مبروك للفنجري الأحمر

الأحمر هدّر..
تجلى و ظهّر..
فاز البطل..
و جاب معاهو المطر..
فوحي يا زهور..
و أرقصي يا بدور..
أشرقت الشموس
و جابت الكؤوس..
الليلة الفرح..
قلبنا إنشرح
مبرووووك للصفوة الحمراء
سيكافا..
حلاوة..
و لطافة..
و ناساً قيافة..
مبروك للفنجري الأحمر
جانا إتبختر..
جانا فارسنا الحوبة
و قلبنا الهوبة..
بس ما تجينا طوبة..
من ناساً معطوبة..؟

و دمتم

[img]

[/img]

[img]

[/img]

الرشيد حبيب الله التوم

من غيرنا لون التاريخ بالزهب
من غيرنا يعطى لهذا الشعب
معنى ان يعيش او ينتصر

منو الغيرك بفرحنا يا زعيم اقدل يا احمر فوق عديلك مبروك الزعامة
بجدارة واستحقاق افرحوا يا مريخاب يا ناس .... موتوا غيظا

يامجدوب البكتلنا شنو ؟؟
والله جنس دا أكان مشتهنو كان زمان جبناهو
بعدين الكاردينال وفاطنة شاش كان سمعو كلامكن دا يقومو يزعلو يسوو ليهن سيكافا براهن
ياخي ما بتعرفو تفرحو إلا لمن تعكرو صفاء الأمواج الزرقاء ؟؟ أسي بالله سيكافا دي ذاتا طعما شنو ؟؟

أستاذي المحبوب ..
بقوا عليك إثنين.. جمر المريخ و رماد الحكومة..؟
و إن شاء الله يزورك فرح (أزرق) قريباً..
قول آمين..
شوفتا المريخاب ديل كويسين كيف..؟
و دمت

نسيت أسألك يا أستاذ..

الهلال جاب أو عمل شنو عندو طعم..؟

و دمت

دامت أفراحكن إن شاء الله
ماشفت قبال يومين المهلبية الزملكاوية وباسطة سلا ؟؟
الماديرين تشوفو ما بتشوفو لكن عاذرنكن
وياها حدودكن "حدود داعش" بشأن تقسيمات الدول "أرض الحبشة" أو ما يعرف بسيكافا
جيبوتي والصومال ورواندا والبن الحبشي
وهي على فكرة نفس حدود البشير
لكن الوداد البيضاوي ووفاق سطيف ودينموز هراري ويونايتد كلوب الجنوب أفريقي "نهي"
بالمناسبة الطيارة قالوا حصل فيها عطل وحا يصلوا اليوم التلاتاء
قلنا ليكن شوفو اللوفتهانزا أو الكي ال ام ما سمعتو كلامنا

مع خالص تحياتي

المحبوب شوية شويه نار الشوق كتيره على مشتاقين ان شاء تفرحوا انتو يالحبان زينا وتبقو كبار وتجيبو

اى كاس من خارج السودان بالبحر ولا جوا وحتى لو برا باللوارى من حته جنبنا نحن بنفرح بيكم يا جماعة

وكترت المصائب تجعلنا نخفف شويه عليكم . ونحن مشينا سيكافا عشان نمرن الاولاد الصغار الجداد المصعدين

من الاشبال ونخلق روح التفاهم بين خطوط الفريق يقموا العفاريت الصغار ديل اولاد الشواطين الحمر يجيبوا الكاس

تتصور يالمحبوب محل فى دولاب الكاسات ما حضرناه ليه ايش رايكم نخلى شويه معاكم عشان تتصورو معاه وترجعوه

لينا وانا بحبك يا سيكافا الحمراء وقيافه

ان شاء الله نكسب الشكوى القدما الزمالك في فيتا كلوب
وتقوم فاطنة شاش تعمل مؤتمر صحفي لاعتبارها الناطق الرسمي للهلال
وتقوم تعلن فيهو خطط الكاردنال لدور الاربعة
وبعداك لكل حادث حديث

أطرد الأحلام يا محبوب و أصحى..؟

مبروك للمريخ وللسودان وللهلالاب كية عليهم...
مبروك للاخ الرشيد وخلى الجماعة يموتوا بغيظهم ...
نحن بقينا على الهبشة ونقلب عليكم ونرتاح من ناس المحبوب ومحمد جعفر..

تحياتي يا دكتور يا صفوة..
إن شاء الله نبارك لك فرحك بأولادك و أحفادك كمان..

المحيوب مشهود ليك زول نصيجه ماااالو غلبك تقوﻻ فى حق السيكافا
حقيقى المارد اﻻحمر غاب وجاب دى حقيقه ويييييم بتمشوا منها مع خااالص تحياتى

و كوثر ذاتا (فنجرية)..
سمحة المقدرة يا تيكو..
و دمتي..

شوفوا (الفنجرة) دي..

