............

اخير ياناس شوفوا ليكم دفاع قبل ما قاعدة الصواريخ تسخن ............

منو القال انو الحيلالاب اغلبيه هنا احنا ناس عمل ما جعجعه لما الحاره تظهر بتلقونا قدام بس اصبروا ............
[b]

ياود الشيخ المريخ مليان لعيبة بس ياخي ده مش غلط انوكلهم في الوسط والهجوم،يعني معقول زي عبدالحميد السعودي وطمبل ديل في الاحتياطي ،بعدين ياخي مافي فروق كبيرة بين المحترفين والوطنيين،يعني بالشايفو ده طمبل بضَيع اقوان وكلاتشي بضَيع ووارجو كمان،والمسالة دي مافي صالح البلد لانو هجوم المنتخب القومي كلهم احتياطي مع فرقهم،كمان ياخي شداد يصلح بجاي ورئاسة الجمهورية (بتمنح) الجنسية باتجاه أخر.بعدين ياخي بدل القروش اللي خسروها في اللاعبين النيجريين مش كان احسن يلموا القروش دي ويجيبوا ليهم مدرب كويس في مستوي كارلوس البرتو وبرونو ميتسو ويدعمو الاشبال والبراعم واهو ده استثمار مضمون 100%.يعني 2 مليون دولار ما بتجيب مدرب عالمي وتفتح مدارس الناشئة مع تحياتي .

والله يا صداح كلامك صاح
البلد مليانه محترفين
يعنى فى الهلال مثلا تلقى امبيلى صاحب مستوى عادى جدا احمد عادل اخير منو وهو كمان لاعب المنتخب الوطنى
المهم المساءله بقت منافسة من اجل انو الاعلام يكتب سجل بكم مليون دولار

الاخ امجد والاخ صداح والاخ عمار وابوذر
المشكلة الان ليست فى المبالغ الخرافية التى دفعت المشكلة فى استراتيجية التسجيل الواضح ان المريخ دفع مبالغ هائلة لدعم صفوفه لكن تم ذلك دون دراسة فمثلا غياب لاعب واحد عن المشاركة فى مبارتين (سفارى)ادرك المريخ التعادل فى الزمن بدل الضائع وهذا دليل على ان تسجيلات المريخ غير مدروسة واصيح واضحا ان المريخ يعتمد على لاعب واحد ان غاب اهتزت شباكه وبات يبحث عن التعادل فى الزمن الضائع رغم الكم الهائل من المهاجمين

.. اخوى امجد اكتر ما اعجبنى فى كلامك ... عنوان موضوعك الناقص .. عايز تقول شنو ؟ الذى انطفا ؟ الذى مات ؟ الذى اندثر ؟ الذى .... ؟؟ كلام صداح هو الاساس لكل الزوبعة الاعلامية وكفايانا بقى ....

الليله الموت والشراسه الانا بقصده .......... بس ما تغيبو وخاصه انت يا بركه

طين ورماد كورتنا يا ناس نعمل شنو بنهرب بيها من همومنا شويه ...... وعشان يتصلح الحال عاوزه ثـــ ......