مش علي كيفك تنهي وتأمر يا خي إنت مش علي كيفك !!

يا ما سهامك جرحو قلبي
وشاهر لسه لحاظك وسيفك
كفاية خلاص شقيت من صدك
أمسك مني عيونك وطيفك
أنا أستاهل كل الحاصل
بعت حبايبي وصرت حليفك
لا بمشيـها دروبك تاني
لا مرساي بكون في قيفك
إنت مش علي كيفك

يا ما زمان الشوق أضناني
وقِدتك شمعة تضوي زماني
إلا لقيتك زائد جفوة
فاكر يعني بتتحداني
لو يا ظالم ريدك ولى
وضاع الشوق من دربك تاني
بكرة الريد يملاهو طريقي
ونار الحسرة بتلهب زيفك
إنت مش علي كيفك

كم ناجيتك وإترجيتك
وكم فتشت كتير لي ودك
زيد في نفورك وزيدو غرورك
زيد في شقاي وكتر صدك
إلا وحاتك غصباً عنك
آخر صبري بلحقو حدك
وباقي ربيع الشايلو عشانك
بكرة يخضر أيام صيفك
إنت مش علي كيفك

ياخي مش علي كيفك

لكن "هِنا" علي كيفك

يوماتي بتلاقيك مدن
يوماتي راجيك كم مطار
قست الديار والا الرحيل
والغربة نسوك الديار
صالبني في وجع النهارات
غربة وهواجس وإنتظار
مرات أشوف بعدك حقيقة
ومرات ألاقيهو هظار هظار
كان إعتذارك بالغياب عن بيتنا محتاج إعتذار
على كيفك أمش وعلى كيفك تعال

وللموسيقار الفنان عاصم الطيب قرشي رأي آخر فالأمر عندو
"علي كيفي"

على كـيفي ...
أرقع جبتي أولا أرقعها..
أطرزها من الالوب .. ألبسها على المقلوب.
أخلعها .. على كـيفي .
أنا لم أنتخب أحدا...
وما بايعت بعد محمد رجلا .
ولا صفقت للزيـــف ..
لماذا أعلنوا صوري؟
لماذا صادروا سيفي..؟
أنا ما قلت شيئا بعد حتى الآن ..
حتى الآن أسلك أضعف الايمان..
ما أعلنت ما أسررت
ما جاوزت في الأوبــات ..
سرعة زورة الطيـــف

» أم ديساً سبيبي مكلق قلبي الفي هواها إتعلق ما بفوتا إلا مفلق "علي كيفك مخير"