[

img]

[/img]

هنأت المذيعة اللامعة سلمي سيد المريخ والمريخاب بفوز الفريق بكأس سيكافا.
وقالت : مليار مبرووووك للمريخ والمريخاب الإنجاز والإنتصار الكبير الذي حققه الزعيم افريقياً.
وحول إحساسها بالإنتصار الكبير للكرة السودانية؟ قالت : والله لينا زمن ما فرحنا كده.. ولينا زمن ما اتلمينا إلا في فرحة فوز المريخ ببطولة سيكافا.. وأنا مبسوطة شديد أكتر من فرحة الهلالاب معانا..
وماذا عن المريخاب في دولة الامارات العربية المتحدة؟ قالت : والله السودانيين كلهم فرحانين.
هل الأسرة كلها مريخاب؟ قالت : لدي ابن واحد هلالابي ( الجاب لينا التورتة) إحتفاﻻً بالفوز.

الصحفي السياسي الطاهر ساتي يفحم الهلال بمقال جميل (شكراً للمريخ) ...!!

شكراً لمريخ السودان وهو يسعد الشعب السوداني ب (كأس آخر)..وهذا هو الفرق بينهما، (الهلال والمريخ)..فالطموح في لاعبي المريخ وإدارتهم دوماً يتجاوز المحلية إلى حيث التفكير والعمل على تحقيق الانتصار في مضمار المحافل الإقليمية أو مجاراة الفرق العالمية ولو ودياً كما فعل أمام بارين ميونيخ بالدوحة..ولكن يتقزم هذا الطموح في لاعبي الهلال وإدارتهم لحد الإكتفاء - أو الحلم - بهزيمة المريخ، وكأن كرة القدم وكل منافساتها هي (المريخ فقط).. و بهذا الطموح المتجاوز للمحلية، نجح المريخ مساء الأحد الفائت في قهر الجيش الرواندي في عقر داره بهدف غال ليمتلك كأس سيكافا بعد الفوز به (للمرة الثالثة )..!!
:: شارك الهلال في منافسات كأس سيكافا أكثر من (7 مرات)، ولم يلعب أية مباراة نهائية في كل تلك المنافسات بحيث يتمكن من احراز المركز الثاني في احداها و ناهيك عن ( إحراز كأسها)، ومع ذلك هناك من الهلالاب من يقلل قيمة هذه المنافسة الاقليمية حين يتصدرها المريخ ويأتي بكأسها.. نعم يقللون من قيمتها وكأن الهلال لم يسع إلى كأسها أكثر من (7 مرات)، أو كأن الهلال جاء بكأس أكبر من منافسة أقوى و أكبر..ويتناسون - في غمرة التقليل من مستوى الحدث الرياضي - بأن الهلال لم يُسعد هذا السودان ابداً في اي منافسة إقليمية، إفريقية كانت أو عربية.. فالفرح المحمول جواً كان ولايزال (صناعة مريخية)، وهذا ما يجب على الهلالاب الإعتراف به والإنفعال معه إيجاباً وليس حزناً أو تقليلاً من شأن المنافسة، لان الفرح في مقام كهذا يتجاوز جماهير المريخ إلى ( أهل السودان)..!!
:: فلندع الهلال ( يسك الحكام ويلاكمهم )، أو كما يفعلون عند الهزائم، ونعيش الفرح مع من يصنع أفراح السودان ( المريخ طبعا)..وبالمناسبة، أنا هلالابي و بطاقة العضوية في جيبي، ولكن أعشق كل ما هو سوداني حين ينتصر أو ينجز للسودان.. أبطال المريخ يستحقون التكريم رسمياً وشعبياً لأن بلادهم كانت ( رايحة ليها فرحة)، منذ زمن طويل.. فالقطاع السياسي، كما العهد به دائما، لم يبارح محطة الخلافات والصراعات والاتفاقيات غير المتفق عليها حتى ولو كانت مبرأة من كل سوء، ليكتوي الشعب بما يفعلون .. أما القطاع الإقتصادي، فهذا لا يبشر الناس والبلد إلا بالمزيد من الرهق وضنك الحياة، رفعا للدعم عن السلع كان أو زيادة للجمارك والضرائب والجبايات والاتاوات على السلع وشركاتها، ليرهق كاهل المواطن ..والقطاع الثقافي، وكأنه على خصام مع الأماسي، ينام قبل المغرب ليثرثر فجراً في (الصفحات الثقافية)..وهكذا ، كل قطاع ينافس الآخر في ( العجز والفشل)..!!
:: ولهذا، أي لأن منافذ الفرح العام في بلادنا تكاد تكون أضيق من ( قد الإبرة)، نفرح حتى الثمالة بأفراح القطاع الرياضي العريض الذي يمثله أبطال المريخ خير تمثيل ..جديرون بالإحتفاء الشعبي ، لتحقيقهم ما عجز عنه الاخرين في قطاعاتهم ومواقعهم، و أعنى هواة ( الفشل العام) و عشاق ( العجز الشامل).. وجديرون بالتكريم، لأنهم إنتصروا للسودان وأسعدوا شعبه في زمن يكاد أن يصبح فيه السعيد غريب الوجه واليد واللسان في بلاده، وذلك من هول (الحزن العام).. وعليه، شكراً للمريخ وهو يصنع على شفاه أهل السودان ( بسمة عامة)...

» الدهشة فى روضة التقوى القرانية بحى العمدة (( حاسوب وابداع وصور ))
» كنز البحر الأحمر
» المنديل الأحمر
» إنهزم المعشوق الأحمر و لم يسقط !!
» المنديل الأحمر